Հա

Համայնք

Չորեքշաբթի, 13 Մայիսի 2015 10:50

Ինդոնեզիայի դեսպանի այցը՝ ազգային առաջնորդարան

Չորեքշաբթի, ապրիլի 29-ի կէսօրին, Թեհրանի հայոց թեմի առաջնորդ Տ. Սեպուհ արք. Սարգսեանը ընդունեց Իրանի Իսլամական Հանրապետութիւնում հաւատարմագրւած Ինդոնեզիայի դեսպան պրն. Դիան Վերնճորիթին ու նրա ընկերակիցներին:
Սրբազան Հայրը ջերմօրէն ողջունեց դեսպանին եւ նրա ընկերակիցներին ու լայն բացատրութիւններ տւեց նրանց՝ իրանահայութեան եւ յատկապէս թեհրանահայութեան մասին:

Չորեքշաբթի, ապրիլի 29-ի կէսօրին, Թեհրանի հայոց թեմի առաջնորդ Տ. Սեպուհ արք. Սարգսեանը ընդունեց Իրանի Իսլամական Հանրապետութիւնում հաւատարմագրւած Ինդոնեզիայի դեսպան պրն. Դիան Վերնճորիթին ու նրա ընկերակիցներին:
Սրբազան Հայրը ջերմօրէն ողջունեց դեսպանին եւ նրա ընկերակիցներին ու լայն բացատրութիւններ տւեց նրանց՝ իրանահայութեան եւ յատկապէս թեհրանահայութեան մասին:
Դեսպանն իր ուրախութիւնը յայտնեց այս առիթով եւ կարեւորութեամբ շեշտեց ժողովուրդների, յատկապէս տարբեր կրօնների հետեւորդների համատեղ կեցութիւնը:
150513d01aՍրբազան Հայրը յայտնեց, որ առաջիկայ մայիսի 20-27-ին Ինդոնեզիայի մայրաքաղաքում գումարւելու է Ասիայի Եկեղեցիների խորհրդի (CCA) գլխաւոր համաժողովը, որը հինգ տարին մէկ գումարւում է եւ որ դա միաժամանակ խորհրդի վերին մարմինն է: Սրբազան Հայրը յայտնեց նաեւ, որ ինքն երկու ներկայացուցիչներով մասնակցելու է սոյն համաժողովին:
Ընդհանուր խօսակցութեան նիւթ դարձաւ նաեւ հայ ժողովրդի Ցեղասպանութեան ենթարկւած լինելու իրողութիւնը. «Այս տարի այդ ցեղասպանութեան 100-րդ տարելիցն է, եւ հայ ժողովուրդը աշխարհի բոլոր խաղաղասէր ժողովուրդների նման նշեց եւ դեռ շարունակում է նշել այս շատ կարեւոր ամեակը»,- ասաց Սրբազան Հայրը:
Տ. Սեպուհ արք. Սարգսեանը բացատրութիւններ տւեց դեսպանին եւ իր ընկերակիցներին՝ Հայոց Ցեղասպանութեան եւ նրա հետեւանքների մասին՝ հայ ժողովրդի կեանքում:
Վերջում՝ հիւրերը այցելեցին Նահատակաց յուշարձանն ու Եկեղեցի եւ գոհունակութեամբ հրաժեշտ տւեցին Սրբազան Հօրը:

Թղթակից

Յարակից Հրապարակումներ

Ամենաշատ ընթերցւած

Քւէարկութիւն

Ինչպէ՞ս կազդի ԼՂՀ-ի սահմանադրութեան հանրաքւէն Արցախի միջազգային ճանաչման գործընթացի վրայ:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։