Հա

Համայնք

Հինգշաբթի, 10 Սեպտեմբերի 2015 13:10

«Արարատ»-ի Թաւրիզի մասնաճիւղի մարզիկները օրհնութիւն ստանալով, մեկնեցին Թեհրան

Հ.Մ.Ա.Կ.-ի Թաւրիզի մասնաճիւղի մարզիկները երեքշաբթի, սեպտեմբերի 8-ի երեկոյեան ժամը 9-ին, հանդիպում ունեցան Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի հետ, Իրանահայ 47-րդ Համահայկական խաղերին մասնակցելու նախօրեակին:

Ատրպատական, ազգային առաջնորդարան - Հ.Մ.Ա.Կ.-ի Թաւրիզի մասնաճիւղի մարզիկները երեքշաբթի, սեպտեմբերի 8-ի երեկոյեան ժամը 9-ին, հանդիպում ունեցան Ատրպատականի հայոց թեմի առաջնորդ՝ Տ. Գրիգոր եպս. Չիֆթճեանի հետ, Իրանահայ 47-րդ Համահայկական խաղերին մասնակցելու նախօրեակին:

Մասնաճիւղի նախագահ Հենրիկ Աբրահամեանի խօսքից յետոյ, Սրբազան Հայրը խօսեց խաղերի ընտանեկան բնոյթի մասին, եւ ապա կարեւորութեամբ անդրադարձաւ Հայոց Ցեղասպանութեան 100-րդ տարելիցի ծիրում կազմակերպւած 47-րդ Համահայկական խաղերի իւրայատուկ նշանակութեանը:

Յայտնենք, որ «Արարատ»-ի Կենտրոնական վարչութիւնից հրաւէր ստացած լինելով, բացման հանդիսութեան ներկայ գտնւելու, Սրբազան Հայրը իր պատգամը յղել էր արդէն, որտեղ յատկապէս անդրադարձ էր կատարել Հայոց Ցեղասպանութեան 100-րդ տարելիցի տարւայ ձօնւած սոյն 47-րդ Համահայկական խաղերին: Սրբազան Հայրը իր պատգամում գրել էր. «Այս տարի յատկապէս, սոյն մարզախաղերի կայացումը, նւիրւած Հայոց Ցեղասպանութեան 100-րդ տարելիցին, մասնաւոր իմաստ ու նշանակութիւն է ստանում: Եթէ անողոք ցեղասպանին թունալից եաթաղանը անխնայ չհարւածէր, վստահաբար այսօր աշխարհում աւելի պիտի լինէր աշխարհահռչակ հայ մարզիկների քանակը: Սակայն, ազգովի հարւածւեցինք, բայց՝ չյուսալքւեցինք ու դարձեալ դուրս եկանք մոխիրների տակից: Փաստը, մեր այսօրն է, ու վաղւայ փայլուն ապագան: Մեր մարզիկների աննահանջ երթը, ու մարտական ոգով պայքարը այս մարզախաղերի ընթացքում գօտեպնդելու են մեզ բոլորիս, երբ նրանց մօտ տեսնենք մեր ազգային երազներին ու ձգտումներին անյապաղ հասնելու խորը ցանկութիւնը»:

Հանդիպման աւարտին, Սրբազան Հայրը «Տէր ուղղեա՛» ճանապարհորդական մաղթանքով եւ «Պահպանիչ» աղօթքով օրհնեց մարզիկ-մարզուհիներին, որոնք Թեհրանում կը մասնակցեն տարբեր մարզախաղերի:

Յարակից Հրապարակումներ

  • Ատրպատականի հայոց առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով
    Ատրպատականի հայոց առաջնորդը ցաւակցագիր յղեց Իրանի պետական աւագանուն օդանաւի արկածի տխուր առիթով

    Կիրակի, 18 փետրւար 2018-ին, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեան, թեմի ազգային իշխանութեան եւ ժողովրդի անունից ցաւակցագիր յղեց Իրանի Իսլամական հանրապետութեան Յեղափոխութեան հոգեւոր առաջնորդ այաթ. Խամենէյի, նախագահ Ռոհանիի եւ պետական աւագանուն, նոյն օր առաւօտեան, Թեհրանից դէպի Եասուջ ուղղւող ճամբորդատար օդանաւի ջախջախման տխուր առիթով:

  • Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում
    Տեառնընդառաջի հանդիսաւոր նախատօնակ, մանուկների խորան ընծայում եւ աւանդական խարոյկ՝ Ատրպատականի հայոց թեմում

    Հայ եկեղեցու որդեգրած սիրելի աւանդութիւններից է Տեառնընդառաջի տէրունի տօնը, մեր Տիրոջ տաճար ընծայման յիշատակը, որը կարօտով սպասւում է ամէն տարի Ատրպատականի հայոց թեմի ժողովրդի կողմից:

    Երեքշաբթի, 13 փետրւար 2018-ի երեկոյեան ժամը 5-ին, թեմի եկեղեցիներում՝ Թաւրիզիում եւ Ուրմիայում տեղի ունեցան հանդիսաւոր նախատօնակ եւ ապա աւանդական խարոյկի բոցավառում:

  • Բարեկենդանի շքեղ տօնակատարութիւն՝ «Արարատ»-ի Թաւրիզի մասնաճիւղի կազմակերպութեամբ
    Բարեկենդանի շքեղ տօնակատարութիւն՝ «Արարատ»-ի Թաւրիզի մասնաճիւղի կազմակերպութեամբ

    Բուն Բարեկենդանի ուրախ տօնի առիթով, Հ.Մ.Ա.Կ.-ի Թաւրիզի մասնաճիւղը կազմակերպեց յատուկ խրախճանք, որը տեղի ունեցաւ հինգշաբթի 8 փետրւար 2018-ի երեկոյեան ժամը 8:30-ին Ազգային առաջնորդարանի «Համազասպ Ոսկեանեան» սրահում: 

  • ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում
    ԻԻՀ յեղափոխոիթեան 39-րդ տարեդարձի առիթով ձեռնարկներ՝ Ատրպատականի հայոց թեմում

    Ատրպատականի հայոց թեմում ապրող մեր ժողովրդի զաւակները, իբրեւ Իրանի Իսլամական Հանրապետութեան բաղկացուցիչ մասնիկ, 39 տարիներ առաջ, երկրի հոգեւոր առաջնորդ այաթ. Էմամ Խոմէյնիի գլխաւորութեամբ սկսւած անցած դարի մեծագոյն Յեղափոխութեան տօնակատարութիւններին իրենց մասնակցութիւնը բերեցին, ե՛ւ ներհամայնքային ծրագրերով ե՛ւ ընդհանրական քայլարշաւում խիտ շարքերով ներկայութեամբ: 

  • Սրբոց Վարդանանց տօնը Ատրպատականի հայոց թեմում
    Սրբոց Վարդանանց տօնը Ատրպատականի հայոց թեմում

    Հինգշաբթի, 8 փետրւար 2018-ին, Սրբոց Վարդանանց զօրավարաց ազգային-եկեղեցական տօնի խորհուրդը նշւեց Ատրպատականի հայոց թեմում, յատկապէս հայաշատ քաղաքներում՝ Թաւրիզում եւ Ուրմիայում, եկեղեցական արարողութիւնների եւ ազգային տօնախմբութիւնների կատարմամբ:

    Թաւրիզի Լիլաւա թաղամասի Սբ. Սարգիս եկեղեցում, չորեքշաբթի, 7 փետրւար 2018-ին, Սրբոց Վարդանանց յիշատակի հանդիսաւոր ժամերգութեան նախագահեց Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը, մասնակցութեամբ Թաւրիզի հոգեւոր հովիւ՝ արժ. Տ. Մարտիրոս քհնյ. Ղուկասեանի:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։