Հա

Համայնք

ԱՊՐԻԼԻ 24
%AM, %07 %326 %2016 %10:%Փտր

Պաղեստինեան «Ֆաթհ» կազմակերպութեան հիմնադրութեան առիթով ձեռնարկ՝ բորջէ Միլադում

Չորեքշաբթի, յունւարի 27-ի երեկոյեան, թեմիս առաջնորդ Տ. Սեպուհ արք. Սարգսեանը, ընկերակցութեամբ Թեմական խորհրդի փոխատենապետ Վարուժ Յովհաննիսեանի եւ յարաբերական գրասենեակի պատասխանատու Տ. Գրիգորիս քհնյ. Ներսիսեանի՝ ներկայ գտնւեց Պաղեստինեան յեղափոխութեան խորհրդանիշը հանդիսացող «Ֆաթհ» կազմակերպութեան հիմնադրութեանը նւիրւած ընդունելութեան եւ դասախօսական ձեռնարկին։

Չորեքշաբթի, յունւարի 27-ի երեկոյեան, թեմիս առաջնորդ Տ. Սեպուհ արք. Սարգսեանը, ընկերակցութեամբ Թեմական խորհրդի փոխատենապետ Վարուժ Յովհաննիսեանի եւ յարաբերական գրասենեակի պատասխանատու Տ. Գրիգորիս քհնյ. Ներսիսեանի՝ ներկայ գտնւեց Պաղեստինեան յեղափոխութեան խորհրդանիշը հանդիսացող «Ֆաթհ» կազմակերպութեան հիմնադրութեանը նւիրւած ընդունելութեան եւ դասախօսական ձեռնարկին։
Հանդիսութեանը ներկայ էին հանրապետութեան նախկին նախագահ դոկտ. Ահմադինեժադն ու նախկին արտգործոցնախարար դոկտ. Մոթթաքին, Արտաքին գործոց նախարարութեան Միջին Արեւելքի բաժանմունքի պատասխանատու դոկտ. Դեհղանին, նախարարութեան բարձրաստիճան պաշտօնեաներ, Արաբական եւ Աֆրիկեան երկրների դեսպաններ եւ այլ հրաւիրեալներ։
Ձեռնարկի բացումը կատարեց դոկտ. Դեհղանին, ով կարեւորեց այս նախաձեռնութիւնը, որով մէկ անգամ եւս արժեւորւում է Պաղեստինեան հարցը, այնուհետեւ խօսեցին Իրան-Արաբական երկրների բարեկամութեան ընկերակցութեան նախագահ դոկտ. Հասան Մուսաւին, Պաղեստինի դեսպան նորին վսեմութիւն Սալահ Զաւաւին, հանրապետութեան նախկին նախագահ դոկտ. Ահմադինեժադը, թեմիս առաջնորդ Սրբազան Հայրն ու Կուբայի դեսպանը։
Հանրապետութեան նախագահը կարեւորելով Պաղեստինեան հարցը, շեշտադրեց դրա մարդկային կողմը. «Մարդկութիւնը մէկ է ըստ աստւածային յայտնութեան, ասաց պրն. նախագահը, Պաղեստինեան հարցը մարդկութեան հարցն է միջազգային ընտանիքի համար, հետեւաբար մարդկութեան պարտականութիւնն է նաեւ այդ հարցին լուծում տալը»,- եզրակացրեց պրն. նախագահը։
Սրբազան Հայրն իր խօսքի սկզբում ողջունեց միջոցառումն ու ներկաներին, իր հերթին շեշտելով Պաղեստինի ամբողջական ազատագրութեան հարցի կարեւորութիւնը։ «Պաղեստինեան հարցը արդարութեան, ճշմարտութեան եւ խաղաղութեան հարց է, ասաց Սրբազան Հայրը, աշխարհի որեւէ մէկ ժողովրդից աւելի հայ ժողովուրդն է, որ հասկանում ու ողջ էութեամբ զօրակցում է պաղեստինցի ժողովրդին, որովհետեւ ինքն էլ ցեղասպանութեան է ենթարկւել Օսմանեան պետութեան կողմից յանուն արդարութեան, խաղաղութեան եւ ճշմարտութեան»։ Իր խօսքի վերջում Սրբազան Հայրը կարեւորութեամբ նշեց, որ այն ժողովուրդը, որ տէր է իր իրաւունքներին, նա անպայմանօրէն մի օր կը տիրանայ նրան։

Թղթակից

اخبار مرتبط

  • Ապրենք ու գործենք Ապրիլեան խորհրդով
    Ապրենք ու գործենք Ապրիլեան խորհրդով

    Ապրիլ ամիսը ազգերի եւ ժողովուրդների կեանքում, իր գարնանաբոյր զեփիւռով, աստիճանաբար կանաչազարդւող բնութեամբ նոր ու զւարթ կեանքի աւետիսով ողողում է բնութիւնն ու մարդկային կեանքը ընդհանրապէս։

    Դժբախտաբար, մեզ հայերիս համար Ապրիլը սարսուռ, հալածական կեանք, ջարդ ու սպանութիւն եւ հայրենազրկում յիշեցնող ամիս է. ամիս, որի յիշատակումն իսկ հայ մարդուն, ակամայ յիշեցնում է իր նախահայրերի դժոխային կեանքը Ցեղասպանութեան ահաւոր տարիներին, այլեւ աւերակութիւնն ու քանդումը իր հայրենիքի։

  • Կոչ սիրոյ եւ զգաստութեան
    Կոչ սիրոյ եւ զգաստութեան

    Իրանահայ գաղութը եւ թեհրանահայը յատկապէս խոր մտահոգութեամբ հետեւում է Հայաստանում - Երեւան եւ այլ քաղաքներում- տեղի ունեցող դէպքերին, ցոյցերին, դժգոհութեան ձայներին, որոնք արդիւնք են երկրի ներսում տեղի ունեցող դժգոհութիւններին, արդար պահանջներին։

  • Իրանահայ Գրողների միութեան վարչութեան անդամներն այցելեցին առաջնորդ Սրբազանին
    Իրանահայ Գրողների միութեան վարչութեան անդամներն այցելեցին առաջնորդ Սրբազանին

    Չորեքշաբթի թւականիս ապրիլի 18-ին թեմիս առաջնորդ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց Իրանահայ Գրողների միութեան վարչութեան անդամներից տիկնայք Արփի Ալեքսանդր եւ Աշխէն Եղեայեանին եւ պարոնայք՝ Վարանդ Քուրքչեան, Յովիկ Մինասեան եւ Մարտիրոս Օհանջանեանին:

  • Այցելութիւն առաջնորդարան
    Այցելութիւն առաջնորդարան

    Երկուշաբթի ապրիլի 16-ի կէսօրին, թեմիս առաջնորդ՝ գերշ. Տ. Սեպուհ Ս. արք. Սարգսեանը, առաջնորդարանի դահլիճում ընդունեց մի խումբ գերմանացի հոգեւորականների, ովքեր գործում են Միջին Արեւելքում, Թեհրանի Գերմանական եկեղեցու հոգեւոր հովւի համադրութեամբ:

  • Դատապարտում ենք Ամերիկայի, Անգլիայի եւ Ֆրանսիայի յարձակումը Սիրիայի վրայ եւ միաժամանակ զօրակցում ենք սիրիական պետութեան եւ ժողովրդին
    Դատապարտում ենք Ամերիկայի, Անգլիայի եւ Ֆրանսիայի յարձակումը Սիրիայի վրայ եւ միաժամանակ զօրակցում ենք սիրիական պետութեան եւ ժողովրդին

    Խիստ կերպով դատապարտում ենք ամերիկեան, անգլիական ու ֆրանսիական զինեալ ուժերի անարդարանալի, դատապարտելի, միջազգային օրէնքների հակառակ յարձակումը՝ Սիրիայի Արաբական Հանրապետութեան զինուժի եւ պատերազմական ռազմակայանների ու խաղաղ բնակչութեան վրայ։ Ամօթալի երեւոյթ է հաստատել, որ արաբական որոշ երկրներ, խորհրդակցաբար յարձակւող թշնամի զինեալ ուժերի եւ պետական այրերի հետ, անուղղակի կերպով մասնակից են եղել Սիրիայի վրայ կատարւած յարձակումներին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։