Հա

Համայնք

Երկուշաբթի, 06 Փետրւարի 2017 10:00

Այցելութիւններ՝ Սրբազան Հօրը

Փետրւարի 2-ին, Թեհրանի հայոց թեմի առաջնորդ Տ. Սեպուհ արք. Սարգսեանը, առաջնորդարանի իր գրասենեակում ընդունեց Լիբանանից ժամանած Հ.Մ.Ը.Մ.-ի Կենտրոնական վարչութեան ատենապետ Գառնիկ Մկրտչեանին:

«ԱԼԻՔ» - Փետրւարի 2-ին, Թեհրանի հայոց թեմի առաջնորդ Տ. Սեպուհ արք. Սարգսեանը, առաջնորդարանի իր գրասենեակում ընդունեց Լիբանանից ժամանած Հ.Մ.Ը.Մ. (Հայ Մարմնամարզական Ընդհանուր միութիւն) Կենտրոնական վարչութեան ատենապետ Գառնիկ Մկրտչեանին:

Այցելութեան ընթացքում զրուցակիցները խօսել են համայնքների մշակութային-մարզական կապերի կարեւորութեան մասին եւ շեշտել են  Հ.Մ.Ը.Մ.-ի ունեցած վճռական դերը՝ սփիւռքահայ համայնքների կեանքում:

 

Փետրւարի 4-ին, Սրբազան Հայրն ընդունել է Իրանում Միացեալ Թագաւորութեան դեսպանութեան վիզաների բաժնի պետ Քրիստոֆր Հրլանդին:

Սրբազան Հայրը հիւրի ուշադրութեանն է յանձնել այն հանգամանքը, որ Իրանը մշտապէս եղել է, եւ շարունակում է մնալ որպէս աստւածային կրօնների խաղաղ համակեցութեան օրրան՝ աւելացնելով, որ ոչ միայն պետութիւնը, այլ, նաեւ Հայոց Առաքելական Եկեղեցին եւս դէմ է ոչ քրիստոնեաների շրջանակում աւետարանակչական-քարոզչական աշխատանքին:

 

Նոյն օրը Սրբազան Հայրն ընդունել է նաեւ Իրանի հեռուստաընկերութեան «Առաջին Ալիք»-ի նկարահանող խումբին, որոնք «Իրանը, իմ հայրենիքը» խորագրով հաղորդման շրջանակում հարցազրոյց են անց կացրել նրա հետ։

Վերոյիշեալ հաղորդումը ներկայացնում է Իրանում բնակւող ազգերի, ցեղերի, կրօնների միասնական եւ խաղաղ ու համատեղ համակեցութիւնը։

Սրբազան Հայրը հարցազրոյցի ընթացքում ներկայացրել է իրանահայութեան պատմական անցեալը, հայութեան ու Հայաստանի դարաւոր սերտ յարաբերութիւնը Իրանի եւ նրա ազնիւ ժողովրդի հետ։

Սրբազան Հայրը Իրանը ներկայացրել է լուսամիտ ղեկավարներով ու ժողովրդով մի երկիր, որն իր կեանքի ուղեգիծն է դարձրել այլ կրօնների ու ազգերի ընկալումով ու սիրով վերաբերմունքը, որի արդիւնքում էլ Իրանը տարածաշրջանում վերածւել է խաղաղութեան կղզու, ուր բոլոր կրօնների հետեւորդներն ու ժողովուրդը համերաշխութեամբ կերտում են երկրի աճն ու բարգաւաճումը։

 

Լրատւութիւնը տրամադրել է ազգային առաջնորդարանի Հանրային կապը

Յարակից Հրապարակումներ

  • Մխիթարեանի առաջին հարցազրոյցն «Արսենալ» տեղափոխւելուց յետոյ
    Մխիթարեանի առաջին հարցազրոյցն «Արսենալ» տեղափոխւելուց յետոյ

    Լոնդոնի «Արսենալ»-ի նորեկ, Հայաստանի հաւաքականի կիսապաշտպան Հենրիխ Մխիթարեանն առաջին հարցազրոյցն է տւել ակումբի պաշտօնական կայքին: 

  • Հանրապետութեան նախագահ. «Ժողովրդին չենք մոռանալու»
    Հանրապետութեան նախագահ. «Ժողովրդին չենք մոռանալու»

    Հանրապետութեան նախագահ դոկտ. Հասան Ռոհանին երէկ՝ յունւարի 22-ի երեկոյեան Իրանի պետական հեռուստատեսութեան առաջին ալիքի ուղիղ եթերում հեռարձակւող հարցազրոյցի ընթացքում անդրադարձել է ժողովրդին հետաքրքրող եւ հանրային կարծիքը յուզող մի շարք թեմաների, այդ թւում՝ «Սանչի»-ի միջադէպին, Քերմանշահի երկրաշարժին, «Մասքան Մեհր» նախագծին, տարադրամի փոխարժէքի տատանումներին, սնանկ ճանաչւած ֆինանսական հաստատութիւնների խնդիրներին, ժողովրդական բողոքի ակցիաներին եւ օդի աղտոտւածութեանը:

  • «Այժմ ամենալաւ ժամանակն է Հայաստանում ներդրումներ անելու համար». Կարէն Կարապետեանի հարցազրոյցը «ՌԻԱ Նովոստի»-ին
    «Այժմ ամենալաւ ժամանակն է Հայաստանում ներդրումներ անելու համար». Կարէն Կարապետեանի հարցազրոյցը «ՌԻԱ Նովոստի»-ին

    Այժմ Հայաստանում ներդրումների համար լաւագոյն ժամանակն է։ Նման կարծիք է յայտնել Հայաստանի Հանրապետութեան վարչապետ Կարէն Կարապետեանը ռուսական «ՌԻԱ Նովոստի» գործակալութեանը տւած հարցազրոյցում, որի ժամանակ նա պատմել է այն մասին, որ Հայաստանը մտադիր է օտարերկրեայ ներդրումների համար առաւելագոյն յարմար պայմաններ ստեղծել եւ թէ կոնկրետ ինչ նախագծերում է ռուսական բիզնեսը ներդրումներ անելու «Հայաստանի ներդրողների ակումբի» ճանապարհային քարտէզի շրջանակում:

  • Առաջնորդ Սրբազան Հօր ամանորեան այցելութիւնը հայկական ծերանոցներ
    Առաջնորդ Սրբազան Հօր ամանորեան այցելութիւնը հայկական ծերանոցներ

    Տարեց տարրը մեր իրականութեան մէջ հայ ընտանիքի ու ընկերութեան հիմքն ու արմատը հանդիսանալով, մեծ արժէք է ներկայացնում եւ ըստ այդմ էլ համապատասխան սիրոյ, յարգանքի ու գուրգուրանքի է կարօտ եւ արժանի։

  • Մշակոյթի նախարարի տեղակալի այցը՝ Ազգային առաջնորդարան
    Մշակոյթի նախարարի տեղակալի այցը՝ Ազգային առաջնորդարան

    Երէկ՝ յունւարի 14-ին Նոր տարւայ եւ Ս. Ծննդեան տօների կապակցութեամբ իրանահայութեանը Իսլամական մշակոյթի եւ արաջնորդութեան նախարարութեան պատգամը փոխանեցելու նպատակով, մշակութային գծով նախարարի տեղակալ Մոհսէն Ջաւադին եւ նրա գլխաւորած պատւիրակութիւնն այցելել են Սրբազան Հօրը՝ մաղթելով համայնքին համերաշխութիւն, ծրագրերի իրականացում եւ նոր ձեռքբերումներ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։