Հա

Համայնք

16/03/2017

Հաղորդագրութիւն

Սոյն թւականի վերջին երկու ամիսներին Քրիստոնէական Դաստիարակութեան բաժանմունքի նախաձեռնութեամբ եւ թեմիս բարեխնամ առաջնորդ Տ. Սեպուհ արք. Սարգսեանի օրհնութեամբ հրատարակւել են երեք արժէքաւոր գրքեր, որոնք իրենց բովանդակութեամբ մեծապէս նպաստելու են հայ հաւատացեալի հոգու եւ մտքի լուսաւորութեան եւ կրօնական-եկեղեցական եւ մանկավարժական գիտելիքների աճման, այսպէս.-

Նոր հրատարակութիւններ թեմիս Քրիստոնէական Դաստիարակութեան բաժանմունքի նախաձեռնութեամբ

 

Սոյն թւականի վերջին երկու ամիսներին Քրիստոնէական Դաստիարակութեան բաժանմունքի նախաձեռնութեամբ եւ թեմիս բարեխնամ առաջնորդ Տ. Սեպուհ արք. Սարգսեանի օրհնութեամբ հրատարակւել են երեք արժէքաւոր գրքեր, որոնք իրենց բովանդակութեամբ մեծապէս նպաստելու են հայ հաւատացեալի հոգու եւ մտքի լուսաւորութեան եւ կրօնական-եկեղեցական եւ մանկավարժական գիտելիքների աճման, այսպէս.-

Ա - ՀԱՐՑԵՐ՝ Ապաշխարութեան, Աղօթքի, խաչի եւ խաչելութեան, Սուրբ հաղորդութեան, Յարութեան, բարեխօսութեան եւ մկրտութեան վերաբերեալ. գրքին հեղինակը աստւածաշնչական եւ եկեղեցական հայրերի վկայութիւններով լուսաբանիչ բացատրութիւններ է տալիս վերոյիշեալ հարցերին առնչւած եւ յաճախ պարզ հաւատացեալի միտքը չարչրկող հարցերի պատասխաններ։

Խիստ օգտակար հրատարակութիւն է։

Գրքի հեղինակն է Վաղինակ ժ. վրդ. Մելոյեանը։

Բ - ԾԻՍԱԿԱՆ ԳԻՏԵԼԻՔՆԵՐ գիրքը իր բովանդակութեամբ միտում է հայ եկեղեցու ամբողջական արարողութիւնները, եկեղեցական սպասները, եկեղեցու կեանքի հետ սերտ առնչութիւն ունեցող երեւոյթներն ու եզրերը ժողովրդին մատուցանել հէնց ժողովրդի հասկանալի լեզւով ու բացատրութիւններով։ Հեղինակի բառերով, գիրքը բաղկացած է հինգ մասերից՝ Ծիսական բառարան, որ ընդգրկում է հայոց ծէսին առնչւող կառոյցները, պաշտօնները, իրերն ու սպասները։ Երկրորդ Հայաստանեայց Առաքելական Սուրբ Եկեղեցու սուրբ պատարագը, երրորդ՝ Տէրունի եւ Աստւածաշնչի նւիրւած տօներ, չորրորդ Ծիսական եւ կանոնական արարողութիւններ եւ վերջապէս հինգերորդը տօնախմբութիւններ, աւանդութիւններ ու ծիսական տնօրինումներ։

Մեծապէս օգտակար եւ դաստիարակիչ մի գիրք է, որի ընթերցումով հաւատացեալը մի քիչ աւելիով կը ճանաչի իր եկեղեցին։

Գրքի հեղինակն է Սուրէն Արք. Գաթարոյեանը նախկին Առաջնորդ Բերիոյ հայոց թեմի։

Գ - ՄԱՐԴ ՊԱՏՐԱՍՏԵՆՔ մանկավարժական բովանդակութեամբ մի գիրք, որի հրատարակութեան նպատակը մեր հայոց լեզւի, կրօնի եւ հայոց պատմութեան ուսուցիչների մանկավարժական գիտելիքների վերաթարմացումն ու նորագոյն տւեալներով զինելն է։

Գրքի հեղինակը ինք երկար տարիների երախտարժան մանկավարժ դաստիարակ է, նա ներկայիս Մեծի Տանն Կիլիկիոյ կաթողիկոսութեան դպրեվանքի ընծայարանի մատենագրութեան, մշակոյթի պատմութեան եւ մանկավարժութեան դասախօս է։

Գրքի հեղինակն է Կարօ Յովհաննիսեանը։

Դ - ՄԱՆԿԱԿԱՆ ՀԱՆԵԼՈՒԿՆԵՐ- ՓԱԶԸԼ

Աստւածաշնչական թեմաներով մանուկների յատուկ դաստիարակչական հանելուկներ (puzzle), որոնք մանկան մտածելու կարողականութեան աճման օգտակար են լինում։

Երեք տարբեր կերպերով պատրաստւած գեղեցիկ puzzle-ներ են։

Վերոյիշեալ գրքերը կարող էք ստանալ ազգային առաջնորդարանի «Մաշտոց» գրախանութից, Սրբ. Թարգմանչաց եկեղեցու «Օշական» գրախանութից եւ միւս եկեղեցիների գրախանութներից եւ ինչու չէ նաեւ հայկական գրախանութներից։

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
ԹԵՀՐԱՆԻ ՀԱՅՈՑ ԹԵՄԻ

15 Մարտ 2017
Թեհրան

Յարակից լուրեր

  • Համաշխարհային կանանց աղօթքի օր Թեհրանում
    Համաշխարհային կանանց աղօթքի օր Թեհրանում

    Երկուշաբթի, 5 Մարտ 2018-ի առաւօտեան Ս. Սարգիս առաջնորդանիստ մայր եկեղեցում երկու հարիւրից աւել կանանց մասնակցութեամբ տեղի ունեցաւ Համաշխարհային Կանանց աղօթքի օրւայ առիթով աղօթքի արարողութիւնը։ 

    Սոյն աղօթքի արարողութիւնը կազմակերպւել էր Թ. Հ. Թ. Քրիստոնէական Դաստիարակութեան բաժանմունքի կողմից հովանաւորութեամբ, տնօրինումով ու նախագահութեամբ թեմիս առաջնորդ՝ գերշ. Տ. Սեպուհ Ս. արք. Սարգսեանի։ 

  • Թեհրանի եկեղեցիների Եկեղեցական խորհուրդների համագումար
    Թեհրանի եկեղեցիների Եկեղեցական խորհուրդների համագումար

    Թւականիս ուրբաթ, 16 փետրւարի յետմիջօրէի ժամը 4:00-ին, Ազգային առաջնորդարանի դահլիճում տեղի ունեցաւ Թեհրանի եկեղեցիների Եկեղեցական խորհուրդների համագումարը, հովանաւորութեամբ եւ նախագահութեամբ թեմիս առաջնորդ՝ գերշ. Տ. Սեպուհ Ս. արք. Սարգսեանի ու կազմակերպութեամբ՝ թեմի Քրիստոնէական դաստիարակութեան բաժանմունքի:

  • Գնահատանքի երեկոյ՝ ի պատիւ Հայ գրքի 14-րդ ցուցահանդէսի մասնակիցների
    Գնահատանքի երեկոյ՝ ի պատիւ Հայ գրքի 14-րդ ցուցահանդէսի մասնակիցների

    Հովանաւորութեամբ թեմիս առաջնորդ Տ. Սեպուհ արք. Սարգսեանի եւ կազմակերպութեամբ Քրիստոնէական դաստիարակութեան յանձնախմբի, հինգշաբթի երեկոյեան ազգային առաջնորդարանի դահլիճում տեղի ունեցաւ յատուկ ընդունելութիւն-հիւրասիրութիւն, ի պատիւ Հայ գրքի 14-րդ ցուցահանդէսին իրենց աջակցութիւնն ու օժանդակութիւնը բերած մասնակիցների:

  • Հրատարակւել է Վլադիլէն Բալեանի «Եւ նրանք բոլորը եղել են… էջեր կոմպոզիտորի օրագրից…» խորագրով գիրքը
    Հրատարակւել է Վլադիլէն Բալեանի «Եւ նրանք բոլորը եղել են… էջեր կոմպոզիտորի օրագրից…» խորագրով գիրքը

    ՀՀ Մշակոյթի նախարարութեան աջակցութեամբ՝ «Ամրոց գրուպ» ընկերութիւնը հրատարակել է կոմպոզիտոր, ՀԽՍՀ-ի արւեստի վաստակաւոր գործիչ Վլադիլէն Բալեանի «Եւ նրանք բոլորը եղել են… էջեր կոմպոզիտորի օրագրից…» խորագրով ռուսերէն գիրքը։

  • Անթիլիասի տպարանից լոյս տեսաւ «Համապատկեր արեւմտահայ գրականութեան» Դ հատոր
    Անթիլիասի տպարանից լոյս տեսաւ «Համապատկեր արեւմտահայ գրականութեան» Դ հատոր

    Մեծի Տանն Կիլիկիոյ կաթողիկոսութեան տպարանից լոյս տեսաւ Յակոբ Օշականի «Համապատկեր արեւմտահայ գրականութեան» Դ հատորը, որի մէջ ներառնւած են հայ գրականութեան իրապաշտ սերնդի գրողներ, Յ. Պարոնեան, Մ. Խրիմեան, Գ. Սրւանձտեանց, Խ. Նարբէյ, Մ. Չերազ, Եղիա Տ., Մ. Մամուրեան, Ծերենց եւ Ս. Տիւսաբ: Իւրաքանչիւր հեղինակ իր ոճով կարողացել է իր ներքին յուզումներն ու սլացքը արտայայտել եւ հարստացնել արեւմտահայ գրականութիւնը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։