Հա

Համայնք

Չորեքշաբթի, 05 Ապրիլի 2017 09:30

Յիշատակ Ս. Գրիգոր Լուսաւորչի չարչարանաց եւ մուտն ի Վիրապն

Ապրիլի 1-ին Հայաստանեայց Առաքելական Սուրբ Եկեղեցու մեծագոյն սրբերից եւ երկրորդ լուսաւորիչ՝ Ս. Գրիգոր Պարթեւ Հայրապետի չարչարանքների եւ Խոր Վիրապ մտնելու յիշատակի տօնն էր:

«alikonline.ir» - Ապրիլի 1-ին Հայաստանեայց Առաքելական Սուրբ Եկեղեցու մեծագոյն սրբերից եւ երկրորդ լուսաւորիչ՝ Ս. Գրիգոր Պարթեւ Հայրապետի չարչարանքների եւ Խոր Վիրապ մտնելու յիշատակի տօնն էր: Այս մասին տեղեկացնում է ազգային առաջնորդարանի Հանրային կապը:

Նոյն օրը ողջ հայութիւնը Հայաստանում եւ Սփիւռքում մեծ շուքով եւ ուրախութեամբ տօնեց այդ տօնը, որը նաեւ Մեծի Տանն Կիլիկիոյ կաթողիկոսարանի ուխտի օրն էր. որտեղ հազարաւոր հայորդիներ եւ հաւատացեալներ ներկայ գտնւեցին պատարագին եւ մասնակցեցին հանդիսաւոր թափօրին: Նրանք թափօրի ընթացքին Վեհափառ Հայրապետի, սրբազան եւ միաբան հայրերի ձեռքերում բռնւած բազում սրբերի մասունքներով օրհնւեցին եւ ստացան իրենց սրտի խնդրանքներն ու կարիքները: Սրբերի մասունքներից գլխաւորներն էին՝ Ս. Գրիգոր Լուսաւորչի Աջը, Ս. Նիկողայոս եւ Ս. Սեղպեստրոս հայրապետների մասունքները, ինչպէս նաեւ Ս. Յովհաննէս Մկրտչի, Ս. Յակոբի, Ս. Յովհաննէս Ոսկեբերանի եւ բազում այլ սրբերի մասունքներ: 

Այս ուրախ եւ օրհնեալ տօնի, ինչպէս նաեւ Զէյթուն քաղաքամասի Ս. Գրիգոր Լուսաւորիչ եկեղեցու անւանակոչութեան տօնի առիթով, նոյն եկեղեցում տեղի ունեցաւ եպիսկոպոսական հանդիսաւոր պատարագ ձեռամբ՝ թեմիս առաջնորդական փոխանորդ՝ Տ. Մակար եպս. Աշգարեանի:

Եկեղեցական արարողութեան ներկայ էին քահանայ հայրերը, թաղամասի պատգամաւորները, միութիւնների եւ մարմինների ներկայացուցիչները, ինչպէս նաեւ՝ եկեղեցիների եկեղեցական խորհուրներն ու հաւատացեալ ժողովուրդը:

Սրբազան Հայրն օրւայ աւետարանական հատւածից մեկնելով՝ իր քարոզում անդրադարձաւ գլխաւոր երեք պայմանների մասին, որոնք անհրաժեշտաբար լրացւելու են իւրաքանչիւր հաւատացեալի եւ Քրիստոսի ճշմարիտ աշակերտողի կողմից. դրանք են՝ ուրանալ անձը, վերցնել իր խաչը եւ հետեւել Քրիստոսին: Պատարագիչ Սրբազան Հայրը Յիսուս Քրիստոսի, առաքեալների եւ յատկապէս Պօղոս Առաքեալի կեանքի եւ գործունէութեան միջից վեր բերեց իսկական քրիստոնեայի կերպարը եւ այն զուգորդեց հայ եկեղեցու եւ ազգի մեծագոյն սրբի՝ Ս. Գրիգոր Լուսաւորչի անձին, կեանքին, զոհողութեան, ինքնուրացութեան եւ գործունէութեանը, ով իբրեւ ճշմարիտ Քրիստոսի աշակերտողի եւ հետեւողի ուրացաւ իր անձը, վերցրեց իր խաչը ամենայն համբերութեամբ եւ հետեւեց Քրիստոսին: Եւ նրա կամաւոր յանձնառութեան իբրեւ արդիւնք փոխակերպւեց, լուսազարդւեց եւ կենսաւորւեց Հայաստան Աշխարհն ու հայի կեանքը՝ նրա անշահախնդիր եւ անսակարգ ծառայութեամբ ի փառս Աստծոյ, ի բարօրութիւն հայ ժողովրդի եւ ի հզօրացումն Հայաստան աշխարհի:

Յաւարտ ս. պատարագի տեղի ունեցաւ հոգեհանգստեան արարողութիւն եկեղեցու բարերար հանգուցեալ Գրիգոր Մելիքեանի եւ Մելիքեան գերդաստանի, ինչպէս նաեւ հանգուցեալ բարերարներ՝ Ալբերտ Քոչարեանի եւ Թադէոս Եարիջանեանի ու համայն Քոչարեան եւ Եարիջանեան ննջեցեալների հոգիների խաղաղութեան համար:

Յետ արարողութեան Ս. Գրիգոր Լուսաւորիչ եկեղեցու Եկեղեցական խորհուրդը,  տօնի ուրախ առիթով պաշտօնական ճաշկերոյթով պատւեց Սրբազան Հօրն ու քահանայ հայրերին եւ ներկայ հիւրերին:

Յարակից Հրապարակումներ

  • Մշակոյթի օրը եւ Սրբոց Թարգմանչաց եկեղեցու անւանկոչութեան տօնը
    Մշակոյթի օրը եւ Սրբոց Թարգմանչաց եկեղեցու անւանկոչութեան տօնը

    Շաբաթ 14 հոկտեմբեր 2017-ի առաւօտեան Սրբոց Թարգմանչաց տօնի առիթով Սասուն քաղաքամասի Սրբոց Թարգմանչաց եկեղեցում մատուցւեց Եպիսկոպոսական հանդիսաւոր ս. եւ անմահ պատարագ, որը մատուցեց թեմիս առաջնորդ գերշ. Տ. Սեպուհ Ս. արք. Սարգսեան, որուն խորանի վրայ սպասարկում էին արժ. Տ. Կոմիտաս քհնյ. Ղարախանեանն ու արժ. Տ. Խաչատուր քհնյ. Յարութիւնեանը։

  • Այցելութիւն «Քահրիզաք» բարեսիրական կենտրոն
    Այցելութիւն «Քահրիզաք» բարեսիրական կենտրոն

    Թւականիս չորեքշաբթի 27 սեպտեմբերի առաւօտեան, Թեհրանի «Քահրիզաք» բարեսիրական կենտրոնի տնօրինութեան հրաւէրով, Թ. Հ. Թեմի Կարիքաւորներին օժանդակող մարմնի «ԿՕՄ»-ի 7 անդամները, գլխաւորութեամբ թեմիս առաջնորդական փոխանորդ՝ գերշ. Տ. Մակար Ս. եպս. Աշգարեանի եւ արժանապատիւ քահանահայրեր՝ Տ. Սահակ քհնյ. Խոսրովեանի ու Տ. Գրիգորիս քհնյ. Ներսիսեանի այցելեցին սոյն կենտրոն:

  • Սեպտեմբերի 21-ի առիթով. Հանրապետական մաղթանք՝ Թեհրանի եկեղեցիներում
    Սեպտեմբերի 21-ի առիթով. Հանրապետական մաղթանք՝ Թեհրանի եկեղեցիներում

    այաստանի Հանրապետութեան վերանկախացման տօնի՝ սեպտեմբերի 21-ի առիթով երէկ՝ սեպտեմբերի 22-ին Թեհրանի բոլոր եկեղեցիներում ս. պատարագի ընթացքում, տեղի ունեցաւ Հանրապետական մաղթանք: 

  • Խաչվերացի տօնի առիթով պատարագ, թափօր Անդաստան եւ աւանդական ռեհանի օրհնութիւն «Արարատ»-ի Ս. Խաչ մատուռի շրջափակում
    Խաչվերացի տօնի առիթով պատարագ, թափօր Անդաստան եւ աւանդական ռեհանի օրհնութիւն «Արարատ»-ի Ս. Խաչ մատուռի շրջափակում

    Տարիների գեղեցիկ աւանդութեան համաձայն, թւականիս կիրակի 17 սեպտեմբերի յետմիջօրէի ժամը 4:30-ին, «Արարատ» Մարզաւանի Ս. Խաչ մատուռի շրջափակում տեղի ունեցաւ Խաչվերացի տօնի առիթով սուրբ եւ անմահ պատարագը: Պատարագը մատուցեց արժ. Տ. Վրթանէս քհնյ. Բաբախանեանը: 

  • Ս. Աստւածածնայ Վերափոխման տօնը Սարի եւ Գորգանում
    Ս. Աստւածածնայ Վերափոխման տօնը Սարի եւ Գորգանում

    Թւականիս հինգշաբթի եւ ուրբաթ օգոստոսի 17 եւ 18-ին, երկօրեայ ուխտագնացութիւն էր կազմակերպւած դէպի Սարի եւ Գորգան, Թ. Հ. Թ. Կրօնական խորհրդի կողմից եւ համագործակցութեամբ եկեղեցիների Եկեղեցական խորհրդների կազմից կեանքի կոչւած յատուկ ուխտագնացութեան յանձնախմբի:

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։