Հա

Համայնք

Չորեքշաբթի, 19 Ապրիլի 2017 10:00

Լիբանանեան «Մարայա» պարբերաթերթի խմբագրապետի այցը ազգային առաջնորդարան

Ապրիլի 18-ին թեմիս առաջնորդ Տ. Սեպուհ արք. Սարգսեան առաջնորդարանի իր գրասենեակում ընդունեց Լիբանանեան «Մարայա» պարբերաթերթի խմբագրապետ Ֆատի Իսմայիլ Բուդիէհին, որը եկել էր Սրբազան Հօր հետ բացառիկ հարցազրոյց անց կացնելու նպատակով:

«alikonline.ir» - Ապրիլի 18-ին թեմիս առաջնորդ Տ. Սեպուհ արք. Սարգսեան առաջնորդարանի իր գրասենեակում ընդունեց Լիբանանեան «Մարայա» պարբերաթերթի խմբագրապետ Ֆատի Իսմայիլ Բուդիէհին, որը եկել էր Սրբազան Հօր հետ բացառիկ հարցազրոյց անց կացնելու նպատակով: Տեղեկացնում է ազգային առաջնորդարանի Հանրային կապը: 

Հարցազրոյցի թեման վերաբերւում էր Իսլ. յեղափոխութեան հիմնադիր առաջնորդ Էմամ Խոմէյնիին: Հարցազրոյցը հրապարակւելու է հանգուցեալ առաջնորդին նւիրւած պարբերկանի յատուկ համարում: 

Սրբազան Հայրը ջերմօրէն ողջունեց իր հիւրին եւ մեծապէս գնահատեց հանգուցեալ Էմամ Խոմէյնիին նւիրւած յատուկ համարի հրատարակութեան նախաձեռնութիւնը: 

Խմբագրապետի այն հարցին թէ, ինչպէ՞ս էք գնահատում հանգուցեալ Էմամի վերաբերունքն ու հասկացողութիւնը Քրիստոնէութեան եւ քրիստոնեաների նկատմամբ, Սրբազան Հայրը յայտնեց, որ հանգուցեալ Էմամն անշուշտ սրբազան մատեանից՝ Ղուրանից ծանօթ էր քրիստոնէութեան, իսկ առօրեայ կեանքում, գործնականում քրիստոնեաներին ճանաչեց հայութեան եւ հայերի միջոցով եւ իր սրտում յատուկ տեղ էր տւել հայերին, որովհետեւ իր ծննդավայր քաղաքի եւ նահանգի մէջ մեծ թւով հայեր էին ապրում։

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։