Հա

Համայնք

Չորեքշաբթի, 14 Յունիսի 2017 11:40

Գումարւեց Պատգամաւորական ժողովի հերթական նիստը

Երէկ, յունիսի՝ 13-ին ազգային առաջնորդարանի դահլիճում գումարւեց Թ. Հ. Թ. 16-րդ շրջանի Պատգամաւորական ժողովի հերթական՝ 4-րդ նիստը որի առաջին բաժինը գումարւել էր մայիսի 22-ին:

«alikonline.ir», Սիւնէ Ֆարմանեան - Երէկ, յունիսի՝ 13-ին ազգային առաջնորդարանի դահլիճում գումարւեց Թ. Հ. Թ. 16-րդ շրջանի Պատգամաւորական ժողովի հերթական՝ 4-րդ նիստը որի առաջին բաժինը գումարւել էր մայիսի 22-ին: 

Թեհրանի հայոց թեմի առաջնորդ Տ. Սեպուհ արք. Սարգսեանի նախագահութեամբ եւ ատենապետութեամբ Ժոզէֆ Մեհրաբեանի նիստը մեկնարկեց Տէրունական աղօթքով եւ պատգամաւորների թւային պատկերի ստուգմամբ: 

Ժողովի օրակարգում ներառւած էր 5 կէտեր: Սկզբում Թ. Հ. Թ. Թեմական խորհրդի ատենապետ Ռոբերտ Բեգլարեանը ժողովականներին ներկայացրեց խորհրդի երկամեայ գործունէութեան ծրագիրը, համայնքի ազգային, կրօնական, կրթական, կալւածների եւ մի շարք այլ հարցերին: 

Ծրագրիը ներկայացնելուց յետոյ պատգամաւորներին առիթ տրւեց հարցումներ ուղղելու խորհրդին: 

Պատգամաւորները իրենց արտայատութիւններում կարեւորեցին կրթական ոլորտի բարեփոխումները շեշտադրեցին դպրոցների կրթութեան եւ գիտութեան, որակի բարձրացմանը, եւ նշեցին որ անհրաժեշտ է, որպէսի հայապահպան բովանդակութեամբ ծրագրերի մշակումը մշտապէս պատգամաւորների եւ Թեմական խորհրդի ուշադրութեան կենտրոնում լինի: 

Թեմական խորհրդի ատենապետը ժողովականների յատուկ ուշադրութեանն հրաւիրեց համայնքային հարցերի կարգաւորման գործում առաւել արդիւնաւէտ մեխանիզմների կիրառման կարեւորութեան վրայ: 

Լայնածաւալ քննարկումներից յետոյ պատգամաւորները հաստատեցին ներկայացւած ծրագիրը: 

Այնուհետեւ Թ. Հ. Թ. Թեմական խորհրդի նիւթականի պատասխանատու Վարդգէս Եդգարեանը ներկայացրեց երկամեայ նիւթական տախտակը, որտեղ ներառւած էր զանազան գլուխների ծախսերը եւ եկամուտները, որից յետոյ պատգամաւորներին առիթ տրւեց մէկ ցանկով ցանկագրւելու Թեմական խորհրդին հարցեր ու առաջարկութիւններ տալու համար: 

Պատգամաւորների քննարկումներին յաջորդեց քւէարկութիւնը արդիւնքում միաձայնութեամբ նրանք հաստատեցին ներկայացւած երկամեայ նիւթական տախտակը: 

Ժողովի օրակարգի 5-րդ կէտն էր Թեմական խորհրդի նոր մարմինների եւ եկեղեցական խորհուրդների ցանկերի հաստատումը: Թ. Հ. Թ. Թեմական խորհրդի Բ Ատենադպիր Արմէն Սիմոն Խաչիկը ներկայացրեց Եկեղեցական խորհուրդների, Շինարարական մարմնի, Կարիքաւորներին օժանդակող մարմնի, Դատական խորհուրդի, Գերեզմանատների վարչութեան, «Ա. Աւետիսեան» բուժարանի խնամակալ մարմնի, Կտակա-կալւածային մարմնի, Ուսանողական ֆոնդի, Յարաբերական մարմինների ցուցակները, որոնք հաստատւեցին պատգամաւորների կողմից: Վերջում Թ. Հ. Թ. Թեմական խորհրդի Ատենապետը յայտնեց որ Կրթական խորհրդի ցանկը դեռեւս չի լրացւել եւ շուտով ամբողջական ցանկ կը ներկայացւի:

Յարակից Հրապարակումներ

  • ՀՀ ԱԺ Հայաստան-Իրան բարեկամական խմբի պատւիրակութիւնն այցելեց ազգային առաջնորդարան
    ՀՀ ԱԺ Հայաստան-Իրան բարեկամական խմբի պատւիրակութիւնն այցելեց ազգային առաջնորդարան

    Երէկ` դեկտեմբերի 12-ի կէսօրին Թեհրանի հայոց թեմի առաջնորդ Տ. Սեպուհ արք. Սարգսեանն ընդունեց ՀՀ ԱԺ Հայաստան-Իրան բարեկամական խմբի ղեկավար Վահրամ Բաղդասարեանին եւ նրա գլխաւորած պատւիրակութեանը, որին մաս էին կազմում ԱԺ պատգամաւորներ՝ Աղւան Վարդանեանը, Կորիւն Նահապետեանը, Վահէ Էնֆիաջեանը եւ Նիկոլ Փաշինենաը:

  • Իրանահայ պատւիրակներն այցելեցին Լիբանանում Իրանի դեսպանութիւն
    Իրանահայ պատւիրակներն այցելեցին Լիբանանում Իրանի դեսպանութիւն

    Երէկ՝ դեկտեմբերի 9-ին Մեծի Տանն Կիլիկիոյ կաթողիկոսութեան Ազգային ընդհանուր ժողովին մասնակցելու նպատակով Լիբանանում գտնւող իրանահայ երեք թեմերի պատւիրակները, թեմակալ առաջնորդների՝ գերշ. Տ. Սեպուհ Ս. արք. Սարգսեանի, գերշ. Տ. Գրիգոր Ս. եպս. Չիֆթճեանի եւ գերպ. Տ. Սիփան ծ. վրդ. Քէչէճեանի գլխաւորութեամբ այցելեցին Լիբանանում Իրանի Իսլամական Հանրապետութեան դեսպանութիւնը: 

  • Թեմակալ առաջնորդը դատապարտել է Թրամփի որոշումը
    Թեմակալ առաջնորդը դատապարտել է Թրամփի որոշումը

    Մեծապէս սխալ եւ անարդար այս որոշումի դէմ մենք մեր բողոքի եւ դատապարտութեան ձայնն ենք բարձրացնում, որովհետեւ ե՛ւ իսլամութեամ համար ե՛ւ քրիստոնէութեան համար անընդունելի որոշում է սա, քանի որ Երուսաղէմը իբրեւ միաստւածեան կրօնների կենտրոն անբաժան մասն է կազմում Պաղեստինի: 

  • Սրբազան Հայրն ընդունեց Ուկրայինայի դեսպանատան աշխատակազմին
    Սրբազան Հայրն ընդունեց Ուկրայինայի դեսպանատան աշխատակազմին

    Կիրակի 3 դեկտեմբերի, 2017 թ.-ի առաւօտեան Ուկրայինայի դեսպանը, դեսպանատան աշխատակազմի հետ այցելեցին Ս. Սարգիս եկեղեցի, աղօթք հայցելու իրենց նահատակների հոգիների եւ ընդհանրապէս աշխարհի խաղաղութեան համար:

  • Խորհրդակցական հանդիպում
    Խորհրդակցական հանդիպում

    Շաբաթ, դեկտեմբերի 2, 2017 թւի առաւօտեան, թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի նախագահութեամբ, առաջնորդարանի դահլիճում տեղի ունեցաւ խորհրդակցական հանդիպում, Թեհրանում ժողովրդական միջոցառումներից նկարահանող հայ լուսանկարիչների հետ:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։