Հա

Համայնք

05/07/2017 - 11:30

«Արարատ»-ը՝ 73 տարեկան է

Երէկ՝ յուլիսի 4-ին երեկոյեան տեղի ունեցաւ Հ. Մ. «Արարատ» կազմակերպութեան հիմնադրման 73-րդ տարեդարձը: «Արարատ» մարզաւանի «Այգեստան»-ում:

«alikonline.ir», Սիւնէ Ֆարմանեան - Երէկ՝ յուլիսի 4-ին երեկոյեան տեղի ունեցաւ Հ. Մ. «Արարատ» կազմակերպութեան հիմնադրման 73-րդ տարեդարձը: «Արարատ» մարզաւանի «Այգեստան»-ում: 

Միջոցառմանը ներկայ էին թեմիս առաջնորդ Տ. Սեպուհ արք. Սարգսեանը, Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ. Հ. Թ Թեմական խորհրդի, Պատգամաւորական ժողովի ներկայացուցիչները, «Ալիք» հաստատութեան ներկայացուցիչը, եւ մեծ թւով միութեանականներ: 

Միջոցառումը մեկնարկեց Տէրունական աղօթքով եւ սկաուտների երթով: Աղօթքը կատարեցին կազմակերպութեան Արւեստից միութեան երգչախումբը ղեկավարութեամբ Արփի Սիմրոջեանի: Այնուհետեւ օրւայ հաղորդավարներ Նարէ Խալոյեանը եւ Արգին Արիստակէսեանը հանդէս եկան բացման խօսքով, որտեղ ողջունելով ներկաներին շեշտադրեցին որ «Արարատ»-ը միշտ երախտապարտ կը լինի 122 հիմնադիրներին որոնք «Արարատ»-ի հիմքը դրեցին: 

Ծրագրի գեղարւեստական յայտագիրը յագեցած էր «Արարատ» պարախմբի եւ Արւեստից միութեան երգչախմբի կատարումներով: 

Օրւայ առիթով ելոյթ ունեցաւ Հ.Մ.Ա.Կ.-ի Կենտրոնական վարչութեան նախագահ Գէորգ Վարդանեանը: 

Նա իր ելոյթի ընթացքում ասաց. «Լրանում է զետեղւած միասնական մեր երթի տարեկան պատմութիւնը, երթ որը ինքնին ոչ թէ տարեկան է, այլ տարածւում է «Արարատ»-ի պատկառելի պատմութեան 73 տարիների երկայնքով, այս օրերին, երբ ազգերը կանգնած են համաշխարայինացման արհաւիրքի առջեւ պէտք է աւելի, քան երբէք մասնակից լինենք ազգային հասարակութեան մտածողութեանը եւ պահպանմանը»: Կազմակերպութեան նախագահը վերջում շնորհաւորելով «Արարատ»-ի 73-րդ տարեդարձի կապակցութեամբ ընդգծեց. «Անկարելին յաղթելու մէջ ունեցիր յոյս, տարածիր սէր կոփիր հաւատք»: 

Այնուհետեւ միջոցառմանը հրաւիրւեց արտայայտւելու նաեւ Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը: Նա շնորհաւորելով «Արարատ»-ի 73-րդ տարեդարձը ընդգծեց որ «Արարատ»-ը «ազգապահպանման» օջախ է: 

Եզրափակիչ խօսքի համար հրաւիրւեց արտայայտւելու Թեհրանի հայոց թեմի առաջնորդ Տ. Սեպուհ արք. Սարգսեանը: Նա ողջունելով կազմակերպութեան 73-րդ տարեդարձը, կարեւորեց միութեան անցած 73 ամեայ ուղին: Նա ընդգծեց որ միութիւնները եւ կազմակերպութիւնները գնհատւում եւ արժեւորւում են իրենց ներգրաււածութեամբ՝ կրօնական, ազգային եւ քաղաքական կեանքում ունեցած ծառայութիւններով: «Արարատ» կազմակերպութիւնն էլ Արարատանման գործունէութիւն է ունեցել մեր համայնքային կեանքում: 

Վերջում միութեան անունից գնահատագրեր յանձնելու համար հրաւիրւեցին Թ. Հ. թեմի առաջնորդ Տ. Սեպուհ արք. Սարգսեանը, Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը եւ Հ.Մ.Ա.Կ.-ի Կենտրոնական վարչութեան նախագահ Գէորգ Վարդանեանը: Գնահատականների արժանացան Արւետսից եւ Մարզական միութիւնների մի քանի անդամներ եւ «Ռոստոմ Ոսկանեան» մարզահամալիրի կառուցման աշխատանքներում իրենց ունեցած աւանդի համար մի քանի ընկերներ:

Յարակից լուրեր

  • Շնորհաւոր Հայ մշակութային «Արարատ» կազմակերպութեան հիմնադրման 75-րդ տարեդարձը
    Շնորհաւոր Հայ մշակութային «Արարատ» կազմակերպութեան հիմնադրման 75-րդ տարեդարձը

    Խանդավառ եւ տօնական մթնոլորտում մեծ թւով հայրենակիցների մասնակցութեամբ նշւեց Հ. Մ. «Արարատ» Կ.-ի 75-րդ տարեդարձը:

    Հ. Մ. «Արարատ» Կ.-ի մեծ ընտանիքը եւ մեր սիրելի ժողովուրդը 2019 թ.-ի յուլիսի 4-ի ժամը 18:00-ից տօնեց «Արարատ» կազմակերպութեան 75-ամեակը:

  • Հ.Մ.Ա.Կ.-ի նորընտիր վարչութեան անդամները ազգային առաջնորդարանում
    Հ.Մ.Ա.Կ.-ի նորընտիր վարչութեան անդամները ազգային առաջնորդարանում

    Երկուշաբթի, մարտի 11-ին, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց Հ.Մ.Ա.Կ.-ի նորընտիր կենտրոնական վարչութեան անդամներին:

  • Նշւեց Հ.Մ.Ա.Կ-ի 74-ամեակը
    Նշւեց Հ.Մ.Ա.Կ-ի 74-ամեակը

    Հ. Մ. «Արարատ» կազմակերպութիւնը թեւակոխեց իր 74-ամեակը: Այդ առիթով երէկ, յուլիսի 4-ին, «Արարատ» մարզաւանի «Այգեստան»-ում կազմակերպւել էր տօնախմբութիւն: Հանդիսութիւնը մէկտեղւած էր գեղարւեստական կատարումներով, որոնք իրականացրեցին կազմակերպութեան տարբեր միաւորների անդամները:

  • Նորակառոյց համալիր՝ «Արարատ»-ի նոր վերելքի համար
    Նորակառոյց համալիր՝ «Արարատ»-ի նոր վերելքի համար

    Երէկ` յունւարի 30-ին տեղի ունցաւ Հ.Մ.Ա.Կ.-ի նորակառոյց՝ «Ճրտ. Ռոստոմ Ոսկանեան»-ի անւան մարզահամալիրի եւ «Սասնայ Մհեր» սրահի բացման արարողութիւնը:

  • «Արարատ» -«Ալիք» միասնութեան ցուցանիշ...
    «Արարատ» -«Ալիք» միասնութեան ցուցանիշ...

    Մօտալուտ օրերին «Արարատ» մարզաւանում կայանալու է Հայ Մշակութային «Արարատ» կազմակերպութեան կողմից արդէն աւանդական նշանակութեան՝ Համահայկական խաղերի 48-րդ շրջանի բացման հանդիսաւոր արարողութիւնը:
    Այս տարւայ բացման հանդիսութիւնը, բացառիկ նշանակութիւն ու բովանդակութիւն է ունենալու յատկապէս պաշտօնական հրաւիրեալների առումով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։