Հա

Համայնք

11/09/2017 - 14:40

«Թեւանիկ»-ի նախաձեռնութեամբ՝ Ուղտասարում մեկնարկում է չրեղէնի արտադրութիւնը

«Թեւանիկ» բարեսիրական խմբի նախաձեռնութեամբ, օրերս Արցախի Հանրապետութեան Ասկերանի շրջանի Ուղտասար համայնքում մեկնարկել է չրեղէնի արտադրութիւն: Ստորեւ ներկայացնում ենք այս կապակցութեամբ «Ապառաժ»-ի լրագրող Լուսինէ Թեւոսեանի պատրաստած ռեպորտաժը:

«alikonline.ir» - «Թեւանիկ» բարեսիրական խմբի նախաձեռնութեամբ, օրերս Արցախի Հանրապետութեան Ասկերանի շրջանի Ուղտասար համայնքում մեկնարկել է չրեղէնի արտադրութիւն: Ստորեւ ներկայացնում ենք այս կապակցութեամբ «Ապառաժ»-ի լրագրող Լուսինէ Թեւոսեանի պատրաստած ռեպորտաժը:

Մի քանի ամիս առաջ «Ապառաժ»-ին տւած հարցազրոյցում Իրանի «Թեւանիկ» խմբի պատասխանատու Իւետ Դանիէլեանի խնդրանքով մենք չենք յիշատակել խմբի առաջիկայ ծրագրերը՝ նպատակ ունենալով գրել դրանց մասին միայն իրագործւելուց յետոյ: Այսօր եկել է դրա ժամանակը:

«Թեւանիկ» խմբի նոր ծրագիրը նպատակ ունի Արցախում զարգացնել չորացւած միրգ պատրաստելու բազմադարեայ աւանդոյթը, նաեւ` օգնել հայ գիւղացուն ու տնտեսական վիճակը փոխել Արցախում:

Կէս մետրի չափով` մրգերի չորացման սարքը տրամադրւել է Ասկերանի շրջանի Ուղտասար համայնքում ապրող Յովսէփեանների ընտանիքին: Գիւղի ազատագրումից 7 տարի անց՝ 2000 թւականին, Կարօ Յովսէփեանի ընտանիքն առաջիններից էր, որ բնակութիւն հաստատեց գիւղում: Գիւղի առաջին հարսանիքն էլ հէնց Կարոյի որդու հարսանիքն էր: Աշխատասէր, համեստ ու հոգով-սրտով հողին նւիրւած Կարոյի երազանքը «Թեւանիկ» խումբն է իրականութիւն դարձրել:

«Ուղտասարում մեր զբաղմունքը այգեգործութիւնն ու բանջարագործութիւնն է: Միշտ հեռու-հեռաւոր երազանք եմ ունեցել մեր բերքը մշակել եւ արտահանել: Աստծու կամքով եմ հասել այս յաջողութեանը,- ասել է սկսնակ չրագործը եւ փորփրելով հարեւան Իրանից բերած չրի նմուշները` շեշտել,- կը տեսնեք, մեր պատրաստած չիրը ամենաքաղցրն ու ամենահամովն է լինելու»:

Զարթօնք ապրող Ուղտասար համայնքի հողը բերրի է, կան մրգերի տասնեակ տեսակի այգիներ` սալորի, դեղձի, կեռասի, ծիրանի, ձմերուկի: Կարոյի որդին՝ Արթուր Յովսէփեանը վստահեցնում է՝ բերքի խնդիր չեն ունենալու.

«Գյուղացիները տարիներ շարունակ ունեցել են բերքի իրացման խնդիր: Մէկ առ մէկ խօսել եմ գիւղում ապրող մարդկանց հետ, բոլորը միաձայն համաձայնել եւ ողջունել են արտադրութեան գաղափարը,- ասում է երեք երեխաների հայրը եւ ուրախութեամբ շտապում կիսւել ապագայ ծրագրերի մասին,- գիւղում հողամաս ունեմ եւ նպատակ ունեմ հետագայում այնտեղ արտադրամաս հիմնել, աշխատատեղեր ստեղծել»:

Չորացւած մթերքների արտահանման խնդիր եւս չեն ունենալու, վստահեցնում է «Թեւանիկ» խմբի պատասխանատու Իւետ Դանիէլեանը.

«Մենք իրազեկ ենք պահելու այս ընտանիքին տարածաշրջանի շուկայի պայմաններին եւ պահանջներին, տեսականու նմուշներ ենք տրամադրելու եւ օժանդակելու ենք իրացման հարցում,- ասում է Իւետը,- «Թեւանիկ» խումբը 3-4 տարեկան երեխայ է, որը սնւում է մայր հողում ապրող ժողովրդից: Մեր հայրենիքը մենք շատ թանգ գնով ենք ձեռք բերել, եւ չպէտք է ոչինչ խնայենք հայրենիքը զարգացնելու հարցում: Անկախ նրանից, թէ ինչ երկնքի տակ ենք ծնւել եւ ապրում` հայրենիքում, ազատագրւած տարածքներում ապրող երեխաների համար լաւ ապագայ ապահովելը բոլորիս պարտքն է»:

Սարքը հնարաւորութիւն ունի 5-8 ժամւայ ընթացքում 250 կգ. չորացած միրգ պատրաստել: Նպատակ ունեն մի քանի տարի անց մէկ սարքի կողքին 2-րդ, 3-րդ սարքը տեղաւորել:

«Եթէ ուզում ես ստեղծել հզօր Հայաստան, եթէ ուզում ես վրէժ լուծել թուրքից, հէնց նրա քթի տակ ստեղծիր հզօր, ազատ, հարուստ Հայաստան, որից ոչ մէկը չի ուզենայ հեռանալ»` Պերճ Զէյթունցեանի խօսքերը մէջբերելով, ծրագրին իր մասնակցութիւնն ունեցած Արցախի Հանրապետութեան ԱԺ «Դաշնակցութիւն» խմբակցութեան անդամ Ռիտա Մնացականեանը շեշտել է, որ «Թեւանիկ» խումբը գալիք հզօր Հայաստանի ուրւագծողն է:

ԱՀ ԱԺ «Դաշնակցութիւն» խմբակցութեան անդամ Ալեոշա Գաբրիէլեանը ծրագրի կարեւորութեան մասին խօսելով` շեշտել է, որ Ուղտասարի նոր սերունդը այսուհետ գիւղում մնալու եւ գիւղը շէնացնելու հնարաւորութիւներ ունի:

«Այս ծրագրիը շարունակական է եւ նպատակ ունի Արցախում զարգացնել մանր բիզնեսը»,- ասել է Ա. Գաբրիէլեանը:

Երեւանցի ու գորիսեցի, արմարւիրցի ու ստեփանաւանցի. 17-ամեայ Ուղտասարը մի յարկի տակ է հաւաքել ամենաաշխատասէր ու ազնիւ մարդկանց, ովքեր քարը քարի վրայ դնելով` հաստատուն քայլերով առաջ են շարժւում:

«Մեզ պէտք չէ գումար տալ, պէտք է հնարաւորութիւններ ստեղծել, որ մենք մեր գումարը սեփական քրտինքով վաստակենք: «Թեւանիկ» խումբն իր օգնութեամբ նպաստեց մեր Ուղտասարի առաջ շարժւելուն: Վստահեցնում ենք՝ երկու տարուց «Ուղտասար» բրենդի չրեղէն է յայտնւելու միջազգային շուկայում»,- ասել է Ուղտասարի գիւղապետ Մանուէլ Պետրոսեանը:

 

Յ. Գ. «Ապառաժ»-ի յաջորդ նիւթը «Թեւանիկ» բարեսիրական խմբի մասին չի ուշանայ: Յաջորդ քայլը կրթամշակութային ծրագրերն են:

Յարակից լուրեր

  • Տեղի ունեցաւ «Թեւանիկ»-ի Ամանորեայ, տարեկան հաւաքը
    Տեղի ունեցաւ «Թեւանիկ»-ի Ամանորեայ, տարեկան հաւաքը

    Երէկ՝ յունւարի 25-ի երեկոյեան, Հ. Ուս. «Չհարմահալ» միութեան «Յ. Թումանեան» սրահում տեղի ունեցաւ «Թեւանիկ» բարեսիրական խմբի Ամանորեայ, տարեկան հաւաքը, որին ներկայ էին Իրանում ՀՀ արտակարգ եւ լիազօր դեսպան Արտաշէս Թումանեանը, դեսպանութեան անձնակազմի ներկայացուցիչները, Իսլ. խորհրդարանում Թեհրանի եւ հիւսիսային իրանհայութեան պատգամաւոր դոկտ. Կարէն Խանլարեանը, ազգային իշխանութեան եւ «Ալիք» հաստատութեան եւ օրաթերթի ներկայացուցիչները, խմբի անդամներն ու նրա գործունէութեանն աջակցող բարեկամները:

  • «Թեւանիկ» խմբի անդամուհիներն այցելեցին Սրբազան առաջնորդին
    «Թեւանիկ» խմբի անդամուհիներն այցելեցին Սրբազան առաջնորդին

    Կիրակի, 30 դեկտեմբեր 2018-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի դահլիճում ընդունեց «Թեւանիկ» խմբի անդամուհիներին:

  • Հայրենի մեր ժողովուրդը ինչո՞ւ իր քւէն չի վստահում Հայ Յեղափոխական Դաշնակցութեան
    Հայրենի մեր ժողովուրդը ինչո՞ւ իր քւէն չի վստահում Հայ Յեղափոխական Դաշնակցութեան

    Աւարտւեց Հայաստանի խորհրդարանի արտահերթ ընտրութիւնները, իր յետեւից թողնելով բազմաթիւ՝ դեռեւս անպատասխան մնացած հարցեր:

    Մեզ՝ սփիւռքահայերիս համար, որ առօրեայ լրահոսի միջոցով կապւած ենք Հայաստանի եւ Արցախի իրադարձութիւնների հետ, հարցերի հարցը թերեւս այն է, թէ ինչու հայրենի մեր ժողովուրդն իր քւէն չի վստահում Հայ Յեղափոխական Դաշնակցութեան: Ո՞րն է պատճառը, որ ՀՅԴ ծրագրերն ու գործելաոճը չի ընկալւում Հայաստանի քաղաքացիների կողմից:

  • Բարեգործական առաքելութեամբ «Թեւանիկ»-ը կրկին Արցախում է
    Բարեգործական առաքելութեամբ «Թեւանիկ»-ը կրկին Արցախում է

    «Թեւանիկ» բարեսիրական խմբի նախաձեռնութեամբ, օրերս Արցախի Հանրապետութիւնում մեկնարկել են բարեգործական աշխատանքները:

  • ԻԻՀ-ում ՀՀ արտակարգ եւ լիազօր դեսպան Արտաշէս Թումանեանն ընդունեց «Թեւանիկ» խմբի անդամներին
    ԻԻՀ-ում ՀՀ արտակարգ եւ լիազօր դեսպան Արտաշէս Թումանեանն ընդունեց «Թեւանիկ» խմբի անդամներին

    Յուլիսի 12-ին ԻԻՀ-ում ՀՀ արտակարգ եւ լիազօր դեսպան Արտաշէս Թումանեանն ընդունեց Արցախում բազմաթիւ մարդասիրական ծրագրեր իրականացրած «Թեւանիկ» խմբի ղեկավար Իւետ Դանիէլեանին, խմբի անդամներ Նւարդ Իսախանեանին եւ Քրիստ Արզումանեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։