Հա

Համայնք

Չորեքշաբթի, 13 Սեպտեմբերի 2017 11:10

Երեւանի Ղ. Սարեանի անւան երաժշտական ուսումնարանի սաները ազգային առաջնորդարանում

Սեպտեմբեր 11-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց Երեւանի Ղազարոս Սարեանի անւան երաժշտական ուսումնարանի սաներին:

«alikonline.ir» - Սեպտեմբեր 11-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց Երեւանի Ղազարոս Սարեանի անւան երաժշտական ուսումնարանի սաներ Հայկ Ամիրեանին, Ռաֆայէլ Ասրեանին, Մարիա Արիստակէսեանին, Արման Մարգոլովին, Գարեգին Կոնակցեանին, Մերի Մարգարեանին, Դաւիթ Այդայեանին, Ալբերտ Նաւասարդեանին եւ Հռիփսիմէ Աղակարեանին, նաեւ իրենց դասախօսներ Սուսաննա Սուքիասեանին եւ Արմինէ Գրիգորեանին: Տեղեկացնում է ազգային առաջնորդարանի Հանրային կապը:

Խմբին ընկերակցում էին մայեստրօ Ռազմիկ Օհանեանը եւ «Կուկունեան» ֆոնդի տնօրէն Արփի Աճեմեանը:

Սրբազան Հայրը ողջունելով խմբին, քաջալերեց պատանի-պարմանուհիներին իրենց ազգանւէր աշխատանքը շարունակելու, կենդանի պահելով հայ մշակոյթը: Ապա նորանոր յաջողութիւններ մաղթեց խմբի տնօրէնին եւ դասատուներին: 

Յայտնենք, որ Սրբազան Հայրը կիրակի սեպտեմբերի 10-ի երեկոյեան ներկայ գտնւեց վերոյիշեալ խմբի ելոյթին, Թեհրանի «Նիաւարան» մշակութային համալիրում: 

Սոյն Ծրագրին ներկայ էին նաեւ առաջնորդական փոխանորդ գերշ. Տ. Մակար Ս. եպս. Աշգարեանը, Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ.Հ.Թ. Պատգամաւորական ժողովի եւ Թեմական խորհրդի ներկայացուցիչները:

Յարակից Հրապարակումներ

Ամենաշատ ընթերցւած

Քւէարկութիւն

Կարո՞ղ է արդեօք նախագահի այցը Նիւ Եօրք նպաստել Իրանի միջազգային դիրքի ամրապնդմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։