Հա

Համայնք

Երեքշաբթի, 19 Սեպտեմբերի 2017 12:00

Խաչվերացի տօնի առիթով պատարագ, թափօր Անդաստան եւ աւանդական ռեհանի օրհնութիւն «Արարատ»-ի Ս. Խաչ մատուռի շրջափակում

Տարիների գեղեցիկ աւանդութեան համաձայն, թւականիս կիրակի 17 սեպտեմբերի յետմիջօրէի ժամը 4:30-ին, «Արարատ» Մարզաւանի Ս. Խաչ մատուռի շրջափակում տեղի ունեցաւ Խաչվերացի տօնի առիթով սուրբ եւ անմահ պատարագը: Պատարագը մատուցեց արժ. Տ. Վրթանէս քհնյ. Բաբախանեանը: 

«alikonline.ir» -  Տարիների գեղեցիկ աւանդութեան համաձայն, թւականիս կիրակի 17 սեպտեմբերի յետմիջօրէի ժամը 4:30-ին, «Արարատ» Մարզաւանի Ս. Խաչ մատուռի շրջափակում տեղի ունեցաւ Խաչվերացի տօնի առիթով սուրբ եւ անմահ պատարագը: Պատարագը մատուցեց արժ. Տ. Վրթանէս քհնյ. Բաբախանեանը: Տեղեկացնում է ազգային առաջնորդարանի Հանրային կապը:

Կանուխ ժամերից արդէն հաւատացեալները ուղղւել էին դէպի մատուռ, եւ այդ առիթով մատռան շրջափակը ողողւել էր հաւատացեալներով եւ ուխտաւորներով: Պատարագին նախագահեց եւ յաւոր պատշաճի քարոզեց առաջնորդական փոխանորդ՝ գերշ. Տ. Մակար Ս. եպս. Աշգարեանը: Արարողութեանը ներկայ էին նաեւ քահանայ հայրեր:

Օրւայ շարականի՝ «Որ զանառատ բազուկս քո ի խաչին տարածեցիր, Քրիստոս Աստուած մեր, եւ նշան յաղթութեան ետուր մեզ, սովաւ զկեանս մեր պահեա» համարից քաղւած բնաբանից մեկնելով՝  Սրբազան Հայրը խօսեց Խաչի պատմականի եւ նրա սրբազան խորհրդի մասին եւ թէ ինչպէս դա որպէս «զոհասեղան» իր վրայ ընդունելով աստւածային անմեղ Գառան՝ Քրիստոսի մարմնի պատարագումն ու անգին արեան հեղումը, նա Քրիստոսի զոհագործութեամբ եւ փրկագործութեամբ համայն հաւատացեալների եւ մարդկանց համար դարձաւ յաղթանակի, փառքի, զօրութեան, կեանքի, պաշտպանութեան ու առաջնորդութեան նշան, իսկ հայերիս համար եւս առաւել՝ պարծանքի եւ հպարտութեան, վերականգնութեան ու ազատութեան, յարութեան, յաւերժութեան, անմահութեան ու յաւիտենական կեանքի կնիք եւ խորհրդանիշը:

«Ս. Խաչի առջեւ ծնկի գալով երկրպագում ենք, հաւատով այն մեր կրծքերի վրայ ենք կախում, մեր երեսն ենք խաչակնքում, դրանով զօրացած՝ վկայում ենք մեր հաւատի հիմնադիր՝ Քրիստոսի մեր սիրոյն յանձն առած զոհողութիւնը, խաչի ճամբով մեզ փրկելը, նրա անսահման սէրը, ներողամտութիւնը, խոնարհութիւնը, զոհողութիւնն ու ինքնուրացութիւնը, որով յատկանշւելու է նաեւ իւրաքանչիւր քրիստոնեայ հաւատացեալի կեանքը»,- ասաց Սրբազան Հայրը: Նա իր քարոզում անդրադարձաւ նաեւ քառաթեւ խաչի իմաստների մասին եւ աւարտին էլ աղօթքով Աստծուց հայցեց Ս. Խաչի պաշտպանութիւնն ու զօրութիւնը հայ ազգի բոլոր զաւակների համար:

Պատարագի աւարտին մատուռի կողքին բուրումնաւէտ ռեհաններով զարդարւած սեղանի շուրջ կատարւեց երեկոյեան հանդիսաւոր անդաստան թափորը, որի ընթացքին նաեւ տեղի ունեցաւ աւանդական ռեհանի օրհնութիւնը:

Վերջում Հ. Մ. «Արարատ» կազմակերպութեան Ս. Խաչ մատուռի յանձնախումբը կազմակերպել էր համեստ ընդունելութիւն ներկայ հաւատացեալների համար:

Image Gallery

View the embedded image gallery online at:
http://alikonline.ir/news/community/tehran/item/42247-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD,-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD-%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD%EF%BF%BD#sigProIda63d4ca520

Յարակից Հրապարակումներ

  • Թեհրանահայ համայնքը նշեց Ս. Ծննդեան ու Աստւածայայտնութեան տօները
    Թեհրանահայ համայնքը նշեց Ս. Ծննդեան ու Աստւածայայտնութեան տօները

    Շաբաթ, յունւարի 6-ին, Ս. Ծննդեան ու Աստւածայայտնութեան տօնի առիթով ս. եւ անմահ պատարագ մատուցւեց Թեհրանի բոլոր եկեղեցիներում:

  • Սարկաւագութեան տօնը Թեհրանում
    Սարկաւագութեան տօնը Թեհրանում

    Եւ Սարկաւագութեան տօնը Թեհրանում միաժամանակ դպիրների եւ երգեցիկ խմբերի տօն յայտարարւած լինելով, այդ ուրախ առիթով թւականիս երկուշաբթի 25 դեկտեմբերի առաւօտեան Ս. Գէորգ եկեղեցում տեղի ունեցաւ հանդիսաւոր պատարագ, նախագահութեամբ թեմիս առաջնորդ՝ գերշ. Տ. Սեպուհ Ս. արք. Սարգսեանի եւ ներկայութեամբ քահանայ հայրերի ու հաւատացեալ ժողովրդի:

  • Երիտասարդական համագումար
    Երիտասարդական համագումար

    Թւականիս ուրբաթ, նոյեմբերի 24-ին, Հայ համալսարանականների ընդհանուր միութեան «Նիկոլ Աղբալեան» սրահում, տեղի ունեցաւ երիտասարդական համագումար՝ «Երիտասարդը դէմ-յանդիման եկեղեցու եւ այսօրւայ տեխնոլոգիային եւ Հայ երիտասարդի առաքելութիւնը յարաբերաբար իր ինքնութեան եւ ազգային պահանջատիրութեան» թեմաներով։ 

  • Ս. Աստւածածին եկեղեցու անւանակոչութեան տօն 
    Ս. Աստւածածին եկեղեցու անւանակոչութեան տօն 

    Այս տարի Ս. Աստւածածնայ Երից ամաց ի տաճարն Ընծայման Տօնի առիթով, երկօրեայ ուխտագնացութիւն եւ կրօնական յատուկ արարողութիւններ կատարւեցին Թեհրանի Ս. Աստւածածին եկեղեցում, նոյեմբերի 20 եւ 21-ին: 

    Երկուշաբթի երեկոյեան, հսկումի արարողութեան նախագահեց եւ յաւուր պատշաճի քարոզեց առաջնորդական փոխանորդ՝ գերշ. Տ. Մակար Ս. եպս. Աշգարեանը, իսկ երեքշաբթի, 21 հոկտեմբեր 2017-ի առաւօտեան ժամերգութիւնից յետոյ, Սուրբ եւ Անմահ Պատարագը մատոյց եւ յաւուր պատշաճի քարոզեց թեմիս առաջնորդ՝ գերշ. Տ. Սեպուհ Ս. արք. Սարգսեանը:

  • Մշակոյթի օրը եւ Սրբոց Թարգմանչաց եկեղեցու անւանկոչութեան տօնը
    Մշակոյթի օրը եւ Սրբոց Թարգմանչաց եկեղեցու անւանկոչութեան տօնը

    Շաբաթ 14 հոկտեմբեր 2017-ի առաւօտեան Սրբոց Թարգմանչաց տօնի առիթով Սասուն քաղաքամասի Սրբոց Թարգմանչաց եկեղեցում մատուցւեց Եպիսկոպոսական հանդիսաւոր ս. եւ անմահ պատարագ, որը մատուցեց թեմիս առաջնորդ գերշ. Տ. Սեպուհ Ս. արք. Սարգսեան, որուն խորանի վրայ սպասարկում էին արժ. Տ. Կոմիտաս քհնյ. Ղարախանեանն ու արժ. Տ. Խաչատուր քհնյ. Յարութիւնեանը։

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։