Հա

Համայնք

23/09/2017

Սեպտեմբերի 21-ի առիթով. Հանրապետական մաղթանք՝ Թեհրանի եկեղեցիներում

այաստանի Հանրապետութեան վերանկախացման տօնի՝ սեպտեմբերի 21-ի առիթով երէկ՝ սեպտեմբերի 22-ին Թեհրանի բոլոր եկեղեցիներում ս. պատարագի ընթացքում, տեղի ունեցաւ Հանրապետական մաղթանք: 

«alikonline.ir» - Հայաստանի Հանրապետութեան վերանկախացման տօնի՝ սեպտեմբերի 21-ի առիթով երէկ՝ սեպտեմբերի 22-ին Թեհրանի բոլոր եկեղեցիներում ս. պատարագի ընթացքում, տեղի ունեցաւ Հանրապետական մաղթանք: Տեղեկացնում է «Ալիք»-ի թղթակից Կ. Դաւթեանը:

Ս. Սարգիս առաջնորդանիստ մայր եկեղեցում, կրօնական արարողութիւնը նախագահեց եւ քարոզեց Թեհրանի հայոց թեմի առաջնորդական փոխանորդ Տ. Մակար եպս. Աշգարեանը:

Կրօնական արարողութեանը ներկայ էին՝ Իրանում ՀՀ արտակարգ եւ լիազօր դեսպան Արտաշէս Թումանեանը իր տիկնոջ՝ Անահիտ Թումանեանի հետ, դեսպանութեան աանձնակազմը, Թ. Հ. Թ. Պատգամաւորական ժողովի, Թեմական խորհրդի, ազգային մարմինների ու միութիւնների ներկայացուցիչները:

Քարոզի ընթացքում Սրբազան Հայրն ողջունելով Հայաստանի վերանկախացման 26-րդ տարեդարձը, ցանկացաւ Հայաստանի եւ Արցախի օրաւուր վերելքը բոլոր ասպարէզներում:

Հանրապետական մաղթանքից  եւ ՀՀ Եռագոյն դրօշի օրհնման արարողութիւնից յետոյ եկեղեցու երգեցիկ խումբը հնչեցրեց «Մեր Հայրենիք» օրհներգը եւ վերջում Սրբազան Հօր միջոցով  կատարւեց հոգեհանգստեան արարողութիւն Հայաստանի եւ Արցախի նահատակների հոգիների խաղաղութեան համար:

Յաւարտ կրօնական արարողութեան՝ օրհնւած դրօշը յանձւեց դեսպանին:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։