Հա

Համայնք

23/09/2017

Սրբազան Հօր պատգամը՝ դպրոցական տարեմուտի առիթով

Շատ սիրելի աշակերտ-աշակերտուհիներ,

Բարի գալուստ եմ ասում բոլորիդ եւ յաջողութիւն ցանկանում ձեզ: Այսօր դպրոցական տարեշրջանի առաջին օրն է. վստահ եմ, որ շատերդ ուրախութեամբ էք եկել. իսկ տարրական դպրոցի առաջին դասարանի աշակերտները նոր են միանում միւս դասարանցիներին, հետեւաբար հիները նորերին տիրութիւն պէտք է անեն, որովհետեւ մենք բոլորս որպէս հայ դպրոցի աշակերտ-աշակերտուհիներ մի ընտանիքի ենք պատկանում եւ այդ ընտանիքը մեր ժողովուրդն է:

Շատ սիրելի աշակերտ-աշակերտուհիներ,

Բարի գալուստ եմ ասում բոլորիդ եւ յաջողութիւն ցանկանում ձեզ: Այսօր դպրոցական տարեշրջանի առաջին օրն է. վստահ եմ, որ շատերդ ուրախութեամբ էք եկել. իսկ տարրական դպրոցի առաջին դասարանի աշակերտները նոր են միանում միւս դասարանցիներին, հետեւաբար հիները նորերին տիրութիւն պէտք է անեն, որովհետեւ մենք բոլորս որպէս հայ դպրոցի աշակերտ-աշակերտուհիներ մի ընտանիքի ենք պատկանում եւ այդ ընտանիքը մեր ժողովուրդն է:

Վերամուտի այս առաջին պահերին ողջունելով ձեզ, ասում եմ, որ դուք շատ բախտաւոր էք, որ հայ դպրոց էք յաճախում, որովհետեւ հայ դպրոցը լաւ աշակերտի երկրորդ տունն է: Մաղթում եմ, որ ձեր ուսումնառութեան բոլոր տարիները անցկացնէք հայ դպրոցում:

Հայ դպրոցը բոլորիս համար այն վայրն է, որտեղ մենք կապի մէջ ենք լինում մեր անցեալի հետ մեր լեզւի, կրօնի եւ պատմութեան ճանաչումով. հետեւաբար իմ փափագն ու թելադրանքը սիրելիներ այն է, որ ամբողջական սիրով ու նւիրումով սովորէք ձեր բոլոր դասերը, բայց յատկապէս ձեր լեզուն, կրօնն ու պատմութիւնը:

Դաւիթ մարգարէն ասում է.-

«Ո՛վ Տէր, քե՛զ ապաւինեցի. թող բնաւ ամօթով չմնամ:

Արդար ես դու, ազատի՛ր ինձ:

Դու ես իմ ապաւէնն ու ամրոցը,

Դու ինքդ առաջնորդիր ինձ ու պաշտպանի՛ր,

Որպէսզի քո անունը փառաւորւի»: (Սղ. 31:1-3)

Այո՛, սիրելի փոքրիկներ, այնպէս, ինչպէս մեր ծնողները սիրում ու տիրութիւն են անում մեզ, այնպէս էլ Աստւած սիրում եւ առաջնորդում է մեզ, երբ մենք լսենք իր ձայնը, երբ կարդանք իր խօսքերը, քանի որ իր խօսքերը լոյս են տալիս եւ լուսաւորում մեր ճանապարհը. «Խօսքդ ճրագ է քայլերիս, լուսաւորող՝ ճամբաներիս», ասում է Դաւիթ մարգարէն:

Աստծու խօսքով զօրացած, երբ սովորենք մեր դասերը, լսենք մեր ծնողների եւ ուսուցիչների, տեսուչի եւ փոխտեսուչի խրատներն ու թելադրութիւնները վստահ եղէք, որ մենք կը լինենք յաջող ու աշխատասէր աշակերտ-աշակերտուհիներ:

Կրկին անգամ ողջունում եմ ձեզ բոլորիդ, շնորհաւորում ձեզ դպրոցական վերամուտի առիթով եւ մաղթում ու աղօթում, որ այս տարին ձեզ համար լինի առաւել յաջողութեան եւ յարատեւ աշխատանքի տարի:

Աստւած օրհնի ձեզ, ձեր դպրոցը, ծնողներին ու դպրոցի ողջ աշխատակազմին:

ԱՂՕԹԱՐԱՐ՝
ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

Սեպտեմբեր 2017
Թեհրան

Յարակից լուրեր

  • Ողջոյնի խօսք տարրական դպրոցների աշակերտութեան
    Ողջոյնի խօսք տարրական դպրոցների աշակերտութեան

    Սիրելի աշակերտ-աշակերտուհիներ,

    Քրիստոնէական ու հայրական ջերմ սիրով ողջունում եմ ձեզ բոլորիդ, բարի գալուստ եմ մաղթում ձեզ ձեր դպրոցում, շնորհաւորում ու յաջողութիւն մաղթում բոլորիդ։

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Երկուշաբթի, 17 սեպտեմբեր 2018-ի առաւօտեան թեմիս առաջնորդ գերշ. Տ. Սեպուհ Ս. արք. Սարգսեանին այցելեցին Թեհրանի քաղաքապետարանի 6-րդ շրջանի մշակութային եւ հասարակական հարցերի օգնական ճրտ. Ալի Փուր Զոնուզին եւ նոյն պաշտօնով՝ նոյն շրջանի առաջին բաժնի օգնական դոկտ. Զանդին։

  • Վերամուտի առիթով հանդիպում
    Վերամուտի առիթով հանդիպում

    Հանդիպման հիմնական նպատակը համատեղ կերպով քննարկելն էր՝ մեր դպրոցների հետ կապւած հարցեր, յատկապէս կրօնի եւ Ադեանի դասանիւթերի եւ այդ նիւթերը դասաւանդող ուսուցիչների աշխատանքի եւ դասապահերի հետ։ Խօսւեց նաեւ դպրոցական 2018-2019 տարեշրջանի վերամուտի հետ կապւած հարցերի մասին։

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Չորեքշաբթի օգոստոս 29, 2018 թ.-ի կէսօրին, Իրանի Իսլամական Հանրապետութիւնում հաւատարմագրւած Ռուսաստանի Դաշնութեան արտակարգ եւ լիազօր դեսպան՝ մեծարգոյ պրն. Լեւոն Ջաղարեանը, այցելեց թեմիս առաջնորդ՝ գերշ. Տ. Սեպուհ Ս. արք. Սարգսեանին:

  • Այցելութիւն Ազգային առաջնորդարան
    Այցելութիւն Ազգային առաջնորդարան

    Չորեքշաբթի օգոստոսի 29-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանն իր գրասենեակում ընդունեց տիկնայք՝ Դորիս Ջաղարբէգեան, Նինա Թորոսեան եւ Սոֆի Ջաղարբէգեանին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։