Հա

Համայնք

Կիրակի, 24 Սեպտեմբերի 2017 10:30

Սրբազան Հօր պատգամը՝ աշակերտութեան

Սիրելի աշակերտ-աշակերտուհիներ,

Անհուն ուրախութեամբ եւ անկեղծ հպարտութեամբ ողջունում եմ ձեզ բոլորիդ այս առաւօտ, երբ դպրոցական 2017-2018 վերամուտի առաջին այս պահին, լսում էք առաջին զանգն ու ձեզ սիրող տեսուչի, փոխտեսուչի եւ պատասխանատուների ողջոյնի խօսքերը, առաւել, երբ կրկին անգամ, որպէս դասընկերներ՝ տեսնում էք միմեանց որպէս մէկ ընտանիքի անդամներ, ամբողջ մի տարի, միասնաբար սովորելու, զրուցելու եւ խաղալու:

Սիրելի աշակերտ-աշակերտուհիներ,

Անհուն ուրախութեամբ եւ անկեղծ հպարտութեամբ ողջունում եմ ձեզ բոլորիդ այս առաւօտ, երբ դպրոցական 2017-2018 վերամուտի առաջին այս պահին, լսում էք առաջին զանգն ու ձեզ սիրող տեսուչի, փոխտեսուչի եւ պատասխանատուների ողջոյնի խօսքերը, առաւել, երբ կրկին անգամ, որպէս դասընկերներ՝ տեսնում էք միմեանց որպէս մէկ ընտանիքի անդամներ, ամբողջ մի տարի, միասնաբար սովորելու, զրուցելու եւ խաղալու:

Այո՛, սիրելիներ ասացի ուրախութեամբ, իրօք ուրախ եմ եւ երջանիկ, երբ պատկերացնում եմ ձեզ հայ դպրոցում, որտեղ եկել էք, որպէս հաւատարիմ զաւակներ մեր եկեղեցու, սովորելու ձեր մայրենի լեզուն, ճանաչելու ձեր կրօնն ու պատմութիւնը: Շատ ապրէք:

Ասացի հպարտութեամբ եմ ողջունում ձեզ. այո՛, հպարտ եմ ձեզանով, որովհետեւ ձեզանից իւրաքանչիւրի մէջ տեսնում եմ ապագայ հաւատաւոր ու հաւատարիմ երիտասարդի ու երիտասարդուհի, ապագայ ծնողը, դատապաշտպանը իր հոգեւոր եւ ազգային արժէքների եւ գոհունակութեամբ Աստծուն փառք եմ տալիս ձեզ համար:

Յաճախ ձեզ հանդիպելիս ասել եմ, որ հայ դպրոցը հայ աշակերտի տունն է, որտեղ նա մտնում է որպէս տանտէր հարազատ եւ որտեղ ստանում է սէր ու սնունդ, սրտի հպարտ ցնծութիւն:

Մարդու կեանքում հպարտութիւնը ծնւում է իր պատմութիւնը ճանաչելուց, իր լեզուն ու հաւատքը ապրելուց, այլ խօսքով, երբ ճանաչում է իր հայրերի կեանքը, տեղեակ է լինում նրանց մեծ գործերին, կարդում է իր ազգի հերոսների, գրողների, փիլիսոփաների, եկեղեցական մեծ հայրերի, ճարտարագէտների, մեծ բժիշկների կեանքի դրւագները եւ նրանցով հպարտանում, ինչու չէ նաեւ ուրախանում, եւ փառք Աստծու, որ մեր ժողովուրդը բազմաթիւ օրինակելի դէմքեր ունի, որոնք նաեւ միջազգային գրականութեան, արւեստի եւ այլ բնագաւառներում իրենց յատուկ տեղն ունեն:

Մի ժողովրդի պատմութիւնը ուղեցոյց է եւ ճշմարիտ ճանապարհ, որից ընթանալով մարդ հաւատարիմ է մնում իր ազգին ու հայրենիքին:

Մեր հայրերը անցեալում ապրեցին կատարելով Աստծու պատւէրները եւ դրանով արժանացան Աստծու օրհնութեան: Դաւիթ մարգարէն ասում է.-

«Երանի այն մարդուն, որ Տիրոջ երկիւղն ունի

Եւ մեծ հաճոյքով նրա պատւէրներն է կատարում:

Այդպիսի մարդու սերունդը

Երկրի վրայ զօրաւոր պիտի լինի

Ուղիղ վարքով ապրող մարդկանց զաւակները պիտի օրհնւեն»: (Սղ. 112:1-2)

Սիրելի աշակերտներ, ահա հայ դպրոցը իր էութեամբ կոչւած է ձեր մէջ առաւել եւս աճեցնել սէր եւ յանձնառութիւն ձեր մայրենի լեզւի, կրօնի, պատմութեան եւ ընդհանրապէս գիտութեան հանդէպ. ճշմարիտ գիտութեամբ, իր ազգի հոգեւոր եւ ազգային արժէքներով զինւած ու պատրաստւած անձը, աշակերտը միայն կը կարողանայ տէր եւ պաշտպան լինել նաեւ ազգային ու մարդկային արժէքներին:

Հետեւաբար, իմ թելադրանքն է ձեզ, որ դպրոցում ձեր ամէն մի պահը, մի ժամը, մի րոպէն օգտագործէք. Պօղոս առաքեալը ասում է. «Քանի ժամանակը մեր ձեռքում է, բարին գործենք»: Մեզ համար, մեր կեանքի այս հանգրւանին կարեւորը բարի, լաւ, օրինակելի, ճշմարտախօս, աշխատասէր ու յանձնառու աշակերտ լինելն է: Ջանացէք ձեր ունեցած գիտութիւնը աւելացնել եւ վստահ եղէք, որ Աստւած աւելիով տալու է ձեզ:

Այս առիթով աղօթում եմ, որ Աստւած խաղաղութիւն պարգեւի ամբողջ աշխարհին, բայց յատկապէս մեր սիրելի Իրանին, որպէսզի խաղաղութեամբ սկսւած մեր դպրոցական տարեշրջանը առաւել խաղաղութեամբ ընթանայ:

Այս խոհերով, կրկին անգամ, ողջունում եմ ձեզ սիրելիներ, շնորհաւորում եմ բոլորիդ սկսւող 2017-2018 դպրոցական տարեշրջանի վերամուտի առիթով եւ աղօթում միանգամայն, որ ձեր ուսումնական այս տարին լինի արդիւնաշատ ու բազմաբեղուն: Աղօթում եմ, որ Աստւած ձեզ ու ձեր բոլոր պատասխանատուներին՝ տեսուչ, փոխտեսուչ, ուսուցիչ եւ ծնող շնորհի կատարեալ առողջութիւն, անփորձանք կեանք եւ առաւել պայծառամտութիւն ու համբերութիւն:

Աստւածային օրհնութիւն բոլորիդ:

ԱՂՕԹԱՐԱՐ՝
ՍԵՊՈՒՀ  ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ 

Սեպտեմբեր 2017
Թեհրան

Յարակից Հրապարակումներ

  • ՀՀ ԱԺ Հայաստան-Իրան բարեկամական խմբի պատւիրակութիւնն այցելեց ազգային առաջնորդարան
    ՀՀ ԱԺ Հայաստան-Իրան բարեկամական խմբի պատւիրակութիւնն այցելեց ազգային առաջնորդարան

    Երէկ` դեկտեմբերի 12-ի կէսօրին Թեհրանի հայոց թեմի առաջնորդ Տ. Սեպուհ արք. Սարգսեանն ընդունեց ՀՀ ԱԺ Հայաստան-Իրան բարեկամական խմբի ղեկավար Վահրամ Բաղդասարեանին եւ նրա գլխաւորած պատւիրակութեանը, որին մաս էին կազմում ԱԺ պատգամաւորներ՝ Աղւան Վարդանեանը, Կորիւն Նահապետեանը, Վահէ Էնֆիաջեանը եւ Նիկոլ Փաշինենաը:

  • Իրանահայ պատւիրակներն այցելեցին Լիբանանում Իրանի դեսպանութիւն
    Իրանահայ պատւիրակներն այցելեցին Լիբանանում Իրանի դեսպանութիւն

    Երէկ՝ դեկտեմբերի 9-ին Մեծի Տանն Կիլիկիոյ կաթողիկոսութեան Ազգային ընդհանուր ժողովին մասնակցելու նպատակով Լիբանանում գտնւող իրանահայ երեք թեմերի պատւիրակները, թեմակալ առաջնորդների՝ գերշ. Տ. Սեպուհ Ս. արք. Սարգսեանի, գերշ. Տ. Գրիգոր Ս. եպս. Չիֆթճեանի եւ գերպ. Տ. Սիփան ծ. վրդ. Քէչէճեանի գլխաւորութեամբ այցելեցին Լիբանանում Իրանի Իսլամական Հանրապետութեան դեսպանութիւնը: 

  • Թեմակալ առաջնորդը դատապարտել է Թրամփի որոշումը
    Թեմակալ առաջնորդը դատապարտել է Թրամփի որոշումը

    Մեծապէս սխալ եւ անարդար այս որոշումի դէմ մենք մեր բողոքի եւ դատապարտութեան ձայնն ենք բարձրացնում, որովհետեւ ե՛ւ իսլամութեամ համար ե՛ւ քրիստոնէութեան համար անընդունելի որոշում է սա, քանի որ Երուսաղէմը իբրեւ միաստւածեան կրօնների կենտրոն անբաժան մասն է կազմում Պաղեստինի: 

  • Սրբազան Հայրն ընդունեց Ուկրայինայի դեսպանատան աշխատակազմին
    Սրբազան Հայրն ընդունեց Ուկրայինայի դեսպանատան աշխատակազմին

    Կիրակի 3 դեկտեմբերի, 2017 թ.-ի առաւօտեան Ուկրայինայի դեսպանը, դեսպանատան աշխատակազմի հետ այցելեցին Ս. Սարգիս եկեղեցի, աղօթք հայցելու իրենց նահատակների հոգիների եւ ընդհանրապէս աշխարհի խաղաղութեան համար:

  • Խորհրդակցական հանդիպում
    Խորհրդակցական հանդիպում

    Շաբաթ, դեկտեմբերի 2, 2017 թւի առաւօտեան, թեմիս բարեխնամ առաջնորդ գերշ. Տ. Սեպուհ Ս. արք. Սարգսեանի նախագահութեամբ, առաջնորդարանի դահլիճում տեղի ունեցաւ խորհրդակցական հանդիպում, Թեհրանում ժողովրդական միջոցառումներից նկարահանող հայ լուսանկարիչների հետ:

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։