Հա

Համայնք

04/10/2017

Իրանում ՀՀ արտակարգ եւ լիազօր դեսպանն այցելեց «Ակունք» կենտրոն

Հոկտեմբերի 2-ին Իրանում ՀՀ արտակարգ եւ լիազօր դեսպան Արտաշէս Թումանեանը իր տիկնոջ ընկերակցութեամբ այցելեց մարմնա-մտային խանգարումներով հայ երեխաներին օժանդակող «Ակունք» կենտրոն: 

«alikonline.ir» - Հոկտեմբերի 2-ին Իրանում ՀՀ արտակարգ եւ լիազօր դեսպան Արտաշէս Թումանեանը իր տիկնոջ ընկերակցութեամբ այցելեց մարմնա-մտային խանգարումներով հայ երեխաներին օժանդակող «Ակունք» կենտրոն: Տեղեկացնում է ազգային առաջնորդարանի Հանրային կապը:

Դեսպանին, այցելութեան ընթացքին, ընկերակցում էին դեսպանութեան մշակութային կցորդ Սահակ Եղեազարեանը եւ 3-րդ քարտուղար Ռուդիկ Եարալեանն իրենց տիկնանց հետ միասին:

Կենտրոնի տնօրէն Անգինէ Մարգարեանը նախ բացատրութիւններ տւեց աշակերտութեան աշխատանքների եւ դասագրքերի մասին, ապա այցելուները ականատես եղան կենտրոնում կատարւող տարբեր աշխատանքներին, երգի դասարանին, որտեղ աշակերտ-աշակերտուհիները երգեցին «Մեր Հայրենիք»-ը: Նրանք այցելեցին նաեւ կենտրոնի արհեստանոցը, հետաքրքրւեցին երեխաների դժւարութիւնների եւ առողջութեան մասին, որոնց հակիրճ պատասխանեցին կենտրոնի պատասխանատուները:

Դեսպան Թումանեանը նւէրներ էր պատրաստել, որոնք յանձնւեցին կենտրոնի աշակերտներին: Վերջում կենտրոնի աշակերտ-աշակերտուհիների ձեռքով պատրաստւած մի աշխատանք նւիրւեց դեսպանին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։