Հա

Համայնք

05/10/2017 - 11:40

Թեմիս առաջնորդ գերշ. Տ. Սեպուհ Ս. արք. Սարգսեան Լեհաստանում

Հրաւէրով Լեհաստանի կառավարութեան մշակոյթի նախարարութեան թեմիս առաջնորդ գերշ. Տ. Սեպուհ Ս. արք. Սարգսեան չորեքշաբթի 27 սեպտեմբեր 2017-ի առաւօտեան ժամանեց Վարշաւա, որտեղ նրան դիմաւորեցին Մշակոյթի նախարարութեան ներկայացուցիչներ Մաչի Պօղոսովիչ (Մատթէոս Պօղոսեան) եւ դկտ. Արտեմ Նաճարեան։ 

«alikonline.ir» - Հրաւէրով Լեհաստանի կառավարութեան մշակոյթի նախարարութեան թեմիս առաջնորդ գերշ. Տ. Սեպուհ Ս. արք. Սարգսեան չորեքշաբթի 27 սեպտեմբեր 2017-ի առաւօտեան ժամանեց Վարշաւա, որտեղ նրան դիմաւորեցին Մշակոյթի նախարարութեան ներկայացուցիչներ Մաչի Պօղոսովիչ (Մատթէոս Պօղոսեան) եւ դկտ. Արտեմ Նաճարեան։ Տեղեկացնում է ազգային առաջնորդարանի Հանրային կապը:

Նոյն օրը կէսօրին Սեպուհ Սրբազանը հանդիպեց Մշակոյթի նախարարութեան տնօրինութեան հետ։ Տնօրինութեան ներկայացուցիչը տկն. Տորոդա Եանիշեւսքա որի հետ ունեցաւ հետաքրքրական զրոյց հայ եւ լեհ ժողովուրդների պատմութեան եւ մշակոյթի հետ կապւած։ Այնուհետ հիւրընկալները Սրբազան հօր առաջնորդեցին թագաւորական բերդ-պալատը, որ թանգարանի է վերածւած եւ որ հիմնովին քանդւած էր համաշխարհային երկրորդ պատերազմին։ Նոյն օրը երեկոյեան Սրբազան Հայրը այցելեց Լեհաստանի հոգեւոր հովիւ հոգշ. Տ. Տաճատ գրդ. Ծատուրեանին։

Հինգշաբթի առաւօտեան Սրբազան Հայրը ընկերակցութեամբ Մաչի Պօղոսովիչի եւ դկտ. Արտեմ Նաճարեանի այցելեց Իրանի Իսլամական Հանրապետութեան դեսպանութիւն եւ շատ սիրալիր հանդիպում ունեցաւ պրն. դեսպան Ռամին Մեհմանփարասթի հետ, որին Սրբազան Հայրը ճանաչել էր վաղուց։ Սրբազանը իր ուրախութիւնը յայտնեց այս առիթով եւ առաւել առողջութիւն եւ յաջողութիւն մաղթեց պրն. դեսպանին եւ իր աշխատակազմին։

Դեսպանին հանդիպելուց յետոյ Սրբազան Հայրը ուղեւորւեց դէպի Քրաքով, ճանապարհին հանդիպեց Լեհաստանի ամենանշանաւոր վանք-սրբավայր ուխտատեղիին Չիսթոխովայում։ Պատմական այս վանքը սիրելի վայր էր եղել Յովհաննէս Պօղոս Բ. Պապին։

Քրաքովում Սրբազան Հայրն այցելեց նաեւ այդ շրջանում գտնւող աղի պատմական հանքավայրն ու Քրաքովի թագաւորական պալատն ու մայր եկեղեցին, որի ներքեւում գտնւում է թագաւորների դամբարանն ու 2010 թւին օդանաւի արկածին զոհ գնացած երկրի նախագահի գերեզմանը։

Շաբաթ 30 սեպտեմբեր 2017-ի առաւօտեան Սրբազան Հայրը ընկերակցութեամբ Լեհաստանի հոգեւոր հովիւ հոգշ. Տ. Տաճատ վրդ. Ծատուրեան եւ պրն. Մաչի Պօղոսովիչի այցելեց Գդանցք քաղաքը, որտեղ փոքրաթիւ հայ համայնք կայ. Գդանցքում Սրբազան Հայրը եւ իր ուղեկիցները նախ այցելեցին քաղաքի պատմական ու տեսարժան վայրերը Պալթիք ծովի եզրերը, այնուհետ հիւրընկալւեցին գաղութի ազգայիններից պրն. Հայկ Ֆիլիփովի բնակարանում։ Երեկոյեան տեղի ունեցաւ Խաչվերացի տօնի առիթով Խաչվերացի թափօր եւ Ռեհանի օրհնութիւն։ Արարողութեան աւարտին Սրբազան Հայրը իր պատգամը փոխանցեց հաւատացեալներին թելադրելով, որ հաւատարիմ մնան իրենց եկեղեցուն եւ մշակոյթին. Սրբազան Հայրը միաժամանակ որոշ բացատրութիւններ տւեց իրանահայ եւ յատկապէս թեհրանահայ համայնքի մասին։

Կիրակի 1 հոկտեմբեր 2017-ի առաւօտեան Սրբազան Հայրը այցելեց երկրագործութեան նախարարութեան թանգարան-մատենադարանը, որտեղ հանդիպեց տնօրէն՝ Զբիկնիեւ Ֆիլիբովքիի եւ գերշ. Անթոնի ՓացիՖիք Դեդեչնին, որ Լեհաստանի արեւելեան բաժնի Արքեպիսկոպոսն է։ Սրբազան Հայրը լայն բացատրութիւններ տւեց ներկաներին հայ եկեղեցու եւ Իրանի ու իրանահայութեան մասին։ Այս այցելութեան Սրբազանին ընկերակցում էր Մաչիկ Պօղոսեանը։

Նոյն օրը Սրբազան Հայրը այցելեց անծանօթ Զինւորի հրապարակն ու նահատակ զինւորների գերեզմանատունը, որտեղ թաղւած է նաեւ հայազգի Եատւիկա Ծառուկեանն ու իր զինւոր տղան՝ Ալեքսանդր Ծառուկեանը։

Յարակից լուրեր

  • Առաջնորդարանի այցելուներ
    Առաջնորդարանի այցելուներ

    Կիրակի, 13 յունւար 2019-ի կէսօրից յետոյ, թեմիս առաջնորդ գերշ. Տ. Սեպուհ Ս. արք. Սարգսեանին այցելեցին նորահիմն «Կրօնների մեծարման եւ մերձեցման» կազմակերպութեան վարչութիւնը։

  • Մոգերինին չի մասնակցի Վարշաւայում կայանալիք հակաիրանական խորհրդաժողովին
    Մոգերինին չի մասնակցի Վարշաւայում կայանալիք հակաիրանական խորհրդաժողովին

    ԵՄ արտաքին քաղաքականութեան եւ անվտանգութեան հարցերով գերագոյն յանձնակատար Ֆեդերիկա Մոգերինին չի մասնակցի ԱՄՆ նախաձեռնութեամբ Լեհաստանի մայրաքաղաք Վարշաւայում անցկացւելիք հակաիրանական խորհրդաժողովին:

  • Առաջնորդ Սրբազան Հօր Ամանորեան այցելութիւնը հայկական ծերանոցներ
    Առաջնորդ Սրբազան Հօր Ամանորեան այցելութիւնը հայկական ծերանոցներ

    2019 թւականի նոր բացւող տարւայ եւ Յիսուս Քրիստոսի հրաշափառ Ծննդեան եւ Աստւածայայտնութեան զոյգ տօների առիթով, երեքշաբթի, 8 եւ չորեքշաբթի, 9 յունւարի, թեմիս առաջնորդ Տ. Սեպուհ Ս. արք. Սարգսեանը այցելութիւններ տւեց՝ «Ս. Գէորգ», «Սօսէ Մայրիկ» եւ «Չիլոյեան» հայկական երեք ծերանոցներին։ 

  • Հ.Ճ.Ճ. միութեան անդամները ազգային առաջնորդարանում
    Հ.Ճ.Ճ. միութեան անդամները ազգային առաջնորդարանում

    Շաբաթ յունւարի 12-ին, թեմիս առաջնորդ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց Հայ Ճարտարապետների եւ Ճարտարագէտների միութեան նորընտիր վարչութեան անդամներին:

  • Լեհաստանի գործերի հաւատարմատարն ԱԳՆ է կանչւել
    Լեհաստանի գործերի հաւատարմատարն ԱԳՆ է կանչւել

    Փետրւարի 13-14-ին Լեհաստանի մայրաքաղաք Վարշաւայում անցկացւելիք, «Խաղաղութիւնն ու անվտանգութիւնը Մերձաւոր Արեւելքում» խորագրով հակաիրանական խորհրդաժողովի կապակացութեամբ, Իրանում Լեհաստանի գործերի հաւատարմատարն ԱԳն է կանչւել:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։