Հա

Համայնք

23/11/2017

Ս. Աստւածածին եկեղեցու անւանակոչութեան տօն 

Այս տարի Ս. Աստւածածնայ Երից ամաց ի տաճարն Ընծայման Տօնի առիթով, երկօրեայ ուխտագնացութիւն եւ կրօնական յատուկ արարողութիւններ կատարւեցին Թեհրանի Ս. Աստւածածին եկեղեցում, նոյեմբերի 20 եւ 21-ին: 

Երկուշաբթի երեկոյեան, հսկումի արարողութեան նախագահեց եւ յաւուր պատշաճի քարոզեց առաջնորդական փոխանորդ՝ գերշ. Տ. Մակար Ս. եպս. Աշգարեանը, իսկ երեքշաբթի, 21 հոկտեմբեր 2017-ի առաւօտեան ժամերգութիւնից յետոյ, Սուրբ եւ Անմահ Պատարագը մատոյց եւ յաւուր պատշաճի քարոզեց թեմիս առաջնորդ՝ գերշ. Տ. Սեպուհ Ս. արք. Սարգսեանը:

«alikonline.ir» - Նոյեմբերի 21-ը տօնն է «Տօն ընծայման Ս. Աստւածածնի Երից ամաց ի տաճարն»: 

Աստւածածնայ նւիրւած վերոյիշեալ տօնին է համընկնում Ս. Աստւածածին Եկեղեցու անւանակոչութեան տօնը: 

Այս տարի Ս. Աստւածածնայ Երից ամաց ի տաճարն Ընծայման Տօնի առիթով, երկօրեայ ուխտագնացութիւն եւ կրօնական յատուկ արարողութիւններ կատարւեցին Թեհրանի Ս. Աստւածածին եկեղեցում, նոյեմբերի 20 եւ 21-ին: Տեղեկացնում է ազգային առաջնորդարանի Հանրային կապը: 

Երկուշաբթի երեկոյեան, հսկումի արարողութեան նախագահեց եւ յաւուր պատշաճի քարոզեց առաջնորդական փոխանորդ՝ գերշ. Տ. Մակար Ս. եպս. Աշգարեանը, իսկ երեքշաբթի, 21 հոկտեմբեր 2017-ի առաւօտեան ժամերգութիւնից յետոյ, Սուրբ եւ Անմահ Պատարագը մատոյց եւ յաւուր պատշաճի քարոզեց թեմիս առաջնորդ՝ գերշ. Տ. Սեպուհ Ս. արք. Սարգսեանը: 

Եկեղեցին ողողւել էր ուխտաւորներով եւ հաւատացեալ ժողովրդով, որոնք եկել էին վերակենսաւորելու իրենց քրիստոնէական հաւատն ու կապւածութիւնը եկեղեցուն, նաեւ լսելու օրւայ պատգամը: 

Իր խօսքերի սկզբում, առաջնորդ Սրբազանը նախ բացատրեց տօնակատարութեան առիթը՝ «Քրիստոնէական եկեղեցին նոյեմբերի 21-ին մեծ հանդիսութեամբ, աղօթքով եւ պատարագի մատուցմամբ, տօնում է Ս. Աստւածածնի 3 տարեկանում տաճարին ընծայման օրը: Ծնողները նրան տաճար ընծայեցին, որպէսզի Աստծոյ ներկայութեամբ եւ օրհնութեամբ մեծանայ»: 

Իր քարոզի միւս բաժնում առաջնորդ Սրբազանն աւելացրեց՝ «Փոքր տարիքից Տաճար ընծայւելով, Մարիամն իր ողջ էութեամբ՝ աչքերով, ականջներով, շնչով, ձեռքերով ..., Աստւածային էութեամբ եւ ճշմարտութեամբ շաղախւեց եւ դրա համար է, որ նա արժանացաւ Աստծոյ Մայր լինելու իրողութեան: Նա եղաւ փրկութեան տապան, որով մարդկութիւնը նոր ճանապարհի մէջ մտաւ: Եղաւ Լոյսի Տաճար եւ ճառագայթեց իր շրջապատում եւ ողջ մարդութեան կեանքում: Նա մայր է եկեղեցու եւ եկեղեցու անդամների, մայրական բարի եւ ամենահարազատ վաւերական իմաստով»: 

Սրբազան Հայրն իր քարոզն աւարտելով ասաց՝ «Այս տօնը մեր իւրաքանչիւրի համար գեղեցկագոյն առիթ է, որ մենք մի պահ դիտենք Աստւածամօր պատկերը եւ փորձենք հաղորդւենք իր հաւատքով, յոյսով ու սիրով, իր նւիրումով, մայրական գորգուրանքով ու ժպիտով, որպէսզի մենք կարողանանք մեր կեանքն ապրել Աստծու կամքի համաձայն»: 

Եկեղեցական արարողութեան աւարտին, Ս. Աստւածածին եկեղեցու եկեղեցական խորհրդի միջոցով կազմակերպւել էր հիւրասիրութիւն Հ. Կ. Բ. Եկեղեցասէր միութեան սրահում: Ընդունելութեան հրաւիրւած էին առաջնորդ Սրբազան Հայրն ու առաջնորդական փոխանորդ Սրբազան Հայրը, քահանայ հայրերը, միւս եկեղեցիների Եկեղեցական խորհրդների եւ դպրաց դասի անդամները, ազգային մարմինների անդամներից եւ պատարագին մասնակցող արտասահմանեան հիւրերը: 

Գեղարւեստական յայտագրով յագեցւած էր հիւրասիրութիւնը: Յայտագրի վերջում օրւայ տօնի առիթով արտայայտւեց Սրբազան Հայրը եւ գնահատելով կազմակերպողներին եւ Ս. Աստւածածին եկեղեցու Եկեղեցական խորհրդին:

Յարակից լուրեր

  • Ս. Սարգիս մայր եկեղեցու օծման 45-ամեակի առիթով «Հոգեւոր համերգ»
    Ս. Սարգիս մայր եկեղեցու օծման 45-ամեակի առիթով «Հոգեւոր համերգ»

    Թեհրանի Ս. Սարգիս մայր եկեղեցու օծման 45-ամեակի առիթով թւականիս մայիսի 17-ին եկեղեցու յարկի տակ կազմակերպւել էր «Հոգեւոր համերգ»-երեկոյ:

  • Առաջնորդ Սրբազան Հայրն ընդունեց Մակեդոնացի երկու հոգեւորականների
    Առաջնորդ Սրբազան Հայրն ընդունեց Մակեդոնացի երկու հոգեւորականների

    Երեքշաբթի, մայիսի 15-ի կէսօրին, Մակեդոնիայից Թեհրան ժամանած հոգեւորականներ՝ Միլան քահանայ Բորիսովը, Ս. Ստեփանոս մատրան հովիւ եւ փոխտնօրէն գիտութեան ու միջազգային համագործակցութեան բաժանմունքի Աստւածաբանութեան համալսարանում, նաեւ Դէժան քահանայ Բորիսովը քաղաքավարական այցով, այցելեցին Ազգային առաջնորդարան եւ հանդիպեցին թեմիս առաջնորդ՝ գերշ. Տ. Սեպուհ Ս. արք. Սարգսեանին:

  • Հանդիպում Թեհրանի 15-րդ շրջանի քաղաքապետի եւ իր օգնականների հետ 
    Հանդիպում Թեհրանի 15-րդ շրջանի քաղաքապետի եւ իր օգնականների հետ 

    Երեքշաբթի, մայիսի 15-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի դահլիճում ընդունեց Թեհրանի 15-րդ շրջանի քաղաքապետ՝ պրն. Վահիդռեզա Մոհամմադին:

  • Եկեղեցականաց համագումար
    Եկեղեցականաց համագումար

    Երկուշաբթի, մայիսի 14-ին, թեմիս բարեխնամ առաջնորդ գերշ. Տ. Սեպուհ Ս. արք. Սարգսեան նախագահութեամբ գումարւեց թեմիս Եկեղեցականաց համագումար, ընտրելու համար արժ. Տ. Արսէն քհնյ. Աւետեանին փոխարինող մի անդամ եկեղեցական:

  • Համբարձման տօնակատարութիւն
    Համբարձման տօնակատարութիւն

    Մեր եկեղեցու տօնացոյցի համաձայն, թւականիս հինգշաբթի, մայիսի 10-ը մեր Տիրոջ Յիսուս Քրիստոսի երկինք Համբարձման տօնն էր:

    Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք Համբարձման տօնի առիթով սուրբ պատարագը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։