Հա

Համայնք

Երեքշաբթի, 28 Նոյեմբերի 2017 09:50

Երիտասարդական համագումար

Թւականիս ուրբաթ, նոյեմբերի 24-ին, Հայ համալսարանականների ընդհանուր միութեան «Նիկոլ Աղբալեան» սրահում, տեղի ունեցաւ երիտասարդական համագումար՝ «Երիտասարդը դէմ-յանդիման եկեղեցու եւ այսօրւայ տեխնոլոգիային եւ Հայ երիտասարդի առաքելութիւնը յարաբերաբար իր ինքնութեան եւ ազգային պահանջատիրութեան» թեմաներով։ 

«alikonline.ir» - Թւականիս ուրբաթ, նոյեմբերի 24-ին, Հայ համալսարանականների ընդհանուր միութեան «Նիկոլ Աղբալեան» սրահում, տեղի ունեցաւ երիտասարդական համագումար՝ «Երիտասարդը դէմ-յանդիման եկեղեցու եւ այսօրւայ տեխնոլոգիային եւ Հայ երիտասարդի առաքելութիւնը յարաբերաբար իր ինքնութեան եւ ազգային պահանջատիրութեան» թեմաներով։ Տեղեկացնում է ազգային առաջնորդարանի Հանրային կապը: 

Համագումարի ներկայ էին թեմիս բաեխնամ առաջնորդ գերշ. Տ. Սեպուհ Ս. արք. Սարգսեանը, առաջնորդական փոխանորդ Տ. Մակար եպս. Աշգարեանը, Թեմական խորհրդի փոխատենապետ՝ պրմ. Վարուժ Յովհանիսեանը, օրւայ բանախօս՝ պրն. Արամ Շահանզարեանը եւ երիտասարդներ Հ.Հ.Ը.Մ., Հ. Մ. «Սիփան», Հ. Ուս. «Չհարմահալ», Հ. Մ. Մ.  «Նայիրի» միութիւններից եւ կիրակնօրայ դասարաններից, թւով 42 հոգի։ 

Ծրագիրը տեւեց մօտաւորապէս 4 ժամ եւ բաղկացած էր երկու բաժնից՝ առաջին բաժնում պրն. Շահնազարեանը խօսեց հետեւեալ թեմայով՝ «Երիտասարդութեան մասնակցութեան պատկերն ազգային աշխատանքներում, անցեալ եւ ներկայ ժամանակահատւածներում եւ ապագայի հեռանկարներ, համաշխարհայնացման ազդեցութիւնը՝ այդ մասնակցութեան վրայ»։ Ապա լսեցինք Սրբազան Հօր յորդորներն ու հայրական խօսքերը այդ թեմայի վերաբերեալ։

Երկրրորդ բաժնի սկզբում ասմունքեց Անանիա Յարութիւնեանը, ապա տեղի ունեցաւ մտերմիկ զրոյց երիտասարդների հետ. թեման՝ երտասարդների մասնակցութիւնը համայնքային եւ միութենական կեանքումն էր եւ թէ արդեօք կարելի է այսօրւայ էլեկտրատեխնոլոգիայից օգտւել երիտասարդութեանը եկեղեցուն եւ միութիւններին կապել:

Առաջնորդ Սրբազան Հայրը լուսաբանիչ բացատրութիւններով երիտասարդներին թելադրեց աւելի աշխոյժ ու պահանջատէր լինել:

Վերջում առաջարկւեց նման հերթական հանդիպումներ ունենալ ամէն անգամ մի քաղաքամասում:

Յարակից Հրապարակումներ

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։