Հա

Համայնք

Երեքշաբթի, 19 Դեկտեմբերի 2017 15:00

Հերթական դասախօսական երեկոն՝ «ՀՈՒՍԿ»-ի նախաձեռնութեամբ

«ՀՈՒՍԿ»-ի նախաձեռնութեամբ՝ երէկ երեկոյեան նոյն հաստատութեան կենտրոնատեղիում կազմակերպւել էր հերթական դասախօսական երեկոն:

«ԱԼԻՔ» - «ՀՈՒՍԿ»-ի նախաձեռնութեամբ՝ երէկ երեկոյեան նոյն հաստատութեան կենտրոնատեղիում կազմակերպւել էր հերթական դասախօսական երեկոն:

«Հայաստանի կոմլիմենտար քաղաքականութիւնը. Ռուսաստանի Դաշնութեան եւ Արեւմուտքի միջեւ հաւասարակշռութեան պահպանման մարտահրաւէրները» թեմային անդրադարձաւ իրանցի աւագ փորձագէտ եւ ԻՌԱՍ կենտրոնի Գիտխորհրդի անդամ Վալի Քուզեգար Քալեջին:

Թեհրանի Հայ Դատի գրասենեակի նախագահ Իսիկ Իւնանէսեանը հակիրճ բացատրութիւն փոխանցելով դասախօսի մասին ընդգծեց, որ նա հրապարակել է գրքեր եւ յօդւածներ կապւած Հայաստանի ներքին ու արտաքին քաղաքականութիւններին:

Իր ելոյթի ընթացքում արդէն դասախօսը անդրադարձաւ Հայաստանի եւ Եւրոմիութեան միջեւ ստորագրւած առեւտրական համաձայնութեանը եւ Հայաստանի արտաքին քաղաքականութեանը եւ վերլուծելով Հայաստանի արտաքին քաղաքականութիւնը, զուգահեռներ անցկացրեց Իրանի եւ Հայաստանի արտաքին քաղաքականութիւնների միջեւ: Նա անդրադարձաւ նաեւ Հայաստանի արտաքին քաղաքականութեանը, ընդգծելով, որ այն ունի թէ' տեսլական, եւ թէ' գործնական հոլովոյթներ ու նշեց այդ բնագաւառում առանցքային համարւող հարցեր՝ ինչպիսին Ղարաբաղեան հակամարտութիւնը, Թուրքիայի հատ խնդիրները, Հայոց Ցեղասպանութեան միջազգային ճանաչումը, եւ Հայաստան-Սփիւռք յարաբերութիւնները: Փորձագէտը անդրադարձաւ նաեւ Հայաստանի եւ նրա հարեւանների միջեւ յարաբերութիւններին ու անհրաժեշտ համարեց տնտեսութեան զարգացման համար կոռուպցիայի վերացումը: Իր ելոյթի ընթացքում դասախօսը կարեւորութեամբ անդրադարձաւ նաեւ Իրան-Հայաստան սահմանին Տնտեսական ազատ գօտու բացմանը եւ հիւսիս-հարաւ առանցքի անհրաժեշտութեանը, որոնք կարող են իրենց անժխտելի դերն ունենալ տնտեսութեան զարգացման գործում: Կարեւորւեց նաեւ Իրանի, Հայաստանի եւ մի երրորդ երկրի միջեւ եռակողմ համագործակցութիւնը, տնտեսական հարցերի բարելաւման ի խնդիր, ինչպէս Իրան, Հայաստան, Ռուսաստան, Վրաստան կամ նոյնիսկ Չինաստան յարաբերութիւնները:

Վերջում դասախօսը պատասխանեց ներկաների հարցերին:

Յարակից Հրապարակումներ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։