Հա

Համայնք

10/01/2018 - 09:20

Թեհրանի հայոց թեմի առաջնորդն ընդունեց ուսումնադաստիարակչութեան նախարարութեան 6-րդ շրջանի տնօրէններին

Նոր տարւայ եւ Ս. Ծննդեան տօների հետ կապւած Թեհրանի ուսումնադաստիարակչութեան 6-րդ շրջանի տնօրէն դոկտ. Ջաւադ Նազերիանն իր տեղակալների ընկերակցութեամբ ազգային առաջնորդարան այցելելով, հանդիպում ու զրոյց ունեցան Թեհրանի հայոց թեմի բարեխնամ առաջնորդ գերշ. Տ. Սեպուհ Ս. արք. Սարգսեանի հետ:

Նոր տարւայ եւ Ս. Ծննդեան տօների հետ կապւած Թեհրանի ուսումնադաստիարակչութեան 6-րդ շրջանի տնօրէն դոկտ. Ջաւադ Նազերիանն իր տեղակալների ընկերակցութեամբ ազգային առաջնորդարան այցելելով, հանդիպում ու զրոյց ունեցան Թեհրանի հայոց թեմի բարեխնամ առաջնորդ գերշ. Տ. Սեպուհ Ս. արք. Սարգսեանի հետ:

Այցի ընթացքում դոկտ. Նազերիանին ընկերակցում էին տնօրինութեան համադրման ու գործադրական հարցերով խորհրդատու՝ պրն. Շահսաւարին, ֆինանսական հարցերով տեղակալ՝ պրն. Քաչուին, դաստիարակչական հարցերով տեղակալ՝ պրն. Քարիմին, հետազօտական հարցերով տեղակալ՝ պրն. Սոլէյման Փուրը, տարրական օղակի տեղակալ տիկ. Սամադին, անվտանգութեան հարցերով պատասխանատու փորձագէտ՝ տիկ. Թաբաթաբային եւ հասարակութեան հետ կապի պատասխանատու փորձագէտ տիկ. Մուսավանդը:

Հանդիպման ժամանակ շրջանի տնօրէնը նոր տարւայ տօնի կապակցութեամբ շնորհաւորելով քրիստոնեաներին ու յատկապէս 6-րդ շրջանում բնակւող հայերին, ասաց. «Մեզ համար մեծ պատիւ է նոր տարւայ կապակցութեամբ հանդիպում ու զրոյց ունենալ Սրբազան Հօր հետ»:

Մտերմիկ հանդիպման ժամանակ գերշ. Տ. Սեպուհ Ս. արք. Սարգսեանն ասաց. «Ուսումնադաստիարակչութեան 6-րդ շրջանի պատասխանատուների հետ մեր կապերը չափազանց սերտ են ու լաւ համագործակցութիւն գոյութիւն ունի եւ նման տօները միմեանց հանդիպելու եւ զրուցելու առիթ են ստեղծում»:

Սրբազան Հայրն իր արտայայտութիւններում անդրադառնալով Իրանի վերջին օրերի իրադարձութիւններին, ասաց. «Արտասահմանից ինձ հետ կապւում ու Իրանում տիրող իրավիճակի մասին են հարցնում ու ես նրանց երեք կէտ եմ յիշեցնում: Նախ այն որ Իրանը հզօր ու ամուր երկիր է ու մենք մէկ ընտանիք ենք եւ նման մանր հարցեր չեն կարող ազդել մեր կեանքի վրայ: Երկրորդ կէտն այն է, որ արեւմուտքն, ԱՄՆ-ն ու Իսրայէլը չեն կարող հանդուրժել միջազգային ասպարէզում Իրանի վերջին տարիների յաջողութիւնները եւ ամէն առիթ չարաշահում են Իրանն անհանդարտութեան մատնելու համար ու երրորդ կէտն էլ այն է, որ տնտեսական հարցը համատարած ճգնաժամ է ու միայն Իրանով չի սահմանափակւում»:

«Իրանը հզօր է ու արեւմուտքը չի հանդուրժում Իրանի այդ հզօրութիւնը եւ վստահ ենք, որ տարածաշրջանում Իրանը կշարունակի պահպանել իր հանդարտութիւնն ու համոզւած ենք, որ Իրանի հզօրութիւնը տարածաշրջանում խաղաղութեան գրաւականն է համարւում»,- յաւելեց Սրբազան Հայրը:

Հանդիպման ընթացքում դոկտ. Նազերիանն ասաց. «Մենք մեծ համակրանք ունենք հանդէպ Ձեզ ու գնահատում ենք ձեր մարդկային հայեացքները եւ Աստծուց Ձեզ առողջութիւն ենք մաղթում»:

«Մենք մէկ ընտանիք ենք ու պիտի լսենք միմեանց ձայնը եւ կանխենք բրտարարքները: Իրանը մեծ քաղաքակրթութիւն ունեցող երկիր է եւ այն ակնկալիքը գոյութիւն ունի, որ ժողովուրդն առաջնորդւի խաղաղութեամբ ու բարեկամութեամբ»,- եզրակացրեց ուսումնադաստիարակչութեան 6-րդ շրջանի տնօրէնը:

Հանդիպման ժամանակ Թեհրանի հայոց թեմի առաջնորդը շնորհակալութիւն յայտնեց կրօնական փոքրամասնութիւնների դպրոցների հանդէպ ուսումնադաստիարակչութեան 6-րդ շրջանի տնօրէնի ցուցաբերած ուշադրութեան կապակցութեամբ:

Հանդիպմանը ներկայ էին նաեւ Թ. Հ .Թ. Թեմական խորհրդի ատենապետ՝ պրն. Ռոբերտ Բէգլարեանը եւ նոյն խորհրդի փոխատենապետ՝ պրն. Վարուժ Յովհաննիսեանը, Կրթական խորհրդի ատենապետ՝ տկն. Անետ Բաղդասարեանը, շրջանի հայոց դպրոցների տեսուչներ՝ տկն. Անի Մանուկեանը եւ պրն. Վահէ Բաբայեանը:

Հանդիպման աւարտին դոկտ. Նազերիանն յուշանւէրներ յանձնեց, որից յետոյ հիւրերն այցելեցին Ս. Սարգիս եկեղեցի:

Ազգային առաջնորդարանի Հանրային կապ

Յարակից լուրեր

  • Առաջնորդ Սրբազան Հայրն այցելեց Հայ ակումբ
    Առաջնորդ Սրբազան Հայրն այցելեց Հայ ակումբ

    Շաբաթ, 8 դեկտեմբեր 2018-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն ընկերակցութեամբ Հայ ակումբի շինարարական եւ շտաբի ատենապետ՝ պրն. Նորայր Արամեանի, այցելեց Հայոց Ակումբ, վերահասու լինելու տարւող աշխատանքներին:

  • Հայոց ազգային «Գոհար» դպրոցի աշակերտներն այցելեցին առաջնորդ Սրբազանին
    Հայոց ազգային «Գոհար» դպրոցի աշակերտներն այցելեցին առաջնորդ Սրբազանին

    Հինգշաբթի, թւականիս դեկտեմբերի 6-ին, հայոց ազգային «Գոհար» դպրոցի 12-րդ դասարանի աշակերտներն իրենց կրօնի ուսուցիչ՝ գերշ. Տ. Մեղրիկ Ս. եպս. Բարիքեանի հետ ներկայացան թեմիս առաջնորդ գերշ. Տ. Սեպուհ Ս. արք. Սարգսեանին:

  • Հոգեհանգստեան արարողութիւն՝ ի յիշատակ Հայաստանի 1988 թ.-ի երկրաշարժի զոհերի յիշատակին
    Հոգեհանգստեան արարողութիւն՝ ի յիշատակ Հայաստանի 1988 թ.-ի երկրաշարժի զոհերի յիշատակին

    Սրանից 30 տարիներ առաջ 1988 թւականի դեկտեմբերի 7-ին Հայաստանի ահաւոր երկրաշարժին զոհ գնացին տասնեակ հազարաւոր հայորդիներ:

    Զոհւածների հոգիների խաղաղութեան առիթով, երէկ առաւօտեան դեկտ. 7-ին, Թեհրանի հայոց թեմի բոլոր եկեղեցիներում յաւարտ ս. պատարագի տեղի ունեցաւ հոգեհանգստեան արարողութիւն:

  • Առաջնորդ սրբազանը դասախօսում է միջազգային համագումարում
    Առաջնորդ սրբազանը դասախօսում է միջազգային համագումարում

    Չորեքշաբթի կէսօրից յետոյ ժամը 14։00-ին Իսլամական Յարաբերութեանց եւ Մշակոյթի կազմակերպութեան յարկի տակ տեղի ունեցաւ իսլամ եւ Հարաւային Կորէայի կաթոլիկ եկեղեցու համագումարը «Կրօնը եւ բնապահպանութիւն» խորագրով։

  • Առաջնորդարանի այցելուներ
    Առաջնորդարանի այցելուներ

    Երեքշաբթի, 4 դեկտեմբեր, 2018 թ.-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց գաղութիս ազգայիններ՝ պրն. Լեւոն Ահարոնեանին եւ Թ.Հ.Թ. Պատգամաւորական ժողովի ատենապետ՝ պրն. Ժոզէֆ Մեհրաբեանին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։