Հա

Համայնք

Չորեքշաբթի, 10 Յունւարի 2018 11:10

«Էմամ Ալի» համալսարանի պատասխանատուների այցը հայ անձնուրաց զինւոր Անդրանիկ Գրիգորեանին

Նոր տարւայ եւ Ս. Ծննդեան տօների առիթով, շաբաթ յունւարի 6-ին Իրանի բանակի «Էմամ Ալի» համալսարանի մի քանի հրամանատարներ եւ պատասխանատուներ այցելեցին հայ անձնուրաց %20 վիրաւոր զինւոր Անդրանիկ Գրիգորեանին եւ ընտանիքին: Նա մարմնային վնասւացքներ է ստացել 1980-88-ին Իրանում Իրաքի կողմից պարտադրւած պատերազմի ընթացքում:

Նոր տարւայ եւ Ս. Ծննդեան տօների առիթով, շաբաթ յունւարի 6-ին Իրանի բանակի «Էմամ Ալի» համալսարանի մի քանի հրամանատարներ եւ պատասխանատուներ այցելեցին հայ անձնուրաց %20 վիրաւոր զինւոր Անդրանիկ Գրիգորեանին եւ ընտանիքին: Նա մարմնային վնասւացքներ է ստացել 1980-88-ին Իրանում Իրաքի կողմից պարտադրւած պատերազմի ընթացքում:

Հանդիպմանը ներկայ էին նաեւ Անդրանիկ Գրիգորեանի ընտանիքը, որտեղ ջերմ եւ մտերիմ մթնոլորտ էր ստեղծւել: Համալսարանի պատասխանատուները շնորհաւորելով Նոր տարին եւ Ս. Ծնունդը, նրանց համար ցանկացան քաջ առողջութիւն եւ յաջողութիւն: Ապա հետաքրքրւեցին անձնուրաց Անդրանիկ Գրիգորեանի առողջութեան եւ կեանքի պայմանների մասին:

Անձնուրաց Գրիգորեանը նախ իր եւ իր ընտանիքի կողմից ողջոյնի եւ շնորհակալական խօսք ասաց այցելութեան համար, ապա պատշաճ կերպով բացարութիւններ տւեց իր առօրեայ կեանքի մասին:

Սոյն հանդիպմանը ներկայ էին նաեւ Թ. Հ. Թ. Թեմական խորհրդի Հայ անձնուրացների յանձնախմբի անդամներ Շահէն Միրզայեանսը եւ Արտաշէս Իսկանդարեանը:

Անդրանիկ Գրիիգորեանը ծնւել է 1963 թւականի ապրլի 20-ին Թեհրանում 1985 թւականի մարտի 9-ին զինւորագրւում է եւ իր զինւորական նախապատրաստական շրջանը անց կացնելուց յետոյ փոխադրւում է պատերազմի թէժ գիծ եւ ծառայում Իրաքի սահմանից 120 կ.մ. խորութեան մէջ գտնւող Մէյմաքում: 1986-ի օգոստոսի 5-ին «Վալֆաջր 3» գործողութեան ընթացքում ականի պայթիւնի հետեւանքով նա վիրաւորւում եւ փոխադրւում է հիւանդանոց:

Իրան-Իրաք պարտադրեալ պատերազմի
Հայ անձնուրացների արժէքների պահպանման յանձնախումբ

Յարակից Հրապարակումներ

  • Ընթրիք երեկոյ Նոր տարւայ առիթով
    Ընթրիք երեկոյ Նոր տարւայ առիթով

    Ուրբաթ, յունւարի 12-ին, Թեհրանի «Նայիրի» սրահում, տեղի ունեցաւ ընթրիք երեկոյ, որտեղ մտերիմ մթնոլորտում միասին Նոր տարւայ եւ Ս. Ծննդեան տօնը նշեցին պարտադրեալ պատերազմի հայ նահատակ զինւորների, անձնուրացների եւ ազատորդիների ընտանիքները:

  • Հայ Անձնուրացների յանձնախմբի անդամներն ազգային առաջնորդարանում
    Հայ Անձնուրացների յանձնախմբի անդամներն ազգային առաջնորդարանում

    Չորեքշաբթի 15 նոյեմբեր 2017-ի կէսօրին թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում ընդունեց Իրան-Իրաք ութամեայ պարտադրեալ պատերազմի Թ.Հ.Թ. Հայ Անձնուրացների արժէքների պահպանման յանձնախմբի անդամներին։

  • Հայոց Առաքելական Եկեղեցին նշեց Յիսուս Քրիստոսի Ծննդեան ու Աստւածայայտնութեան տօները
    Հայոց Առաքելական Եկեղեցին նշեց Յիսուս Քրիստոսի Ծննդեան ու Աստւածայայտնութեան տօները

    Հայոց Առաքելական Եկեղեցին շուքով նշեց Յիսուս Քրիստոսի Ծննդեան ու Աստւածայայտնութեան տօները:
    Այս առիթով, իրանահայ համայնքի երեք թեմերի՝ Թեհրանի, Սպահանի եւ Ատրպատականի բոլոր եկեղեցիներում մատուցւել է ս. պատարագ եւ կատարւել Ջրօրհնէքի արարողութիւններ:

  • Ամանորի դիմաւորում
    Ամանորի դիմաւորում

    Մենք քիչ ենք, սակայն մեր վաղեմի եւ նորօրեայ պանծալի նախնիներից ու վարպետներից ժառանգած ոգեղինութեամբ ենք սնւում:
    2014 թւականի դեկտ. 27-ին Թ.Հ.Թ. Հայերէնագիտական երեկոյեան դասընթացների երրորդ դասարանցիների անակնկալ նախաձեռնութեամբ՝ կատարւեց Նոր տարւայ եւ Ս. Ծննդեան դիմաւորում:
    Սկզբում Իսկուհի Ասատրեանը Ամանորի բարի մաղթանքներ յղեց ներկաներին, ապա մեծարման եւ երախտագիտական զգացողութեամբ անդրադարձաւ նախորդ տարիների տեսուչների եւ դասախօսների կատարած հայանւէր աշխատանքներին:

  • Ս. Ծննդեան տօնի առիթով հայ-ասորի միացեալ պաշտամունք Թաւրիզում
    Ս. Ծննդեան տօնի առիթով հայ-ասորի միացեալ պաշտամունք Թաւրիզում

    2014 թ. երեքշաբթի, դեկտեմբերի 30-ի երեկոյեան Թաւրիզի Ասորի Աւետարանական եկեղեցում տեղի ունեցաւ միացեալ պաշտամունք Ս. Ծննդեան տօնի առիթով, մասնակցութեամբ Ատրպատականի հայոց թեմի առաջնորդ Տ. Գրիգոր եպս. Չիֆթճեանի, Թաւրիզի հոգեւոր հովիւ Տ. Առաքել քհնյ. Տմտմեանի, Իրանում Աստւածաշնչական ընկերակցութեան ատենադպիր՝ վեր. Սարգիս Բենիամինի, Ուրմիայի Ասորի Աւետ. եկեղեցու հովիւ Իլիա Եադգարի եւ Թեհրանից ժամանած վեր. Սաֆարեանի:

Ամենաշատ ընթերցւած

Քւէարկութիւն

Կը կայանա՞յ արդեօք Հենրիխ Մխիթարեանի տրանսֆերն «Արսենալ»:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։