Հա

Համայնք

29/01/2018 - 14:40

Հայոց Բանակի 26-ամեակին նւիրւած տօնական հանդիսութիւն՝ Թեհրանում

«Մեր բանակը միշտ պատրաստ է պահպանելու մեր ժողովրդին ու հայրենիքի սահմանները, սակայն մեր փափագն է եւ ձգտումը՝ խաղաղութեան եւ անվտանգութեան պայմաններում հարեւանների հետ ապրելը»:

Նման յայտարարութեամբ իր ելոյթն ամփոփեց ՀՀ արտակարգ եւ լիազօր դեսպան Արտաշէս Թումանեանը Հայոց Բանակի կազմաւորման 26-ամեակին նւիրւած հանդիսութեանը:

ՀՀ արտակարգ եւ լիազօր դեսպան.

«Մեր չարչրկւած ժողովուրդը գիտակցում է անկախութեան գինը, իսկ Հայոց Բանակը դրա երաշխաւորն է»

 

«ԱԼԻՔ» - «Մեր բանակը միշտ պատրաստ է պահպանելու մեր ժողովրդին ու հայրենիքի սահմանները, սակայն մեր փափագն է եւ ձգտումը՝ խաղաղութեան եւ անվտանգութեան պայմաններում հարեւանների հետ ապրելը»:

Նման յայտարարութեամբ իր ելոյթն ամփոփեց ՀՀ արտակարգ եւ լիազօր դեսպան Արտաշէս Թումանեանը Հայոց Բանակի կազմաւորման 26-ամեակին նւիրւած հանդիսութեանը:

Վերջին 26 տարիներին հայկական տօնացոյցի ամենագունեղ օրերից մէկն է դարձել Հայոց Բանակի օրը՝ յունւարի 28-ը: Թեհրանում նոյնպէս բանակի օրը իւրովի տօնական դարձաւ իրանահայ համայնքի համար: Հ.Մ.Ա.Կ.-ի «Վաչիկ Ղարաբէգեան» սրահում ՀՀ դեսպանութեան նախաձեռնած ընդունելութեանը մաս կազմեցին Իրանի զինւած ուժերի ներկայացուցիչները, ինչպէս նաեւ Իրանում հաւատարմագրւած մի շարք երկրների դեսպաններն ու զինւորական կցորդները: Հանդիսութեանը մաս կազմեցին թեմիս առաջնորդն ու առաջնորդական տեղապահը, Թեմական խորհրդի ու Պատգամաւորական ժողովի, ազգային մարմինների, գործարարների ներկայացուցիչները:

Արտաշէս Թումանեանը 1918 թւականին Հայաստանի Առաջին Հանրապետութեան ծնունդը կարեւորելով յաւելեց, որ թէեւ այն կարճ կեանք ունեցաւ, սակայն հիմք ծառայեց, որ այսօր՝ ունենանք կայացած եւ իր երրորդ տասնամեակը բոլորելու շեմին գտնւող Հայաստանի Հանրապետութիւնը: «Մեր չարչրկւած ժողովուրդը գիտակցում է իր պետականութեան եւ անկախութեան գինը, իսկ բանակն այդ պետականութեան ու տարածաշրջանում խաղաղութեան պահպանման ամենամեծ երաշխաւորն է»: Նա յաւելեց, որ որպէս բարիդրացիութեան եւ միջպետական յարաբերութիւնների կամքի լաւագոյն օրինակ կարելի է նշել Իրանի եւ Հայաստանի Հանրապետութիւնների կենսագործունէութիւնն ու համագործակցութիւնը բոլոր ոլորտներում:

Օրւայ կապակցութեամբ ելոյթ ունեցաւ նաեւ Իրանում ՀՀ ռազմական կցորդ՝ գնդապետ Արթուր Ազնաւուրեանը, ով անդրադառնալով ՀՀ Բանակի կազմաւորման եւ գործունէութեան պատմութեանը, կարեւորեց նաեւ Հայաստանի մասնակցութիւնը աշխարհում իրականացւող խաղաղապահ ուժերի ծառայական պարտականութիւններին:

Հայոց Բանակի օրւան նւիրւած տօնական միջոցառման աւարտին ներկաների մասնակցութեամբ կտրւեց 26-ամեայ բանակի տորթը, որին յաջորդեց գնդապետ Ազնաւուրեանի զաւակների՝ Գոռի (ֆլետա) եւ Գայիանէի (քանոն) ելոյթը՝ Թենի Յակոբեանի ընկերակցութեամբ:

Յարակից լուրեր

  • ՀՅԴ 128-ամեակի ժողովրդային տօնակատարութիւն` Այնճարի մէջ
    ՀՅԴ 128-ամեակի ժողովրդային տօնակատարութիւն` Այնճարի մէջ

    Շաբաթ, 12 յունուարի երեկոյեան ժամը 7:00-ին, Այնճարի հայութիւնը արժանաւոր կերպով նշեց ՀՅ Դաշնակցութեան 128-ամեակը` ժողովրդային տօնակատարութեամբ մը, որ տեղի ունեցաւ Այնճարի «Գալուստ Կիւլպէնկեան» սրահին մէջ, կազմակերպութեամբ` ՀՅԴ «Կարմիր Լեռ» կոմիտէի քարոզչական յանձնախումբին:

  • Արթուր Խաչատրեան. «Իշխանութիւնը մեզ համար երբեք ինքնանպատակ չի եղել»
    Արթուր Խաչատրեան. «Իշխանութիւնը մեզ համար երբեք ինքնանպատակ չի եղել»

    128-ամեայ սակայն երիտասարդ աւիւնով իր ազգանւէր աշխատանքը շարունակող Հայ Յեղափոխական Դաշնակցութիւնը, թեւակոխեց եւս մէկ ամեակ: Ամեակներ, որոնք շաղկապւած են եղել ու կը լինեն հայ ժողովրդի վերիվայրումներով լի պատմութեամբ: Հայ ժողովրդի ազգային-ազատագրական շարժումից ակունքաւորւած դաշնակցութեան 128-ամեակի հանդիսութիւնը նշանաւորւեց դեկտ. 20-ին Հ.Մ.Ա.Կ.-ի կենտրոնատեղի «Կոմիտաս» սրահում: 

  • Անմիջական երկխօսութեան արգասիքը...
    Անմիջական երկխօսութեան արգասիքը...

    Թանկագին ընթերցող.-

    Երէկ խմբագրութեանս համար հազւադէպ ու միաժամանակ պատւաբեր այցով՝ Հայաստանի Հանրապետութեան արտակարգ ու լիազօր դեսպան պրն. Արտաշէս Թումանեանը, աշխատանքային միջավայրին հաղորդեց առաւել հետաքրքիր ու կրկնակի կենսունակ բնոյթ:

  • Հ.Յ.Դաշնակցութեան հիմնադրման 128-ամեակի տօնակատարութիւնը՝ Նոր Ջուղայում
    Հ.Յ.Դաշնակցութեան հիմնադրման 128-ամեակի տօնակատարութիւնը՝ Նոր Ջուղայում

    Շրջանի Հայ Դատի «Արձագանգ» քարոզչական յանձնախմբի նախաձեռնութեամբ, Հայ Յեղափոխական Դաշնակցութեան հիմնադրման 128-ամեակը հանդիսաւոր տօնակատարութեամբ նշւեց ուրբաթ՝ 2018 թւականի նոյեմբերի 2-ի երեկոյեան, Նոր Ջուղայի Հայ Մ. Մ. «Արարատ» միութեան սրահում։

  • Երեւանը տօնում է 2800-ամեայ յոբելեանը
    Երեւանը տօնում է 2800-ամեայ յոբելեանը

    Երեւանը 2800 տարեկան է: ՀՀ ներկայիս մայրաքաղաքը հիմնադրել է Վանի թագաւորութեան արքայ Արգիշտի Ա-ն մ. թ. ա. 8-րդ դարում՝ 782 թւականին Էրեբունի անւամբ: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։