Հա

Համայնք

30/01/2018

Հայրապետական կոնդակի ընթերցում Թեհրանի բոլոր եկեղեցիներում

Տնօրինութեամբ թեմիս առաջնորդ գերշ. Տ. Սեպուհ Ս. արք. Սարգսեանի, ուրբաթ 26 յունւար 2018-ին Թեհրանի մեր եկեղեցիներում, առաւօտեան յընթացս ս. պատարագի ընթերցւեց Ն. Ս. Օ. Տ. Տ. Արամ Ա կաթողիկոսի սրբատառ կոնդակը նւիրւած Հայաստանի Առաջին Հանրապետութեան հիմնադրութեան հարիւրամեակին:

Տնօրինութեամբ թեմիս առաջնորդ գերշ. Տ. Սեպուհ Ս. արք. Սարգսեանի, ուրբաթ 26 յունւար 2018-ին Թեհրանի մեր եկեղեցիներում, առաւօտեան յընթացս ս. պատարագի ընթերցւեց Ն. Ս. Օ. Տ. Տ. Արամ Ա կաթողիկոսի սրբատառ կոնդակը նւիրւած Հայաստանի Առաջին Հանրապետութեան հիմնադրութեան հարիւրամեակին:

Ս. Սարգիս առաջնորդանիստ մայր եկեղեցում սրբատարր կոնդակը ընթերցեց թեմիս առաջնորդ՝ գերշ. Տ. Սեպուհ Ս. արք. Սարգսեանը։ Սրբոց Թարգմանչաց եկեղեցում՝ ընթերցեց առաջնորդական փոխանորդ գերշ. Տ. Մակար Ս. եպս. Աշգարեանը, իսկ Ս. Գրիգոր Լուսաւորիչ եկեղեցում այն ընթերցեց գերպ. Տ. Վաղինակ ծ. վրդ. Մելոյեանը:

Ս. Աստւածածին եւ Սրբոց Վարդանանց եկեղեցիներում այն ընթերցեցին եկեղեցու քահանայ հայրերը։

Իսկ կիրակի, 28 յունւար 2018-ի առաւօտեան Ս. Մինաս եւ Ս. Գէորգ եկեղեցիներում այն ընթերցւեց պատշաճ տնօրինումով։

Իր կոնդակի մէջ Վեհափառ հայրապետը շեշտում է անկախութեան եւ պետականութեան տեղն ու արժէքը մեր ժողովրդի կեանքում։ Նորին սրբութիւնը մատնանշում է պատմական այն հանգրւանները, որի միջից անցաւ մեր ժողովուրդը յատկապէս Հոկտեմբերեան Յեղափոխութիւնից եւ ապա պատմական երեք ճակատամարտներից յետոյ, նշում է Արամ Մանուկեան ղեկավարի դերը հայոց բանակի եւ կռւի ճակատները փութացող մեր ժողովրդի զաւակների կողքին եւ ի վերջոյ փառապանծ յաղթանակը 28 Մայիս 1918-ի իրականացւած։

Սրբատառ կոնդակի վերջում Վեհափառ Հայրապետը կոչ է անում մեր թեմերին, կազմակերպութիւններին, կրթական կառոյցներին, մտաւորականներին եւ ժողովրդի զաւակներին կազմակերպեն յատուկ հանդիսութիւններ մեր ժողովրդի գիտակցութեան մէջ վառ պահելու առաջին հանրապետութեան խորհուրդը։

Ազգային առաջնորդարանի Հանրային կապ

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։