Հա

Համայնք

01/02/2018 - 12:50

Համագումար՝ «Երուսաղէմը կրօնների խաղաղութեան մայրաքաղաք» խորագրով

Իսլամական մշակոյթի եւ հաղորդակցութեան կազմակերպութեան նախաձեռնութեամբ, յունւարի 31-ի առաւօտեան, նոյն կազմակերպութեան «Ալզահրա» դահլիճում կազմակերպւել էր համագումար «Երուսաղէմը կրօնների խաղաղութեան մայրաքաղաք» խորագրով:

«ԱԼԻՔ», Կ. Դ. - Իսլամական մշակոյթի եւ հաղորդակցութեան կազմակերպութեան նախաձեռնութեամբ, յունւարի 31-ի առաւօտեան, նոյն կազմակերպութեան «Ալզահրա» դահլիճում կազմակերպւել էր համագումար «Երուսաղէմը կրօնների խաղաղութեան մայրաքաղաք» խորագրով:

Համագումարի բացման խօսքում կազմակերպութեան նախագահ Աբուզար Էբրահիմի Թորքամանը ընդգծեց, որ. «Համաշխարհային խաղաղութեան յաւակնորդները եթէ անցեալում քողարկւած ձեւով էին խաղաղութեան դէմ քայլերը իրականացնում, այսօր բացայայտ ձեւով փորձում են միջազգային հանրութիւնից վերացնել խաղաղութիւնը»: Միջոցառմանը ելոյթով հանդէս եկաւ Իրանի արտգործնախարարի քաղաքական հարցերով տեղակալ Սէյէդ Աբբաս Արաղչին, ով շեշտելով Երուսաղէմի պատմամշակութային նշանակութիւնը ընդգծեց. «Տարբեր կրօնների ներկայացուցիչների մասնակցութիւնը այս համագումարում եւ նրանց գործակցութիւնը յոյժ կարեւոր է: Անհրաժեշտ է Երուսաղէմը աշխարհին ներկայացնել խաղաղութեան մայրաքաղաք եւ այն Պաղեստինի ու իսլամ աշխարհի, անփոփոխ ու յաւերժական մի մասն է: Իսլամական յեղափոխութեան առաջնորդի գրասենեակի պետ այաթ. Մոհամմադի Գոլփայեգանին, իր ելոյթի ընթացքում շեշտեց. «Երուսաղէմը համարում ենք երեք աստւածային կրօններ իսլամի, քրիստոնէութեան եւ հրեաների բնօրրանը եւ ելակէտը, որը իր իւրայատուկ դիրքն է զբաղեցնում աստւածային կրօնների հետեւորդների մօտ եւ իրօք այն պիտի համարել բոլոր կրօնների հետեւորդների համար խաղաղութեան ու բարեկամութեան ակունքը»:

Թեհրանի հայոց թեմի առաջնորդ Տ. Սեպուհ արք. Սարգսեանի ելոյթից առաջ պաստառի վրայ ցուցադրւեց տեսաֆիլմ, որը պատմում էր Իսլ. յեղափոխութեան առաջնորդի կողմից հայ եւ ասորի նահատակների բնակարաններ այցերի մասին, որից յետոյ հրաւիրւեց թեմակալ առաջնորդը:

Թեհրանի հայոց թեմի առաջնորդ Տ. Սեպուհ արք. Սարգսեանը իր ելոյթի ընթացքում ընդգծեց. «Հայաստանեայց Առաքելական Եկեղեցին որպէս աշխարհի քրիստոնեայ համայնքի անդամ ձեզ եւ համայն աշխարհի խաղաղասէր ժողովրդի հետ է եւ յատուկ սէր է տածում Երուսաղէմի եւ Երուսաղէմի ժողովրդի նկատմամբ»: Թեմակալ առաջնորդը ընդգծեց, որ օրեր առաջ Կահիրէում գումարւած միջազգային նիստի մասնակիցները, նաեւ բողոքարկել են Թրամփի որոշման դէմ:

Միջոցառումը շարունակւեց մի խումբ կրօնական փոքրամասնութիւնների պետերի եւ բազմաթիւ մասնագէտների ելոյթներով՝ Կրօնական փոքրամասնութիւնների հարցով հանր. նախագահի յատուկ ներկայացուցիչ հոջ. Իւնեսին, պետական պատկան մարմինների ներկայացուցիչներ, զանազան երկրների դեսպաններ, եւ միջազգային կազմակերպութիւնների քաղաքական ներկայացուցիչներ, Հայ Կաթողիկէ համայնքի հոգեւոր առաջնորդ Սարգիս եպս. Դաւիթեանը եւ ներկայացուցիչներ, Թ. Հ. Թ. Թեմական խորհրդի ներկայացուցիչներ եւ քահանայ հայրեր:

Համագումարի աւարտին ընթերցւեց 10 կէտանոց բանաձեւ:

Յարակից լուրեր

  • Ողջոյն քառասնամեայ յեղափոխութեան
    Ողջոյն քառասնամեայ յեղափոխութեան

    Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ 

  • Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում
    Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում

    Ինչպէս նախօրօք յայտնած էինք թեմիս առաջնորդ գերշ. Տ. Սեպուհ Ս. արք. Սարգսեան յունւարի 21-24 2019-ին Լիբանանում մասնակցեց Միջին Արեւելքի եկեղեցիների խորհրդի Գործադիր վարչութեան տարեկան ժողովին, որը գումարւեց Ասորի Ուղղափառ եկեղեցու պատրիարքարանում Աթշանէ հիւրընկալութեամբ Ասորի եկեղեցու հոգեւոր պետ նորին սրբութիւն Մար Աֆրամ Բ. Պատրիարքի։

  • Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը
    Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը

    Հայաստանի Հանրապետութեան Բանակի օրը՝ յունւարի 28-ը նշւում է ոչ միայն Հայաստանում, այլեւ իւրաքանչիւր երկրում, ուր ՀՀ-ն ունի դեսպանատուն եւ պաշտօնական ներկայացուցչութիւն:

    Իրանում ՀՀ դեսպանութեան նախաձեռնութեամբ, երէկ յունւարի 28-ի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում նւիրւած ՀՀ Բանակի կազմաւորման 27-ամեակին:

  • Մշակոյթի նախարարութեան մշակութային հարցերի տեղակալի այցն ազգային առաջնորդարան
    Մշակոյթի նախարարութեան մշակութային հարցերի տեղակալի այցն ազգային առաջնորդարան

    Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Կիրակի 27 յունւարին, գաղութիս ազգային գործիչ եւ գործարար՝ պրն. Յովսէփ Ղուկասեանը, Էսթոնիայի Հանրապետութեան պատւոյ հիւպատոս՝ պրն. Արմէն Մութաֆեանը եւ իր եղբայր՝ պրն. Ալբերտ Մութաֆեանը քաղաքավարական այցելութիւն տւին թեմիս առաջնորդ՝ գերշ. Տ. Սեպուհ Ս. արք. Սարգսեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։