Հա

Համայնք

10/02/2018 - 13:00

Յաւերժ յիշատակելի թւական 22 Բահմանին

Իրանի պետականութան հազարաւոր տարիների պատմութեան մէջ, կան յիշատակութեան արժանի թւականներ, որոնք Իրանի ժողովրդի պատմութեան մէջ վճռորոշ դեր են ունեցել եւ եղել են անկիւնադարձային։

Իրանի Իսլամական Հանրապետութեան արդի պատմութիւնը վկայում է, որ պատմական յիշատակելի ու անմոռաց թւականներից է 22 Բահմանը, մի թւական, որ ոչ միայն Իրանի արդի պատմութեան մէջ եղաւ ճակատագրական, այլեւ տարածաշրջանային ու համաշխարհային պատմութեան ընթացքի վրայ իր անջնջելի դրոշմն է դրել։

Իրանի պետականութան հազարաւոր տարիների պատմութեան մէջ, կան յիշատակութեան արժանի թւականներ, որոնք Իրանի ժողովրդի պատմութեան մէջ վճռորոշ դեր են ունեցել եւ եղել են անկիւնադարձային։

Իրանի Իսլամական Հանրապետութեան արդի պատմութիւնը վկայում է, որ պատմական յիշատակելի ու անմոռաց թւականներից է 22 Բահմանը, մի թւական, որ ոչ միայն Իրանի արդի պատմութեան մէջ եղաւ ճակատագրական, այլեւ տարածաշրջանային ու համաշխարհային պատմութեան ընթացքի վրայ իր անջնջելի դրոշմն է դրել։

22 Բահմանը եղաւ մեկնակէտ մի նոր կեանքի, երանգաւորւած կրօնական սկզբունքներով եւ որ սակայն չեղաւ ծայրայեղական ու այլամերժ, այլ ընդհակառակը՝ հաւատարիմ իրանեան բազմակրօն մշակոյթի աւանդութեան, իր իսկ առաջնորդութեամբ ամրագրեց միաստւածային կրօնների համատեղ գործակցութեան երեւոյթը, որպէս հրամայական պահանջ, ներկայ դարի պայմաններին եւ ինչու չէ նաեւ պատւանդան ժողովուրդների խաղաղ ու ստեղծագործ կեանքի։

Իրանի Իսլամական յեղափոխութեամբ ողջ Իրանի կեանքը կերպարանափոխւեց. կրօնական ու ազգային անվտանգութեան շահերից մեկնած իրերայաջորդ իշխանութիւնները փորձեցին եւ շարունակում են փորձել հաւատարմութեամբ գործադրել այն մտածումները, գաղափարներն ու սկզբունքները, որոնք Իսլամական յեղափոխութեան ռահվիրայ հանգուցեալ Էմամ Խումէյնու կեանքի եւ գործունէութեան պատւանդանն էին, հանդիսանալով միաժամանակ մեկնակէտը Իսլամական յեղափոխութեան։

Անցնող 39 տարիները իրենց վերիվայրումներով, տագնապներով հանդերձ եղան յեղափոխիչ ու կերպարանափոխիչ Իրանի ժողովրդի կեանքում։ Յեղափոխութեան երկրորդ տարին եւ այնուհետեւ նրան յաջորդող տարիները յատկանշւեցին յանուն Իրանի Իսլամական Հանրապետութեան տարածքային ամբողջականութեան պահպանման համար մղւող բուռն պայքարով, պայքար, որ շնորհիւ Իրանի մեծ ժողովրդի, ի վերջոյ պսակւեց փառաւոր յաղթանակով։ Ութամեայ աւերիչ պատերազմը շղթայազերծւած սադդամեան իշխանութեան եւ իր թիկունքում կանգնած մեծապետական երկրների կողմից եկաւ վկայելու, որ Իրանի մեծ ու քաջարի ժողովուրդը իր երկրի, հայրենիքի եւ նրան կապւած ազգային ու հոգեւոր արժէքները ամէն բանից վեր է դասում եւ նրանց ամբողջական պահպանման համար միշտ պատրաստ է իր կեանքը նւիրաբերելու։

Իրանի Իսլամական յեղափոխութեան մեծագոյն իրագործումներից մէկը Իրանի ժողովրդի միասնականութեան պահպանումը եղաւ։ Իսլամը իր շիա եւ սուննի հատւածներով, քրիստոնեան իր բոլոր յարանւանութիւններով, զրադաշտականն ու հրեան, մի խօսքով՝ բոլոր փոքրամասնութիւնները երկրի Իսլամական խորհրդարանի սահմանադրութեամբ, առաջին անգամ լինելով, պետական պաշտօնական հովանաւորութեամբ իրենք իրենց ազատ քաղաքացիներ զգացին եւ իբրեւ այդպիսին վայելեցին ու վայելում են քաղաքացիական իրենց իրաւունքները, փոքրամասնութեանց վերապահւած իրաւունքների կողքին։ Այս իրողութեան գեղեցկագոյն փաստը՝ յեղափոխութեան եւ ութամեայ պատերազմի հէնց առաջին օրերին, ողջ Իրանի ժողովուրդը իր բոլոր հատւածներով, մէկ մարդու պէս, ոտքի կանգնեց եւ արար աշխարհին ցոյց տւեց իրանցու հաւատաւոր կապւածութիւնն ու յանձնառութիւնը իր հայրենիքի պաշտպանութեան սրբազան գործում։

Իրանի Իսլամական յեղափոխութեան ռահվիրայ Էմամ Խոմէյնու ժողովրդանւէր յեղափոխութեան մեծագոյն արժէքը կայանում է իր «Ժողովրդի յեղափոխութիւն» լինելու մէջ։ Ահա թէ ինչու հանգուցեալ Էմամ Խոմէյնին, որպէս հիմնադիր Իսլամական յեղափոխութեան մնաց ժողովրդի կողքին իր համեստութեամբ, պարզութեամբ եւ աննահանջ կամքով ու վճռակամութեամբ։

Հանգուցեալ Էմամի կեանքի ուղին շարունակում է այսօր Իսլամական յեղափոխութեան իմաստուն, քաջարի առաջնորդ այաթ. Ալի Խամենէին, որ իր խոհական իմաստութեամբ, ժողովրդի ու հայրենիքի նկատմամբ ունեցած իր անվերապահ յանձնառութեամբ եւ անմնացորդ սիրով ղեկավարում է Իրանի Իսլամական Հանրապետութիւնը։

Յեղափոխութեան 39-րդ տարեդարձի առիթով քրիստոնէական սիրով ողջունում ենք Իրանի Իսլամական յեղափոխութեան առաջնորդին եւ մէկ անգամ եւս մեր ողջ ժողովրդի անվերապահ զօրակցութիւնն ու սէրն ենք յայտնում իրեն։ Հպարտ ենք Իրանի Իսլամական Հանրապետութեան բանակով եւ երկրում գործող բոլոր ուժային կառոյցներով, որոնք արթուն եւ զգօն վիճակով պաշտպանում են մեր երկրի սահմանները, յատկապէս այս օրերին, երբ ամէն կողմից ծայրայեղական ելուզակներ քաջալերւած՝ մեծապետական ուժերից, ամէն միջոցի են դիմում խանգարելու երկրում տիրող խաղաղութիւնն ու համատեղ գոյակցութիւնը խաղաղասէր ժողովրդների։

Խոնարհւում ենք յանուն յեղափոխութեան եւ Իրանի ամբողջականութեան պահպանման նահատակւած հազարաւոր զինւորների յիշատակի առջեւ։

Խաղաղութիւն եւ յաւիտենական հանգիստ Իրանի Իսլամական յեղափոխութեան ռահվիրայ՝ հանգուցեալ Էմամ Խոմէյնու հոգուն։

Փառք ու պատիւ յանուն յեղափոխութեան իրենց արեամբ Իրանի հողը սրբագործած անմահանուն նահատակներին:

Յարգանք ու պատիւ Իսլամական յեղափոխութիւնը պահող ու առաջնորդող հոգեւոր առաջնորդ այաթ. Ալի Խամենէիին իր բոլոր գործակիցներին, ինչպէս նաեւ Իրանի վսեմաշուք նախագահին իր կառավարութեան եւ իրանցի ողջ ժողովրդին։

Խաղաղութիւն եւ անսասանութիւն Իրանեան մեր սիրելի հայրենիքին։

ՍԵՊՈՒՀ ԱՐՔ. ՍԱՐԳՍԵԱՆ
ԱՌԱՋՆՈՐԴ ԹԵՀՐԱՆԻ ՀԱՅՈՑ ԹԵՄԻ

Փետրւար 2018
Թեհրան

Յարակից լուրեր

  • «Հայ գրքի» ցուցահանդէս
    «Հայ գրքի» ցուցահանդէս

    Ուրբաթ, հոկտեմբերի 12-ի երեկոյեան, Սրբոց Թարգմանչաց եկեղեցու շրջափակում, հովանաւորութեամբ եւ գլխաւորութեամբ թեմիս բարեխնամ առաջնորդ՝ գերշ. Տ. Սեպուհ Ս. արք. Սարգսեանի եւ կազմակերպութեամբ Թ.Հ. թեմի Կրօնական խորհրդի Քրիստոնէական դաստիարակութեան յանձնախմբի մեկնարկւեց «Հայ գրքի» 16-րդ ցուցահանդէսը։

  • Մշակոյթի օրը եւ Սրբոց Թարգմանչաց եկեղեցու անւանկոչութեան տօնը
    Մշակոյթի օրը եւ Սրբոց Թարգմանչաց եկեղեցու անւանկոչութեան տօնը

    Շաբաթ, 13 հոկտեմբեր 2018-ի առաւօտեան, Սրբոց Թարգմանչաց տօնի առիթով Սասուն քաղաքամասի Սրբոց Թարգմանչաց եկեղեցում մատուցւեց եպիսկոպոսական հանդիսաւոր ս. եւ անմահ պատարագ, որը մատուցեց թեմիս առաջնորդ գերշ. Տ. Սեպուհ Ս. արք. Սարգսեանը, որուն խորանի վրայ սպասարկում էին արժ. Տ. Կոմիտաս քհնյ. Ղարախանեանն ու արժ. Տ. Վրթանէս քհնյ. Բաբախանեանը։

  • Հայ Ուսուցիչների միութեան Վարչութեան անդամները այցելեցին Ազգային առաջնորդարան
    Հայ Ուսուցիչների միութեան Վարչութեան անդամները այցելեցին Ազգային առաջնորդարան

    Երեքշաբթի, թւականիս հոկտեմբերի 9-ի կէսօրին, թեմիս առաջնորդ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց Հայ Ուսուցիչների միութեան Վարչութեան անդամներին:

  • Այց՝ Ազգային առաջնորդարան
    Այց՝ Ազգային առաջնորդարան

    Հինգշաբթի, 2 հոկտեմբեր, 2018-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց տէր եւ տկն. Վիգէն Միրզախանեանին եւ իրենց դստեր՝ Թալին Միրզախանեանին:

  • Եռօրեայ ուխտագնացութիւն եւ ս. պատարագ՝ Ս. Գէորգ տօնի առիթով
    Եռօրեայ ուխտագնացութիւն եւ ս. պատարագ՝ Ս. Գէորգ տօնի առիթով

    Հայաստանեայց Առաքելական Եկեղեցին երէկ՝ սեպտ. 29-ին նշեց Ս. Գէորգ Զօրավարի տօնը: Այդ առիթով իւրաքանչիւր տարի Թեհրանի վաղեմի եւ համանուն եկեղեցիներից՝ Ս. Գէորգում, որի նաեւ անւանակոչութեան տօնն է, մատուցւում է ս. պատարագ եւ նախորդ երկու օրերին տեղի է ունենում ուխտագնացութիւն: Այսօր առաւօտեան եւս եկեղեցում մատուցւել է կիրակնօրեայ ս. պատարագ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։