Հա

Համայնք

10/02/2018 - 11:50

Հանդիսաաւոր ս. եւ անմահ պատարագ Սրբոց Վարդանանց Զօրավարացն մերոց հազար երեսուն վեց վկայիցն, որք կատարեցան ի մեծի պատերազմին տօնի առթիւ

Հինգշաբթի 8 փետրւարի Սրբոց Վարդանանաց տօնը համընկնելով Սրադարապատ քաղաքամասի Սրբոց Վարդանանց եկեղեցու անւանակոչութեան տօնի հետ այդ իսկ առիթով եկեղեցում պատարագեց եւ յաւուր պատշաճի քարոզեց թեմիս բարեխնամ առաջնորդ գերշ. Տ. Սեպուհ Ս. արք. Սարգսեանը, սպասարկութեամբ եկեղեցու հոգեւոր հովիւ արժ. Տ. Մաշտոց քհնյ. Խաչատրեանի եւ արժ. Տ. Սարգիս քհնյ. Խոսրովեանի:

Հինգշաբթի 8 փետրւարի Սրբոց Վարդանանաց տօնը համընկնելով Սրադարապատ քաղաքամասի Սրբոց Վարդանանց եկեղեցու անւանակոչութեան տօնի հետ այդ իսկ առիթով եկեղեցում պատարագեց եւ յաւուր պատշաճի քարոզեց թեմիս բարեխնամ առաջնորդ գերշ. Տ. Սեպուհ Ս. արք. Սարգսեանը, սպասարկութեամբ եկեղեցու հոգեւոր հովիւ արժ. Տ. Մաշտոց քհնյ. Խաչատրեանի եւ արժ. Տ. Սարգիս քհնյ. Խոսրովեանի:

Սրբազան Հայրը իր քարոզի սկիզբը ողջունեց ներկայ հաւատացեալներին որոնք Վարդանանց Զօրավարաց յիշատակով օծուն եկած էին եկեղեցի մի անգամ եւս հաղորդւելու Վարդանանց հոգիով, այնուհետ Սրբազան Հայրը Ղուկասու Աւետարանի հետեւեալ հատւածը մեկնաբանեց «Երանի Ձեզ երբ մարդիկ ձեզ ատեն, մերժեն ձեզ ընդունել, նախատեն եւ վարքաբեկեն ձեզ՝ Մարդու Որդուն հետեւելու պատճառով (Ղ. 6.22.)»: Վարադանանք հալածւեցին նախատւեցին եւ նահատակւեցին եւ այսօր նրանց նահատակութիւնը եղել է պսակը եկեղեցւոյ. 451 թւականի մինչեւ այսօր սիրելիներ մեր ժողովրդի կեանքի երկնակամարին վրայ Վարդանանց պատերազմի հոգին եւ ոգին է տիրում, մեր ժողովրդին մղած ամենափոքր ճակատմարտն իսկ պատմութեան ըենթացքին իր ներշնչումը արած է Վարդանանց ավարայրամարտէն, մահու կենաց պատերազմ մղող մեր ժողովուրդը Սարդարապատի, Բաշապարանի եւ Ղարաքիլիսայի ճակատամարտերում իրենց ներշնչումը արել էին դարձեալ Ավարայրի հերոսներու նահատկութեան խորհուրդից, դրա համար զօրավար Սիլիկեանն ու իր ընկերները իրենց զինւորները քաջալերելիս ասում էին. «որ մենք Վարդանանց ճակատամարտն ենք մղում մենք մեր հաւատքի եւ մեր հայրէնիքի համար երկրորդ ավարայրն է որ մղում ենք սիրելիներ եւ այս երկրորդ աւարայրը պսակւելւո է յաղթանակով. իրօք յաղթեց մեր ժողովուրդը եւ կրցաւ կերտել իր անկախութիւնը 600 տարւայ գերութիւնից յետոյ. ահա մենք այս օրերին հպարտութեամբ աշխարհով մէկ ոգեկոչում ենք եւ ոգեկոչելու ենք յիշատակը այդ առաջին Հանրապետութեան, որի յաղթանակին զսպանակիչ ուժ եղած է Քրիստոնէական մեր հաւատը եւ մեր հայրենիքի հանդէպ ունեցած մեր կապւածութիւնը... հաւատքը եւ հայրենիքը բարձրագոյն արժէքներ են որոնք մի ժողովուրդի հաւերժութեան գրաւականն են. այսօր մենք կոչւած ենք մեր հայրենիքին նայելու ոչ թէ թուրիստի աչքով այլ նայելու ենք Տիրոջ եւ ծառայի ակնոցով այսինքն եւ՛ տէրն ենք եւ ծառան սպասաւոր մեր հայրենիքին»: Իր քարոզի մի այլ բաժնում Սրբազան Հայրը ասաց որ հայրենասիրութիւնը եւ հաւատարմութինը բանաստեղծական եւ բաժակաճառային զգացումներով չեն արտայատւիլ այլ դրանք մեր իրողական կեանքի մաս պիտի կազմեն: Իր քարոզի աւարտին Սրբազան Հայրը ողջունեց Ս. Վարդանանգ եկեղեցու ընտանիքին ծխական ժողովրդին եւ այն անհատներին որոնք կրում էին այսօրւայ նահատակնհերի անունը մաղթելով Աստւածային շնորհք եւ օրհնութիւն բոլորին:

Պատարագի աւարտից յետոյ Եկեղեցու խորհուրդը կազմակերպել էր հիւրասիրւութիւն ուր ներկայ էին Առաջնորդ Սրբազան Հայրը, քահանայ հայրերը Սարդարապատ քաղաքամասի պատգամաւորները, Ազգային մարմինները, Մեծարգոյ Վարդան Վարդանեանը, եկեղեցուս Դպրաց Դասը եւ հիւրեր, որից յետոյ եկեղեցուս տօնի առթիւ Դպրաց դասը, տէր հայրերը եւ անւանակոչները ստացան խորհրդի կողմից պատրաստւած նւէրներ. իսկ վերջում մտերմիկ հանդիպումը աւարտւեց առաջնորդ Սրբազան Հօր հայրական օրհնանքով:

Ազգային առաջնորդարանի Հանրային կապ

Յարակից լուրեր

  • Ողջոյն քառասնամեայ յեղափոխութեան
    Ողջոյն քառասնամեայ յեղափոխութեան

    Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ 

  • Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում
    Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում

    Ինչպէս նախօրօք յայտնած էինք թեմիս առաջնորդ գերշ. Տ. Սեպուհ Ս. արք. Սարգսեան յունւարի 21-24 2019-ին Լիբանանում մասնակցեց Միջին Արեւելքի եկեղեցիների խորհրդի Գործադիր վարչութեան տարեկան ժողովին, որը գումարւեց Ասորի Ուղղափառ եկեղեցու պատրիարքարանում Աթշանէ հիւրընկալութեամբ Ասորի եկեղեցու հոգեւոր պետ նորին սրբութիւն Մար Աֆրամ Բ. Պատրիարքի։

  • Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը
    Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը

    Հայաստանի Հանրապետութեան Բանակի օրը՝ յունւարի 28-ը նշւում է ոչ միայն Հայաստանում, այլեւ իւրաքանչիւր երկրում, ուր ՀՀ-ն ունի դեսպանատուն եւ պաշտօնական ներկայացուցչութիւն:

    Իրանում ՀՀ դեսպանութեան նախաձեռնութեամբ, երէկ յունւարի 28-ի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում նւիրւած ՀՀ Բանակի կազմաւորման 27-ամեակին:

  • Մշակոյթի նախարարութեան մշակութային հարցերի տեղակալի այցն ազգային առաջնորդարան
    Մշակոյթի նախարարութեան մշակութային հարցերի տեղակալի այցն ազգային առաջնորդարան

    Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Կիրակի 27 յունւարին, գաղութիս ազգային գործիչ եւ գործարար՝ պրն. Յովսէփ Ղուկասեանը, Էսթոնիայի Հանրապետութեան պատւոյ հիւպատոս՝ պրն. Արմէն Մութաֆեանը եւ իր եղբայր՝ պրն. Ալբերտ Մութաֆեանը քաղաքավարական այցելութիւն տւին թեմիս առաջնորդ՝ գերշ. Տ. Սեպուհ Ս. արք. Սարգսեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։