Հա

Համայնք

12/02/2018

Առաջնորդարանի այցելուներ

Շաբաթ 3 փետրւար 2018-ին թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում յաջորդաբար ընդունեց Կրթական խորհրդի, կրօնի ուսուցիչների եւ Եկեղեցական խորհուրդների ատենապետների ու փոխ ատենապետների։

Շաբաթ 3 փետրւար 2018-ին թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի իր գրասենեակում յաջորդաբար ընդունեց Կրթական խորհրդի, կրօնի ուսուցիչների եւ Եկեղեցական խորհուրդների ատենապետների ու փոխ ատենապետների։

Կրթական Խորհուրդը ընդունելիս Սրբազան Հայրը նախ շնորհաւորեց եւ յաջողութիւն մաղթեց նորընտիր խորհրդին, այնուհետ նա կարեւորութեամբ խորհրդի ուշադրութեան յանձնեց Հայոց լեզւի, պատմութեան եւ կրօնի բծախնդիր դասաւանդման պարագան, շեշտելով, որ այս երեք նիւթերը միմեանց լրացնող եւ ամբողջացնող են եւ հետեւաբար յատուկ նախանձախնդրութեամբ պիտի հետեւենք դպրոցներում տեղի ունեցող դասաւանդութեանց։ Սրբազան Հայրը յայտնեց, որ դեկտեմբերի սկիզբը Անթիլիասում տեղի ունեցած Ազգ. Ընդհանուր Ժողովը յատուկ կարեւորութեամբ անդրադարձաւ կրօնի ուսուցման, կրօնի յատուկ ուսուցիչների միջոցաւ եւ մենք գոհունակութեամբ յայտնեցինք, որ մեր թեմում արդէն այդ շատ կարեւոր քայլը առնւել է։

Երկրորդ պարագան ուրբաթօրեայի փշոտ եւ կնճռոտ հարցն է։ Սրբազան Հայրը Կրթական խորհրդին թելադրեց աջալուրջ կերպով հետեւել ուրբաթօրեային, որովհետեւ այդ մնացել է դժբախտաբար տեսչութեան կամայականութեան, կամայական տնօրինումներին։

Վերջում Սրբազան Հայրը օրհնաբեր ծառայութիւն եւ արդիւնաշատ գործունէութիւն մաղթեց խորհրդին։

Այնուհետ Սրբազան Հայրը հանդիպեց կրօնի ուսուցիչների հետ, լսեց նրանց զեկոյցները եւ գոհունակութեամբ վերահասու եղաւ տարւող աշխատանքներին։ Սրբազան Հայրը յայտնեց որ, շուտով հրատարակելու ենք նաեւ օժանդակ գրքեր տարրական օղակի մեր աշակերտութեան յատուկ։ Առաջնորդ Սրբազան Հայրը կարեւորութեամբ ուսուցիչների ուշադրութեան յանձնեց հետեւեալ կարեւոր կէտերը.-

ա.- Սրբազան Հայրը կարեւորութեամբ թելադրեց ուսուցիչներին, որ որքան հնարաւոր է նիւթը, դասը սիրցնել տալ աշակերտներին, կարեւորը ո՛չ թէ շատ գիտելիքներ փոխանցելն է, այլ էականը կրօնի դասը սիրցնել տալն է։

բ.- Ուսուցիչը պէտք չէ ծանրաբեռնի աշակերտը տնային պարտականութիւններով, մանաւանդ կրօնի պարագային, աշակերտը պէտք է դպրոցում, դասարանում սորվի իր դասը, սա շատ կարեւոր է բոլոր նիւթերի պարագային։

Հանդիպման աւարտին Սրբազան Հայրը լսեց ուսուցիչների որոշ մտահոգութիւնները հիմնած իրենց կիսամեայ փորձառութեան վրայ։ Սրբազան Հայրը մեծապէս գնահատեց ուսուցիչներին եւ յոյս յայտնեց, որ յառաջիկային կը կարողանան յաղթահարել մատնանշւած դժւարութիւնները։

գ.- Օրւայ երրորդ հանդիպումը Թեհրանի մեր եկեղեցիների Եկեղեցական խորհուրդների Ա. եւ Բ. ատենապետների հետ էր։ Սրբազան Հայրը սիրով ողջունեց բոլորին, գնահատեց իրենց համատեղ աշխատանքն ու գործակցութիւնը Քրիստոնէական Դաստիարակութեան պատասխանատու՝ տիկին Շաքէ Եղիայեանի եւ Կրօնական Խորհրդի Քրիստոնէական Դաստիարակութեան Յանձնախմբի հետ եւ այնուհետ բացատրեց ժողովականներին, որ արդէն մօտեցել ենք մեծ պահոց շրջանին եւ հետեւաբար մեր եկեղեցիներում կանոնաւոր կերպով տեղի ունենալու են Արեւագալի եւ հանգստեան ու խաղաղական ժամերգութիւնները։

Սրբազան Հայրը լսեց նաեւ ժողովականների առաջարկները եկեղեցի-ժողովուրդ յարաբերութեան առաւել աշխուժացման ինչպէս նաեւ ժողովուրդը աւելիով ներգրաւելու եկեղեցու աշխատանքների մէջ։

Որոշւեց փետրւարի 16-ի յետ միջօրէին, ժամը 4-7։30 ունենալ Եկեղեցական խորհուրդների համագումար։

 

Կիրակի 4 փետրւար 2018-ի առաւօտեան առաջնորդարան այցելեցին, հիւրաբար Թեհրանում գտնւող Հայաստանի Հանրապետութեան էնէրգէտիկ ենթակառոյցների եւ բնական պաշարների փոխ նախարար Հայկ Յարութիւնեանի գլխաւորութեամբ մի պատւիրակութիւն, ինչպէս նաեւ Հայաստանի Հանրապետութեան Ազգային ժողովի պատգամաւորներ՝ տկն. Հերմինէ Նաղդալեանն ու պրն. Միրան Յակոբեանը։ Երկու պատւիրակութիւններին ընկերակցում էր Իրանի Իսլամական Հանրապետութիւնում արտակարգ եւ լիազօր դեսպան՝ պրն. Արտաշէս Թումանեանը։

Սրբազան Հայրը ջերմօրէն ողջունեց հիւրերին, որոշ բացատրութիւններ տւեց իրանահայ գաղութի եւ յատկապէս թեհրանահայութեան մասին, այնուհետ հիւրերից ամէն մէկը ամփոփ կերպով զեկուցեց իր աշխատանքների մասին եւ գոհունակութեամբ յայտնեցին, որ Իրանի պետական այրեր յատուկ վերաբերմունք են ցուցաբերել Հայաստանի պատւիրակութեան նկատմամբ։

Աւարտին պատւիրակութեան անդամները առաջնորդ Սրբազան Հօր ընկերակցութեամբ եկեղեցի այցելեցին, մի պահ ներկայ գտնւեցին եկեղեցական արարողութեան, լսեցին Սրբազան Հօր քարոզը եւ ապա հրաժեշտ առնելով մեկնեցին։

 

Նոյն միջոցին եկեղեցի եկան «Գոհար» միջնակարգ դպրոցի աշակերտները իրենց տեսուչի, փոխտեսուչի եւ ծնողական խորհրդի առաջնորդութեամբ։ Ս. հաղորդութիւն ստանալուց առաջ Սրբազան Հայրը ջերմօրէն ողջունեց նրանց, իր ուրախութիւնը յայտնեց, որ իրենց եկեղեցի այցն ու հաղորդութիւն ստանալը համընկնել է այս կիրակիին, որովհետեւ այս շաբաթ յաջորդաբար մենք ոգեկոչում եւ ոգեկոչելու ենք յիշատակը մեր եկեղեցու եւ ազգի ամենից վաւերական սրբերից՝ Ս. Սահակ Պարթեւ հայրապետի, Ղեւոնդեանց քահանայից եւ Սրբոց Վարդանանց։

Ս. հաղորդութիւնից յետոյ աշակերտները առաջնորդարան բարձրացան, որտեղ ներքեւում առաջնորդարանի դիւանապետ պրն. Սերոժ Օհանեանը անհրաժեշտ բացատրութիւններ տւեց եւ ապա բարձրացան դահլիճ, որտեղ նրանց ընդունեց թեմիս առաջնորդ Սրբազան Հայրը, մի քանի կարեւոր բացատրութիւններ տւեց նրանց եւ բոլորին յաջողութիւն եւ առողջութիւն մաղթեց։

Յարակից լուրեր

  • Ս. Սարգիս մայր եկեղեցու օծման 45-ամեակի առիթով «Հոգեւոր համերգ»
    Ս. Սարգիս մայր եկեղեցու օծման 45-ամեակի առիթով «Հոգեւոր համերգ»

    Թեհրանի Ս. Սարգիս մայր եկեղեցու օծման 45-ամեակի առիթով թւականիս մայիսի 17-ին եկեղեցու յարկի տակ կազմակերպւել էր «Հոգեւոր համերգ»-երեկոյ:

  • Առաջնորդ Սրբազան Հայրն ընդունեց Մակեդոնացի երկու հոգեւորականների
    Առաջնորդ Սրբազան Հայրն ընդունեց Մակեդոնացի երկու հոգեւորականների

    Երեքշաբթի, մայիսի 15-ի կէսօրին, Մակեդոնիայից Թեհրան ժամանած հոգեւորականներ՝ Միլան քահանայ Բորիսովը, Ս. Ստեփանոս մատրան հովիւ եւ փոխտնօրէն գիտութեան ու միջազգային համագործակցութեան բաժանմունքի Աստւածաբանութեան համալսարանում, նաեւ Դէժան քահանայ Բորիսովը քաղաքավարական այցով, այցելեցին Ազգային առաջնորդարան եւ հանդիպեցին թեմիս առաջնորդ՝ գերշ. Տ. Սեպուհ Ս. արք. Սարգսեանին:

  • Հանդիպում Թեհրանի 15-րդ շրջանի քաղաքապետի եւ իր օգնականների հետ 
    Հանդիպում Թեհրանի 15-րդ շրջանի քաղաքապետի եւ իր օգնականների հետ 

    Երեքշաբթի, մայիսի 15-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանը առաջնորդարանի դահլիճում ընդունեց Թեհրանի 15-րդ շրջանի քաղաքապետ՝ պրն. Վահիդռեզա Մոհամմադին:

  • Եկեղեցականաց համագումար
    Եկեղեցականաց համագումար

    Երկուշաբթի, մայիսի 14-ին, թեմիս բարեխնամ առաջնորդ գերշ. Տ. Սեպուհ Ս. արք. Սարգսեան նախագահութեամբ գումարւեց թեմիս Եկեղեցականաց համագումար, ընտրելու համար արժ. Տ. Արսէն քհնյ. Աւետեանին փոխարինող մի անդամ եկեղեցական:

  • Համբարձման տօնակատարութիւն
    Համբարձման տօնակատարութիւն

    Մեր եկեղեցու տօնացոյցի համաձայն, թւականիս հինգշաբթի, մայիսի 10-ը մեր Տիրոջ Յիսուս Քրիստոսի երկինք Համբարձման տօնն էր:

    Այդ ուրախ առիթով Թեհրանի եկեղեցիներում հինգշաբթի առաւօտեան մատուցւեց Քրիստոսի երկինք Համբարձման տօնի առիթով սուրբ պատարագը:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։