Հա

Համայնք

14/02/2018 - 11:20

Հոգեւորական-աշակերտական հանդիպում դպրոցներում

Շարունակելով աշակերտական-հոգեւորական հանդիպումները, այս անգամ թւականիս կիրակի փետրւար 4-ին գերպ. Տ. Վաղինակ ծ. վրդ. Մելոյեանը ներկայ գտնւեց հայոց ազգային «Թունեան-Յ. Թովմասեան» դպրոցում։

Շարունակելով աշակերտական-հոգեւորական հանդիպումները, այս անգամ թւականիս կիրակի փետրւար 4-ին գերպ. Տ. Վաղինակ ծ. վրդ. Մելոյեանը ներկայ գտնւեց հայոց ազգային «Թունեան-Յ. Թովմասեան» դպրոցում։ 

Հայր սուրբին ընկերակցում էին արժ. Տ. Գրիգորիս քհնյ. Նէրսիսեանը եւ Քրիստոնէական դաստիարակութեան յանձնախմբի անդամները։ Հայր սուրբը նախ կարեւորեց մեղքերի խոստովանութիւնը նաեւ անդրադարձաւ Աստծու հետ կապ ստեղծելու մասին ի հետեւումն մանուկ Յիսուսի, որ ասաց «Ինձ իմ Հօր տանը պիտի գտնեք» յորդորեց, որ Աստծուն որպէս Հայր իմանալով, եկեղեցի յաճախել, մասնակցել Սուրբ եւ անմահ Պատարագին, մեզ համար չարչարւող եւ խաչւող Քրիստոսի կողքին լինելով, Աստծու արքայութիւն մտնել։ 

Հայր սուրբը վերյիշելով Քրիստոսի խօսքը՝ մարդը միայն հացով չի ապրում, այլ Աստծու ամէն մի խօսքով անդրադարձաւ Աստւածաշնչի ընթերցմամբ հոգեւոր սնունդ ստանալու։ Նաեւ յիշելով Քրիստոսի անապատի փորձութեանը, քաջալերւել Աստւածաշնչով՝ զինւած դիմակայել չարի փորձութիւններին։ 

Վարդապետ Մելոյեանը նաեւ կենտրոնացաւ Աստծու անշահախնդիր սիրոյ մասին եւ յիշեցրեց սիրել առանց ակնկալիքի։ Ապա աշակերտութիւնն իրենց հարցերը ուղղեցին, որոնց շահեկան պատասխաններ տւեց Հայր սուրբը։ Հանդիպմանը նոյնպէս ներկայ էին դպրոցի տնօրէն՝ տկն. Սաթօ Խաչատրեանը, փոխտեսչուհի՝ Արսինէ Բոնեադեանը եւկրօնի ուսուցչուհի՝ տկն. Անահիտ Զարգարեանը։ «Թունեան-Յ. Թովմասեան» միջ. Ա. շրջանի աշակերտուհիների հետ հանդիպման վերջում գնահատւեցին շարադրութեան մրցութեանը շահող 8-րդ դասարանցի՝ Անի Շահնազարեանը եւ 7-րորդ դասարանցի՝ Արինէ Մարկոսեանը։ 

Հայր սուրբը երկրորդ փուլում հանդիպեց «Թունեան-Յ. Թովմասեան» միջ. Բ. շրջանի աշակերտուհիների հետ։ Այս անգամ եւս կարեւորւեց աղօթքը եւ թեման փոխանցւեց դասախօսական- թատերական եւ զրոյց մեթոդներով, ինչը աւելի հասանելի եւ դիւրըմբռնելի էր դարձնում նիւթը։ Ապա Հայր սուրբը Աստւածաշունչը ներկայացրեց Աստծու սիրոյ նամակը եւ յորդորեց ժամանակ յատկացնել Աստւածաշնչի ընթերցման, ի պատասխան Նրա ՅԱՒԻՏԵՆԿԱՆ սիրոյն։ Աշակերտուհիները եւս Աստւածաշնչի վերաբերեալ հարցեր ուղղեցին եւ ստացան գոհացուցիչ պատասխաններ։ 

Վերջում գնահատւեցին շարադրութեան մրցութիւնում շահող 11-րդ դասարանցի՝ Մինէ Նազարեանը եւ 10-րդ դասարանցիներ՝ Նազելի Նազարեանը եւ Նայիրա Քէշիշեանը։

Հանդիպման աւարտին դպրոցի երգչախումբը հանդէս եկաւ «Հայեր դիմացէք» երգով։ 

Քրիստոնէական դաստիարակութեան յանձնախումբ

Յարակից լուրեր

  • Մանուկների դաշտահանդէս
    Մանուկների դաշտահանդէս

    Թեհրանի հայոց թեմի բարեխնամ առաջնորդ գերշ. Տ. Սեպուհ Ս. արք. Սարգսեանի բարձր հովանաւորութեամբ եւ Քրիստոնէական դաստիարակութեան յանձնախմբի նախաձեռնութեամբ, թւականիս մայիսի 18- ին, առաւօտեան ժամը 10-ից մինչեւ կէսօրից յետոյ ժամը 4-ը  տեղի ունեցաւ «Մանուկների դաշտահանդէս»-ը «Արարատ» մարզաւանում։

  • Հոգեւորական-աշակերտական հանդիպում դպրոցներում
    Հոգեւորական-աշակերտական հանդիպում դպրոցներում

    Շաբաթ 10 փետրւարի առաւօտեան, արժ. Տ. Գրիգորիս քահանայի, Քրիստոնէական դաստիարակութեան բաժանմունքի վարիչի եւ յանձնախմբի անդամների ընկերակցութեամբ, գերպ. Տ. Վաղինակ. ծ. վրդ. Մելոյանն այցելեց հայոց ազգային «Արաքս» դպրոց եւ հանդիպում ունեցաւ միջնակարգի Ա. բաժնի աշակերտութեան հետ։

  • Հոգեւորական-աշակերտական հանդիպում դպրոցներում
    Հոգեւորական-աշակերտական հանդիպում դպրոցներում

    Շարունակելով աշակերտական-հոգեւորական հանդիպումների ծրագիրը, թւականիս երկուշաբթի փետրւար 5-ին գերպ. Տ. Վաղինակ ծ. վրդ. Մելոյեանը, ընկերակցութեամբ արժ. Տիարք Գրիգորիս եւ Արիստակէս քհնյ. հայրերի, Քրիստոնէական դաստիարակութեան գրասենեակի պատասխանատու՝ տկն. Շաքէ Եղիայեանի եւ յանձնախմբի անդամների, այցելեց հայոց ազգային «Մարիամեան» դպրոց։

  • Հոգեւորական-աշակերտական հանդիպում դպրոցներում
    Հոգեւորական-աշակերտական հանդիպում դպրոցներում

    Ի շարունակութիւն հոգեւորական-աշակերտական ծրագրի, այս անգամ հայոց ազգային «Նայիրի-Սողոմոնեան» միջնակարգ դպրոց այցելեց գերպ. Տ. Վաղինակ ծ. վրդ. Մելոյեանը, ընկերակցութեամբ արժ. Տիարք Գրիգորիս եւ Արիստակէս քահանայ հայրերի, Քրիստոնէական Դաստիարակութեան գրասենեակի պատասխանատու՝ տկն. Շաքէ Եղիայանի ու Քրիստոնէական Դաստիարակութեան յանձնախմբի անդամների։

  • Հոգեւորական-աշակերտական հանդիպում դպրոցներում
    Հոգեւորական-աշակերտական հանդիպում դպրոցներում

    Շարունակելով հոգեւորական-աշակերտական հանդիպումները հայոց դպրոցներում, սոյն  թւականի չորեքշաբթի, յունւար 31-ին տեղի ունեցաւ հոգեւորական-աշակերտական հանդիպում «Մարիամ» հաստատութեան տղայոց եւ օրիորդաց բաժանմունքների աշակերտ-ուհիների հետ։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։