Հա

Համայնք

06/03/2018 - 11:50

«ՀՈՒՍԿ»-ի նախաձեռնութեամբ եւ «Ֆարաթաբ» կենտրոնի համագործակցութեամբ՝ «Նէոօսմանիզմը Կովկասից մինչեւ Հալէպ» մէկօրեայ համագումար

Հայկական հարցերի ուսումնասիրութեան կենտրոն «ՀՈՒՍԿ»-ի նախաձեռնութեամբ եւ «Ֆարաթաբ» կենտրոնի համագործակցութեամբ, մարտի 3-ի երեկոյեան կազմակերպւել էր համատեղ քննարկում հայ եւ պարսիկ վերլուծաբանների մասնակցութեամբ՝ հետեւեալ խորագրով «Նէոօսմանիզմը Կովկասից մինչեւ Հալէպ»:

«ԱԼԻՔ», Կ. Դ. - Հայկական հարցերի ուսումնասիրութեան կենտրոն «ՀՈՒՍԿ»-ի նախաձեռնութեամբ եւ «Ֆարաթաբ» կենտրոնի համագործակցութեամբ, մարտի 3-ի երեկոյեան կազմակերպւել էր համատեղ քննարկում հայ եւ պարսիկ վերլուծաբանների մասնակցութեամբ՝ հետեւեալ խորագրով «Նէոօսմանիզմը Կովկասից մինչեւ Հալէպ»:

Երեք ժամ տեւած նիստի նպատակն էր քննարկել Թուրքիայի իրարայաջորդ պետական այրերի կողմից աւելի քան մէկ դար տեւողութեամբ հետապնդւող նէոօսմանիզմի երեւոյթը, որը տարածաշրջանում յանգեցրել է տագնապների:

Իրանի Հայ Արհետստաւորների միութեան «Արամ Մանուկեան» սրահում կազմակերպւած քննարկման հաղորդավար եւ հարցերը դասախօսներին առաջադրող «Ֆարաթաբ» կենտրոնի տնօրէն Արդեշիր Փաշանդին ծանօթացնելով դասախօսներին, առաջադրում էր երկխօսութեան շուրջ հարցումները եւ իւրաքանչիւր դասախօս իր իւրովի մօտեցմամբ ներկայացնում էր Թուրքիայի կողմից ներկայում հետապնդւող արտաքին քաղաքականութիւնը:

Դասախօսներն էին Թեհրանի Պետական համալսարանի քաղաքականագիտութեան դասախօս՝ դոկտ. Ահմադ Նաղիբզադէն, Արտգործնախարարութեան ժամանակի դիւանագէտ Սադեղ Մալեքին, Թեհրանի Պետական համալսարանի դասախօս եւ քաղաքական հարցերի վերլուծաբան դոկտ. Ջահանգիր Քարամին, «Ալիք» կայքէջի պատասխանատու Արամ Շահնազարեանը եւ Թեհրանի Հայ Դատի յանձնախմբի նախագահ Իսիկ Իւնանէսեանը: Իւրաքանչիւր դասախօսի կողմից քննարկումից յետոյ լսարանին եւս առիթ էր տրւում հարցումների եւ տեսակէտների արծարծման:

Քննարկման խնդիրներն էին՝ Թուրքիայի ներքին խնդիրները եւ նէոօսմանիզմը, տարածաշրջանային իրադարձութիւնները եւ նէոօսմանիզմը, տարածաշրջանային մրցակցութիւնները եւ նէոօսմանիզմը, նէօսմանիզմը Կովկասում, նէոօսմանիզմը եւ քրդական հարցը եւ նէոօսմանիզմը ու գերուժերը:

Ընթացքում նշւեց, որ Թուրքիայի կառավարութիւնը տարածաշրջանում, որպէս Մերձաւոր Արեւելքի դերակատար երկիր, վերջին տարիներին դէմ յանդիման է կանգնել ներքին ու արտասահմանեան բազմաթիւ խնդիրների, որոնք Մերձաւոր Արեւելքում յանգեցրել են մի շարք բարդութիւնների եւ Թուրքիայի արտաքին քաղաքականութիւնը քննարկումների ընթացքում վտանգաւոր բնութագրւեց Թուրքիայի կողմից իրականացւող հակասական եւ իրարամերժ քաղաքականութիւնը, շօշափւեց նաեւ քրդական հարցը, նաեւ հաւանական զարգացումները, Սիրիայի իրավիճակը եւ գերուժերի դերակատարութիւնը այս շրջագծում:

Քննարկմանը ներկայ էին Թ. Հ. Թ. Պատգամաւորական ժողովի, Թեմական խորհրդի, ազգային մարմինների ու իշխանութեան, «Ալիք» հաստատութեան ներկայացուցիչները եւ քաղաքական հարցերով հայ եւ ոչ-հայ մասնագէտներ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։