Հա

Համայնք

12/03/2018 - 14:50

Պատգամաւոր դոկտ. Կարէն Խանլարեան. «Խորհրդարանն անտարբեր չգտնւեց ծագած սոցիալ-տնտեսական վիճակի հետ կապւած դժգոհութեան ալիքի նկատմամբ»

Խորհրդարանում Թեհրանի եւ հիւսիսային իրանահայութեան պատգամաւոր Կարէն Խանլարեանը մօտ անցեալում երկրի տարբեր շրջաններում ծագած դժգոհութիւնների ալիքներին է անդրադարձել «Սիփան» միութիւնում ունեցած իր վերջին հանդիպմանը եւ նշել, որ դրանք անուղղակիօրէն կապ ունեն պետբուջէի քննարկմանը նախորդած յայտարարութիւններին:

«ԱԼԻՔ» - Խորհրդարանում Թեհրանի եւ հիւսիսային իրանահայութեան պատգամաւոր Կարէն Խանլարեանը մօտ անցեալում երկրի տարբեր շրջաններում ծագած դժգոհութիւնների ալիքներին է անդրադարձել «Սիփան» միութիւնում ունեցած իր վերջին հանդիպմանը եւ նշել, որ դրանք անուղղակիօրէն կապ ունեն պետբուջէի քննարկմանը նախորդած յայտարարութիւններին:

Խորհրդարանի Կրթութեան յանձնաժողովի անդամը կարեւորելով 1397 թւականի բիւջէի քննարկումների ընթացակարգը, անդրադարձաւ նախաքննարկման գլխադասային յանձնաժողովի կողմից կատարւած յաւելումների փաստին, ինչը պատգամաւորի ասութեամբ կարելի է համարել աննախադէպ, նշեց, որ ենթադրւում է, որ խորհրդարանն անտարբեր չի մնացել սոցիալ-տնտեսական վիճակի հետ կապւած դժգոհութիւնների նկատմամբ:

«Տնտեսութեան ոլորտներին առնչւող երեք՝ տնտեսութեան, քաղաքաշինութեան եւ գիւղատնտեսութեան նախարարների իմպիչմենտի գործընթացն է մեկնարկելու այս շաբաթ»,- ասաց պատգամաւորը միեւնոյն ժամանակ նշելով, որ հաւանաբար նրանցից մէկը հեռանալու է զբաղեցրած պաշտօնից: Նա յիշեցրեց, որ պաշտօնանկութիւնը կամ իմպիչմենտը չի ենթադրում պաշտօնեայի պարտադիր ազատում զբաղեցրած պաշտօնից․ այն պարզապէս առաջին քայլն է այդ ճանապարհին։

Երէկ՝ Սասուն քաղաքամասի «Սիփան» միութեան յարկի տակ ընթացող այս հանդիպմանը, պատգամաւորը ներկաների հարցերին պատասխանելուց առաջ, փորձեց իր մեկնաբանութիւնը տալով, շօշափելի դարձնել Իրանի պաշտպանական բնորոշումը, դոկտրինան:

Դոկտ. Կարէն Խանլարեանը նշելով, որ բարձրաձայնւող հարցադրումներում յաճախ նկատելի է դառնում ԴԱԷՇ-ի դէմ պայքարում Իրանի ծախսած հարստութեան մասին մեկնութիւնները նշեց, որ Իրանը ինչպէս միւս խելացի եւ հասուն պետութիւնները, ունակ են սպառնալիքները  լռեցնել սահմաններից դուրս՝ կառուցած անվտանգութեան գօտու շրջագծում: Նոյնպէս են վարւում նաեւ տարածաշրջանում մրցակից պետութիւնները, որոնք հարւածը տեղափոխում են Աֆղանստան, Սիրիա, Եմէն, Կովկաս ու նոյնիսկ Արցախ: «Այլապէս մենք ստիպւած էինք լինելու ԴԱԷՇ-ի դէմ պայքարը մղել մեր սահմաններից ներս»,- եզրափակելով թեման նշեց պատգամաւորը:

Լսարանի շօշափած՝ Իրանի սոցիալ-տնտեսական, արտարժոյթի արձանագրած գնաճի, սոցիալական ազատութիւնների, ինչպէս նաեւ մամուլի եւ տեղեկատւութեան ոլորտներին առնչւող հարցերով շարունակւեց հանդիպումը, որով հանդիպումը փոխւեց կլոր սեղանի:

Յարակից լուրեր

  • Միշէլ Աունը ընդունել է Լիբանանի դաշնակցական նախարար Աւետիս Կիտանեանին
    Միշէլ Աունը ընդունել է Լիբանանի դաշնակցական նախարար Աւետիս Կիտանեանին

    Լիբանանի նախագահ Միշէլ Աունն այսօր ընդունել է երկրում զբօսաշրջութեան նախարար, ՀՅԴ անդամ Աւետիս Կիտսանեանին:

  • Հանդիպումները կայացան. այժմ խօսքերը գործնականացնելու ժամանակն է...
    Հանդիպումները կայացան. այժմ խօսքերը գործնականացնելու ժամանակն է...

    Յարգելի ընթերցող, ինչպէս անցնող շաբաթւայ ընթացքում մեր թղթակցութիւնների ընդմիջից ներկայացրինք, կայացան թեհրանահայ համայնքի եռեակ հայաշատ քաղաքամասերի քաղաքացիների հետ Թեհրանի հայոց թեմի Պատգամաւորական ժողովի եւ Թեմական խորհրդի միջեւ անմիջական հանդիպում-քննարկումները:

  • Որեւէ արտառոց բան չկայ վարչապետի հետ մեր հանդիպման ձեւաչափում
    Որեւէ արտառոց բան չկայ վարչապետի հետ մեր հանդիպման ձեւաչափում

    ՀՅԴ հանրային կապերի գրասենեակն հոկտեմբերի 12-ին խիստ լակոնիկ հաղորդագրութիւն տարածեց այն մասին, որ երէկ՝ հոկտեմբերի 11-ին կայացել է ՀՀ վարչապետ Նիկոլ Փաշինեանի եւ ՀՅԴ Բիւրոյի անդամներ Մուրադ Փափազեանի, Սպարտակ Սէյրանեանի եւ ՀՅԴ Հայաստանի ԳՄ ներկայացուցիչ Արսէն Համբարձումեանի հանդիպումը, քննարկւել են Հայաստանի ներքաղաքական իրավիճակին, առաջիկայ զարգացումներին վերաբերող հարցեր։ Պայմանաւորւածութիւն է ձեռք բերւել առաջիկայ օրերին շարունակել հանդիպումները։

  • Նիկոլ Փաշինեանը հանդիպում է ունեցել ՀՅԴ ներկայացուցիչների հետ
    Նիկոլ Փաշինեանը հանդիպում է ունեցել ՀՅԴ ներկայացուցիչների հետ

    2018 թ. հոկտեմբերի 11-ին կայացել է ՀՀ վարչապետ Նիկոլ Փաշինեանի եւ ՀՅԴ Բիւրոյի անդամներ Մուրադ Փափազեանի, Սպարտակ Սէյրանեանի եւ ՀՅԴ Հայաստանի ԳՄ ներկայացուցիչ Արսէն Համբարձումեանի հանդիպումը:

  • Հասարակական կարծիքի դերը առկայ տնտեսա-քաղաքական գործընթացներում
    Հասարակական կարծիքի դերը առկայ տնտեսա-քաղաքական գործընթացներում

    Հասարակական կարծիքի դրսեւորումը առողջ հասարակական կեանքի ցուցանիշ է եւ սա փաստ է, որը գործնականօրէն ապացուցւած է: Այս մասին բազմիցս խօսել ենք մեր էջերում: Այսօր այդ խօսքի շեշտադրումը օրւայ հրամայական է ու ընթերցողը այսուհետեւ աւելի շատ կը մասնակցի քննարկումների եւ կը զգայ համայնքային- հասարակական հարցերի աւելի լայն անդրադարձների արծարծումը:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։