Հա

Համայնք

13/03/2018

Թեմիս առաջնորդ Սրբազան Հայրը այցելեց Հայ ակումբ

Երկուշաբթի, 12 մարտի 2018 թ.-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեան առաջնորդարանի իր գրասենեակում ընդունեց գաղութիս բազմերախտ ազգայիններից պրն. Նորայր Արամեանին, որ Հայ ակումբի վերահասու յանձնախմբի կողմից լիազօրւած է լինելու Ակումբի շինարարական եւ իրաւական հարցերին, խորհրդակցութեամբ վերահասու յանձնախմբի հետ։

Երկուշաբթի, 12 մարտի 2018 թ.-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեան առաջնորդարանի իր գրասենեակում ընդունեց գաղութիս բազմերախտ ազգայիններից պրն. Նորայր Արամեանին, որ Հայ ակումբի վերահասու յանձնախմբի կողմից լիազօրւած է լինելու Ակումբի շինարարական եւ իրաւական հարցերին, խորհրդակցութեամբ վերահասու յանձնախմբի հետ։ 

Պրն. Արամեանը զեկուցեց մինչ այդ տարւած աշխատանքների մասին եւ որոշ գոհունակութեամբ յայտնեց վերջին ամիսների ընթացքի մէջ եղող աշխատանքների կապակցութեամբ։ 

Ինչպէս ծանօթ է 2015-ի ամռան, Հայ ակումբի շէնքը իր կողքին կառուցւող մեծ կանգառի շինութեան բերումով, արկածի էր ենթարկւել։ Ուրախ ենք յայտնելու, որ այս հանգրւանին աշխատանքները իրենց հունի մէջ են մտել եւ կը յուսանք, որ ոչ շատ երկար ժամանակաշրջանում շինարարական աշխատանքները իրենց աւարտին կը հասնեն։ 

Հանդիպումից յետոյ Սրբազան Հայրը ընկերակցութեամբ պրն. Արամեանի եւ առաջնորդարանի դիւանապետ պրն. Սերոժ Օհանեանի այցելեց Հայ ակումբ, որտեղ Ակումբի վարչութեան ատենապետ պրն. Վահէ Գերասիմեանը միացաւ Սրբազան Հօր եւ իր ընկերակիցներին։ Պրն. Արամեանն ու պրն. Գերասիմեանը լայն բացատրութիւններ տւին տարւած աշխատանքների մասին։ Սրբազան Հայրը շրջագայեց չորս կողմ եւ գոհունակութեամբ վերահասու եղաւ մինչ այդ տարւած աշխատանքներին։

Թղթակից

Յարակից լուրեր

  • Եպիսկոպոսական ս. պատարագ Տ. Սեպուհ արք. Սարգսեանի քահանայական ձեռնադրութեան 50-ամեակին առթիւ
    Եպիսկոպոսական ս. պատարագ Տ. Սեպուհ արք. Սարգսեանի քահանայական ձեռնադրութեան 50-ամեակին առթիւ

    Թ. Հ. թեմի առաջնորդ Տ. Սեպուհ արք. Սարգսեանի քահանայական ձեռնադրման 50-ամեակի առիթով, երէկ, յունիսի 16-ի երեկոյեան, Ս. Սարգիս առաջնորդանիստ մայր եկեղեցում մատուցւեց եպիսկոպոսական հանդիսաւոր ս. պատարագ՝ ձեռամբ Սրբազան Հօր:

  • Հայաստանի Հանրապետութեան Դեսպանն Այցելեց Առաջնորդ Սրբազանին
    Հայաստանի Հանրապետութեան Դեսպանն Այցելեց Առաջնորդ Սրբազանին

    Կիրակի յունիսի 10-ի միջօրէին, թեմիս առաջնորդ գերշ. Տ. Սեպուհ Ս. արք. Սարգսեանն ընդունեց Իրանի Իսլ. Հանրապետութիւնում հաւատարմագրւած ՀՀ արտակարգ եւ լիազօր դեսպան մեծարգոյ պրն. Արտաշէս Թումանեանին, որին ընկերակցում էր դեսպանատան մշակոյթի հարցերով խորհրդական պրն. Սահակ Եղիազարեանը։

  • Լանջախաչի տւչութիւն
    Լանջախաչի տւչութիւն

    Թւականիս ուրբաթ, 8 յունիսի առաւօտեան յընթացս սուրբ եւ անմահ պատարագի առաջնորդանիստ Ս. Սարգիս մայր եկեղեցում տեղի ունեցաւ լանջախաչ կրելու իրաւունքի շնորհում։

  • Իրանահայ բանաստեղծ Վարանդը այցելեց Ատրպատականի առաջնորդարան
    Իրանահայ բանաստեղծ Վարանդը այցելեց Ատրպատականի առաջնորդարան

    Ուրբաթ, 1 յունիս 2018-ի առաւօտեան, իրանահայ անւանի բանաստեղծ Վարանդը, որ մէկ օր առաջ Մայիսեան փառատօնի եւ Հայաստանի անկախութեան հարիւրամեակի առիթով իբրեւ օրւայ բանախօս հրաւիրւել էր Թեհրանից, այցելեց առաջնորդարան եւ ընդունւեց Ատրպատականի հայոց թեմի առաջնորդ գերշ. Տ. Գրիգոր Ս. եպս. Չիֆթճեանի կողմից:

  • Շւէյցարիայի դեսպանն այցելեց առաջնորդ Սրբազանին
    Շւէյցարիայի դեսպանն այցելեց առաջնորդ Սրբազանին

    Հինգշաբթի, մայիսի 31-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն ընդունեց Իրանի Իսլամական Հանրապետութիւնում հաւատարմագրւած Շւէյցարիայի դեսպան՝ մեծարգոյ պրն. Մարքուս Լէյթնէրին:

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։