Հա

Համայնք

14/03/2018 - 11:00

Արեւագալի արարողութիւն Ս. Աստւածածին եկեղեցում

Մեծ Պահքի առիթով երեքշաբթի օրերին, եկեղեցիներում տեղի ունեցող Արեւագալի ժամերգութիւններից, երեքշաբթի 13 մարտի 2018-ին, Ս. Աստւածածին եկեղեցում, Արեւագալի ժամերգութեան նախագահեց թեմիս առաջնորդ՝ գերշ. Տ. Սեպուհ Ս. արք. Սարգսեանը: Ներկայ էին առաջնորդական փոխանորդ՝ գերշ. Տ. Մակար Ս. եպս. Աշգարեանը, քահանայ հայրերը, «Ակունք» կենտրոնի աշակերտ-ուհիներն ու հաւատացեալ ժողովուրդը:

Մեծ Պահքի առիթով երեքշաբթի օրերին, եկեղեցիներում տեղի ունեցող Արեւագալի ժամերգութիւններից, երեքշաբթի 13 մարտի 2018-ին, Ս. Աստւածածին եկեղեցում, Արեւագալի ժամերգութեան նախագահեց թեմիս առաջնորդ՝ գերշ. Տ. Սեպուհ Ս. արք. Սարգսեանը: Ներկայ էին առաջնորդական փոխանորդ՝ գերշ. Տ. Մակար Ս. եպս. Աշգարեանը, քահանայ հայրերը, «Ակունք» կենտրոնի աշակերտ-ուհիներն ու հաւատացեալ ժողովուրդը: 

Արարողութեան աւարտին Սրբազան Հայրը իր քարոզի սկզբում բացատրեց Արեւագալի արարողութեան մասին, ասելով՝ «Արեւագալի ժամերգութիւնը կատարւում է ի փառաբանութիւն Ս. Հոգու եւ յարուցեալ մեր Տիրոջ Յիսուսի Քրիստոսի: Այս արարողութեան երգերը, աղօթքները եւ քարոզները մեր ուշադրութիւնը կենտրոնացնում են հիմնականօրէն մեր Տիրոջ եւ իր փրկագործութեան առաքելութեան մասին»:

Սրբազան Հայրն իր խօսքերի միւս բաժնում աւելացրեց՝ «Արեւագալի ժամերգութեան ընթացքին երգում ենք Ճգնաւորի բառով սկսւող հոգեւոր երգեր, որտեղ բացատրւում է թէ ինչպէս Սուրբերն իրենց ողջ կեանքը, ճգնաւորութեամբ եւ երբեմն արեան նահատակութեամբ, վկայել են Քրիստոսին: Երգում ենք Լոյսը, որը փառաբանում ենք գերգոյն Լոյսին, որ Աստւած է, Արարիչ է լոյսի եւ բոլոր լուսաւոր արարածների: Այնուհետեւ երգում ենք՝ ճանապարհը, որ Քրիստոսն ինքն է եւ հայցում ենք, որ ինքը մեզ իրական եւ ճշմարիտ ճանապարհը ցոյց տայ»:

Վերջում Սրբազան Հայրը շեշտեց՝ «Մենք յաճախ, կամայ թէ ակամայ, մեղք ենք գործում եւ դրա համար եկեղեցու այս արարողութիւնները, որ տեղի են ունենում Մեծ Պահոց շրջանին եւ յատկապէս Արեւագալի արարողութիւնը, գեղեցկագոյն առիթնենրն են մեզանից իւրաքանչըւրի համար, որպէսզի մենք էլ ասենք՝ Տէր ամենակալ, ներիր մեր մեղքերը եւ մենք հաւատում ենք, որ Աստւած ներում է մեզ եւ մեր մեղքերը եւ մենք հոգեպէս թեթեւացած եկեղեցուց դուրս ենք գալիս»:

Արեւագալի ժամերգութեան աւարտին, Ս. Աստւածածին եկեղեցու Եկեղեցական խորհուրդը, համեստ պահքի հիւրասիրութիւն էր պատրաստել Սրբազան Հօր եւ քահանաների համար:

Ազգային առաջնորդարանի Հանրային կապ

Յարակից լուրեր

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ
    Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ

    Քրիստոսի Հրաշափառ Յարութեան խորհրդով մեզ շնորհւած նոր կեանքը պէտք է դարձնենք մեկնակէտ աստւածատուր կեանքի, որ է սիրոյ, զոհողութեան ու նւիրումի, բարեգործութեան ու խաղաղութեան կեանք, չարի վրայ տարւած յաղթական կեանք։ Չմոռանանք, որ Քրիստոս իր Յարութեամբ չարը խափանեց եւ բարի կեանքով մեզ արժանացրեց իր շնորհքին եւ օրհնութեան։

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թ. Հ. Թ. առաջնորդը շնորհաւորել է Բանակի օրը
    Թ. Հ. Թ. առաջնորդը շնորհաւորել է Բանակի օրը

    Թեհրանի հայոց թեմի առաջնոդը՝ Իրանի Իսլ. Հանրապետութեան Բանակի օրւայ կապակցութեամբ շնորհաւորական ուղերձ է յղել յեղափոխութեան առաջնորդ այաթ. Խամենէիին: Ուղերձում մասնաւորապէս նշւած է. «Մի երկրի եւ նրա ժողովրդի ապահովութեան, խաղաղ կեցութեան, անվտանգութեան երաշխիքը իր բանակն է, քաջ ու մարտունակ բանակը։

  • Կոչ մեր սիրելի ժողովրդին
    Կոչ մեր սիրելի ժողովրդին

    Տօնական այս օրերին, երբ Աւագ Շաբաթւայ խորհրդով ենք ապրում, կոչ եմ անում մեր ժողովրդի սիրելի զաւակներին, որ իրենց անվերապահ մասնակցութիւնը բերեն Իրանի տարբեր շրջաններում տեղի ունեցած աղէտի պատճառով տուն-տեղ կորցրած աղէտահարների համար ընթացքի մէջ եղող հանգանակութեան։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։