Հա

Համայնք

04/04/2018 - 08:00

Արեւագալի արարողութիւն Ս. Մինաս եկեղեցում

Թւականիս երեքշաբթի մարտի 20-ին, Ս. Մինաս եկեղեցում կատարւեց Արեւագալի արարողութիւն, նախագահութեամբ առաջնորդական փոխանորդ՝ գերշ. Տ. Մակար Ս. եպս. Աշգարեանի եւ մասնակցութեամբ քահանայ հայրերի ու հաւատացեալ ժողովրդի:

Թւականիս երեքշաբթի մարտի 20-ին, Ս. Մինաս եկեղեցում կատարւեց Արեւագալի արարողութիւն, նախագահութեամբ առաջնորդական փոխանորդ՝ գերշ. Տ. Մակար Ս. եպս. Աշգարեանի եւ մասնակցութեամբ քահանայ հայրերի ու հաւատացեալ ժողովրդի: 

Քարոզում Սրբազան Հայրը խօսելով 40-օրեայ պահեցողութեան եւ Արեւագալի արարողութիւնների խորհրդի մասին կենտրոնացաւ դրանց հիմնական նպատակի վրայ, որն է մարդս ինքնագիտակցութեան ճամբով հրաւիրելու անկեղծ, հշմարիտ ու հարազատ զղջումի, խոստովանութեան եւ ապաշխարութեան: Նա շեշտեց թէ. «Մեծ Պահքի գրեթէ վերջին հանգրւանին ենք: Այս շաբաթւայ խորհուրդը, մեր հայրերի տնօրինումով, մեր գիտակցութեան մէջ վերակենդանացում է Քրիստոսի գալստեան խորհուրդը եւ գաղափարը: Յարատեւ աղօթքով մենք դիմում ենք Աստծուն հայցելով իր օրհնութիւնները եւ ողորմածութիւնը, միեւնոյն ժամանակ արտայայտելով մեր խորունկ, անստւեր հաւատը Քրիստոսի երկրորդ գալստեան նկատմամբ, որը քրիստոնէական վարդապետութեան ամենաէական կէտերից մէկն է եւ մեր հաւատամքին մաս կազմող ճշմարտութիւններից մին, որի միջոցով հաւատացեալի սրտում բոցավառում է յոյսը յաւիտենական կեանքի ու երկնային արքայութեան»: 

Սրբազան Հայրը նաեւ խօսեց Քրիստոսի զոյգ աշխարհ գալուստների մասին, մին որպէս մարդացեալ փրկիչ՝ փրկելու համար մարդկութիւնը եւ իր թագաւորութինը հաստատելու նրանց սրտում, եւ երկրորդ գալուստը՝ որը ժամանակների վախճանին է լինելու: Նա գալու է որպէս դատաւոր, դատելու համար մարդկութիւնը եւ արդար դատաստան կատարելու: Յաւիտենական դատապարտութիւն ու տանջանք՝ անզիղջ, անապաշխարհ մեղաւորներին ու ամբարիշտներին իսկ յաւիտենական եւ ուրախ կեանք՝ ապաշխարողներին, հաւատացողներին ու արդար կեանք ապրողներին: Սա է այն յոյսը, որին կառչած մնալով պէտք է ապրի իւրաքանչիւր քրիստոնեայ հաւատացեալ:

Արեւագալի ժամերգութեան աւարտին, Ս. Մինաս եկեղեցու Եկեղեցական խորհուրդը, համեստ պասի հիւրասիրութիւն էր պատրաստել ներկաներին:

Ազգային առաջնորդարանի Հանրային կապ

Յարակից լուրեր

  • Ուխտի օր Սուրբ Մինաս եկեղեցու
    Ուխտի օր Սուրբ Մինաս եկեղեցու

    Սուրբ Մինասի տօնի առիթով, Վանաքի Ս. Մինաս եկեղեցում մատուցւեց հանդիսաւոր ս. եւ անմահ պատարագ, ձեռամբ՝ թեմիս բարեխնամ առաջնորդ՝ գերշ. Տ. Սեպուհ Ս. արք. Սարգիսեանի։ Սուրբ պատարագին ներկայ էին թեմիս հոգեւրակաց դասը, եկեցեղու հանգուցեալ բարերարների մտերիմներն ու բարեկամները, բարերարներ ու հաւատացեալների մի հոծ բազմութիւն, որոնք ժամանել էին Թեհրանի տարբեր շրջաններից եւ ծուխերից։

  • Ս. Մինաս եկեղեցու Եկեղեցական խորհրդի անդամներից այցելեցին Սրբազան Հօրը
    Ս. Մինաս եկեղեցու Եկեղեցական խորհրդի անդամներից այցելեցին Սրբազան Հօրը

    Երկուշաբթի, 19 նոյեմբեր 2018 թ.-ի առաւօտեան, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց Ս. Մինաս եկեղեցու Եկեղեցական խորհրդի անդամներին:

  • Հայաստանի Հանրապետութեան վերանկախացման 27-րդ տարեդարձը նշանաւորւեց Հանրապետական մաղթանքով
    Հայաստանի Հանրապետութեան վերանկախացման 27-րդ տարեդարձը նշանաւորւեց Հանրապետական մաղթանքով

    Հայաստանի Հանրապետութեան վերանկախացման 27-րդ տարեդարձի առիթով, երէկ առաւօտեան կիրակնօրեայ ս. պատարագի ընթացքում, որը մատուցում էր Թ. Հ. Թ. առաջնորդական տեղապահ Տ. Մակար եպս. Աշգարեանը, կատարւեց Հանրապետական մաղթանք եւ Թ. Հ. Թ. առաջնորդ Տ. Սեպուհ արք. Սարգսեանի ձեռամբ օրհնւեց Եռագոյն դրօշը: 

  • Արաքի Ս. Մեսրոպ եկեղեցու անւանակոչութեան տօնի առիթով ուխտագնացութիւն դէպի Արաք
    Արաքի Ս. Մեսրոպ եկեղեցու անւանակոչութեան տօնի առիթով ուխտագնացութիւն դէպի Արաք

    Թւականիս ուրբաթ 22 յունիսի առաւօտեան վաղ ժամին առաջնորդական փոխանորդ՝ գերշ. Տ. Մակար Ս. եպս. Աշգարեանն ուխտաւորաբար ուղղւեց դէպի Արաք, տեղւոյն Ս. Մեսրոպ եկեղեցու անւանակոչութեան եւ վերոնշեալ թարգմանչաց վարդապետների՝ Սահակայ եւ Մեսրոպայ տօնի առիթով պատարագ մատուցելու։

  • Լանջախաչի տւչութիւն
    Լանջախաչի տւչութիւն

    Թւականիս ուրբաթ, 8 յունիսի առաւօտեան յընթացս սուրբ եւ անմահ պատարագի առաջնորդանիստ Ս. Սարգիս մայր եկեղեցում տեղի ունեցաւ լանջախաչ կրելու իրաւունքի շնորհում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։