Հա

Համայնք

04/04/2018 - 08:05

Հանդիսաւոր ս. պատարագ Տեառն Մերոց Յիսուսի Քրիստոսի Գալստեան տօնի առիթով

Թւականիս կիրակի, մարտի 25-ի առաւօտեան Թեհրանի բոլոր եկեղեցիներում տեղի ունեցաւ հանդիսաւոր ս. պատարագ, Յիսուս Քրիստոսի Երուսաղէմ յաղթական մուտքի առիթով:

Թւականիս կիրակի, մարտի 25-ի առաւօտեան Թեհրանի բոլոր եկեղեցիներում տեղի ունեցաւ հանդիսաւոր ս. պատարագ, Յիսուս Քրիստոսի Երուսաղէմ յաղթական մուտքի առիթով: 

Պատարագի ընթացքին նաեւ կատարւեց հոգեւորականներից, մանուկներից ու հաւատացեալ ժողովրդից բաղկացած ու կազմւած խորհրդանշական թափօրը: խուռներամ բազմութեամբ մեր ժողովրդի զաւակները ողողել էին եկեղեցիներն ու նրանց բակերը: Որոշ եկեղեցներում թափօրը կատարւեց նոյնինքն եկեղեցու շրջափակում իսկ այլ եկեղեցիներում էլ եկեղեցուց դուրս՝ թաղամասում: 

Ս. Սարգիս առաջնորդանիստ մայր եկեղեցում պատարագեց եւ յաւուր պատշաճի քարոզեց թեմիս առաջնորդ՝ գերշ. Տ. Սեպուհ Ս. արք. Սարգսեանը, Սրբոց Թարգմանչաց եկեղեցում՝ առաջնորդական փոխանորդ՝ գերշ. Տ. Մակար Ս. եպս. Աշգարեանը, Ս. Գրիգոր Լուսաւորիչ եկեղեցում՝ հոգշ. Տ. Վիգէն վրդ. Տալգլըճեանը եւ Սրբոց Վարդանանց եկեղեցում՝ հոգշ. Տ. Արտաւազդ աբղ. Շարոյեանը: 

Ս. Սարգիս մայր եկեղեցում, Ս. պատարագի աւարտին, Սրբազան Հայրն իր քարոզի սկզբին նախ բացատրեց Ծաղկազարդի խորհրդի մասին եւ ասաց՝ «Մեր Փրկչի՝ Յիսուս Քրիստոսի յաղթական մուտքը Երուսաղէմ, մի տօն է, որով սկսւում է Քրիստոսի երկրաւոր կեանքի վերջին հանգրւանը, որ պիտի աւարտւի իր հրաշափայլ յարութեամբ»: «Քրիստոսը կամաւորաբար, ակնյայտ կերպով մուտք է գործում Երուսաղէմ, ժողովրդին երկու բան ասելու՝ առաջին, որ ինքը գալիս է որպէս խաղաղութեան Իշխան, դրա համար նա իշու վրայ նստած է մտնում Երուսաղէմ, քանի որ էշը խաղաղութեան խորհրդանիշ է: Երկրորդ՝ ժողովրդի այդ խանդավառ ընդունելութիւնը, վկայութիւնն է ի ներքուստ ընդունելու Քրիստոսի յաւիտենական Թագաւոր լինելը: Մի անգամ եւս Քրիստոս բացայայտեց Աստւածաշնչական ճշմարտութիւնները, հաստատեց, վկայեց եւ ժողովրդին յիշեցրեց, որ Տաճարը աղօթքի վայր է, ոչ ուրիշ բանի»: Իր քարոզի վերջում Սրբազան Հայրը գնահատեց մանուկներին, թելադրելով, որ միշտ եկեղեցի գան եւ բարի երեխաներ լինեն: 

Պատարագի աւարտին երգեցիկ խմբի, երեխաների ու ծնողների ընկերակցութեամբ՝ թափօրով առաջնորդ Սրբազան Հայրը առաջնորդւեց դէպի Առաջնորդարանի դահլիճ, որտեղ իր հայրական գնահատանքի եւ օրհնութեան խօսքը ուղղեց մանուկներին եւ նրանց ծնողներին, քաջալերեց եւ իր ուրախութիւնը յայտնեց նրանց մասնակցութեանը համար: Իր խօսքի աւարտին մանուկներին բաժանեց Ս. Սարգիս եկեղեցու եկեղեցական խորհրդի կողմից պատրաստւած մի փոքրիկ նւէր:

Նոյն օր երեկոյեան նոյնպէս բոլոր եկեղեցիներում տեղի ունեցաւ մեր եկեղեցու իւրայատուկ Դռնբացէքի արարողութիւնը: Սոյն արարողութիւնը իր մէջ պատկերում է Քրիստոսի երկրորդ գալուստով տեղի ունենալիք ահաւոր ու սարսափազդու վերջին դատաստանը, մեղաւորների դատապարտումը եւ արդարների ու սուրբերի յաւիտենական ու երկնային արքայութեան երանական վայելքը:

Ազգային առաջնորդարանի Հանրային կապ

Յարակից լուրեր

  • Ցեղասպանութեան խորհրդով ապրել եւ գործել ի խնդիր պայծառ ապագայի
    Ցեղասպանութեան խորհրդով ապրել եւ գործել ի խնդիր պայծառ ապագայի

    Ճիշտ հարիւր չորս տարիներ առաջ, երբ մեր ժողովուրդը իր հայրենի հողի վրայ, իր տներում պատրաստւում էր տօնելու իր Փրկչի Հրաշափառ Յարութեան տօնը, յանկարծ չարանենգ թշնամին իր սատանայական մտածումներով ու խաւարագոյն ծրագիրների իրագործման հեռանկարով սկսեց մեր ժողովրդի բնաջնջման եւ անխնայ, անգութ, անմարդկային ու գազանաբարոյ կերպերով ու միջոցներով աւելի քան մէկուկէս միլիոն մարդ գողգոթացեալ կեանքով դէպի մահ առաջնորդեց։

  • Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ
    Ինչո՞ւ էք ողջին մեռելների մէջ փնտրում, նա այստեղ չէ, յարութիւն առաւ

    Քրիստոսի Հրաշափառ Յարութեան խորհրդով մեզ շնորհւած նոր կեանքը պէտք է դարձնենք մեկնակէտ աստւածատուր կեանքի, որ է սիրոյ, զոհողութեան ու նւիրումի, բարեգործութեան ու խաղաղութեան կեանք, չարի վրայ տարւած յաղթական կեանք։ Չմոռանանք, որ Քրիստոս իր Յարութեամբ չարը խափանեց եւ բարի կեանքով մեզ արժանացրեց իր շնորհքին եւ օրհնութեան։

  • Յիշատակ տասն կուսանաց
    Յիշատակ տասն կուսանաց

    Տասը կոյսերի յիշատակին նւիրւած խորհրդաւոր օրւայ առիթով, թւականիս երեքշաբթի ապրիլի 16-ի երեկոյեան Թեհրանի բոլոր եկեղեցիներում տեղի ունեցաւ տասը կոյսերին նւիրւած յիշատակի արարողութիւնը:

  • Թ. Հ. Թ. առաջնորդը շնորհաւորել է Բանակի օրը
    Թ. Հ. Թ. առաջնորդը շնորհաւորել է Բանակի օրը

    Թեհրանի հայոց թեմի առաջնոդը՝ Իրանի Իսլ. Հանրապետութեան Բանակի օրւայ կապակցութեամբ շնորհաւորական ուղերձ է յղել յեղափոխութեան առաջնորդ այաթ. Խամենէիին: Ուղերձում մասնաւորապէս նշւած է. «Մի երկրի եւ նրա ժողովրդի ապահովութեան, խաղաղ կեցութեան, անվտանգութեան երաշխիքը իր բանակն է, քաջ ու մարտունակ բանակը։

  • Կոչ մեր սիրելի ժողովրդին
    Կոչ մեր սիրելի ժողովրդին

    Տօնական այս օրերին, երբ Աւագ Շաբաթւայ խորհրդով ենք ապրում, կոչ եմ անում մեր ժողովրդի սիրելի զաւակներին, որ իրենց անվերապահ մասնակցութիւնը բերեն Իրանի տարբեր շրջաններում տեղի ունեցած աղէտի պատճառով տուն-տեղ կորցրած աղէտահարների համար ընթացքի մէջ եղող հանգանակութեան։

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։