Հա

Համայնք

10/04/2018 - 16:30

Հայոց Ցեղասպանութեան 103-րդ տարելիցին նւիրւած միջոցառումները՝ Թեհրանի հայոց թեմում

Թեհրանի հայոց թեմի Թեմական խորհրդի կողմից կեանքի կոչւած Հայոց Ցեղասպանութեան 103-րդ տարելիցի միջոցառումները կազմակերպող Կենտրոնական յանձնախմբի: Իրականացած աշխատանքները հանրութեան սեփականութիւնը դարձնելու նպատակով ներկայ գտնւելով յանձնախմբի ժողովին, հարցազրոյց ենք նախաձեռնել ատենապետ Արամ Շահնազարեանի հետ:

«ԱԼԻՔ», Կ. Դ. - Թեհրանի հայոց թեմի Թեմական խորհրդի կողմից կեանքի կոչւած Հայոց Ցեղասպանութեան 103-րդ տարելիցի միջոցառումները կազմակերպող Կենտրոնական յանձնախմբի: Իրականացած աշխատանքները հանրութեան սեփականութիւնը դարձնելու նպատակով ներկայ գտնւելով յանձնախմբի ժողովին, հարցազրոյց ենք նախաձեռնել ատենապետ Արամ Շահնազարեանի հետ: Նա ընդգծել է. «Միջոցառումների շարանում նախատեսւած են աշակերտութեան համար մի շարք ծրագրեր, համագործակցութեամբ Թ. Հ. Թ. Կրթական խորհրդի: Տարրական դպրոցի աշակերտութիւնը ըստ աւանդոյթի, իւրաքանչիւր քաղաքամասի եկեղեցու շրջափակում տեղադրւած Հայոց Ցեղասպանութեան զոհերի յուշարձանի մօտ ծաղիկներ տեղադրելով յարգանքի տուրք է մատուցելու, իսկ միջնակարգ օղակի աշակերտները ապրիլի 18-ին համատեղ ծրագրով համախմբւելու են «Արարատ» մարզաւանի «Սասունցի Դաւիթ» սրահում. այս տարի նաեւ կազմակերպւել է գիտելիքների մրցութիւն, որի ընթացքում հարցեր են տեղադրւելու «թելեգրամ»-ի էջի եւ կայքէջի վրայ, որը կը յայտարարւի, որպէսզի ստուգւի աշակերտութեան իրազեկութիւնը պատմութեան մասինե: Անդրադառնալով ապրիլի 23-ից իրականացւող ծրագրերին, յանձնախմբի ատենապետը նշեց, որ ընկալեալ սովորութեան համաձայն, ապրիլի 23-ի երեկոյեան Թեհրանի Ս. Սարգիս եկեղեցու շրջափակում կատարւելու է ծաղիկների մատուցման եւ հոգեհանգստեան արարողութիւն, որին յաջորդելու է «Ռոստոմ» երիտասարդական միութեան կողմից կազմակերպւող երիտասարդական համահաւաքը:

Ապրիլի 24-ի առաւօտեան, Ս. Սարգիս եկեղեցում հոգեհանգստեան արարողութիւնից յետոյ մեծ հաւանականութեամբ երթ դէպի Թեհրանում Թուրքիայի դեսպանատուն եւ համահաւաք, իսկ գլխաւոր գեղարւեստական միջոցառումը՝ «ՀՈՒՍԿ»-ի նախաձեռնութեամբ տեղի է ունենալու «Արարատ» մարզաւանի «Վաչիկ Ղարաբէգեան» սրահում:

Նա նշեց, որ յանձնախումբը հանդիպում է նախաձեռնել միութիւնների ներկայացուցիչների հետ, իրազեկ դառնալու միութիւնների ծրագրերին եւ կանխելու ծրագրերի խաչաձեւումը: Նա աւելացրեց, որ արդէն ընթացքի մէջ է փոստերի պատրաստումը եւ գլխաւոր կարգախօսի ընտրութիւնը: Անդրադառնալով արտաքին քարոզչութեանը, Արամ Շահնազարեանը ընդգծեց. «Այս տարի արտաքին քարոզչութեան առանցքն ընտրել ենք հետեւեալը, որի մասին իրազեկելու ենք իրանական հանրութեանը՝ Հայոց Ցեղասպանութիւնը որպէս 20-րդ դարի անպատիժ մնացած Ցեղասպանութիւն, յանգեցրել այսօրւայ աշխարհում ցեղասպանութիւնների եւ ոճրագործութիւնների շարունակման, Թուրքիան տարածաշրջանային ագրեսիւ քաղաքականութիւնների Սիրիայում քուրդերի դէմ եւ ոտնձգութիւնը այլ երկրների տարածքային ամբողջականութեան դէմ եւ առգոյ են նէոօսմանական նկրտումներ»:

Անդրադառնալով համայնքային ծրագրերի առացքին, նա նշեց, որ համայնքային ծրագրերի հիմքում կարեւորւելու է Հայաստանի Հանրապետութեան 100-ամեակը, որպէս հայ ժողովրդի ապրելու կամքի դրսեւորումը:

Նրա հաւաստմամբ նախատեսւած է իրանական լրատւամիջոցների համար մամլոյ ասուլիս եւ լուսաբանական հանդիպում, իսկ ապրիլի 22-ի երեկոյեան իրանցի մտաւորականների համար իւրայատուկ միջոցառում՝ «Արարատ» մարզաւանի «Վաչիկ Ղարաբէգեան» սրահում, նախաձեռնութեամբ «ՀՈՒՍԿ»հաստատութեան:

Ստորեւ ներկայացւում է Թ. Հ. Թ. Թեմական խորհրդի կողմից կեանքի կոչւած յանձնախմբի անւանացանկը.

Արամիկ Շանազարեան

Արփի Աբնուսեան

Արա Աւետեան

Արթին Բաբայեան

Լորիս Մինասեան

Նայիրի Յարութիւնեան

Անդրանիկ Իբրանոսեան

Սեդա Թարվերդեան

Ռոստոմ Մարգարեան

Ռէյմոնդ Շահնազարեան

Արմոնդ Մովսիսեան

Յանձնախմբի հետ կապ Թեմական խորհրդի ներկայացուցիչ փոխատենապետ Վարուժ Յովհաննիսեան:

Յարակից լուրեր

  • «Մեր ամբողջ ջանքն այն է, որ եթէ սիրիահայերը մեկնեն Լիբանանից, Հայաստան մեկնեն». Յակոբ Բագրատունի
    «Մեր ամբողջ ջանքն այն է, որ եթէ սիրիահայերը մեկնեն Լիբանանից, Հայաստան մեկնեն». Յակոբ Բագրատունի

    Լիբանանահայ համայնքի կեանքի, դժւարութիւնների, Հայաստան-Լիբանան յարաբերութիւնների եւ յարակից այլ հարցերի շուրջ «Yerkir.am»-ը եւ «Շանթ» ՀԸ-ն զրուցել են ՀՅԴ Լիբանանի Կենտրոնական կոմիտէի ներկայացուցիչ, Լիբանանի խորհրդարանում հայկական պատգամաւորական բլոկի ներկայացուցիչ Յակոբ Բագրատունու հետ:

  • Հազարաւոր վայրեր ծածկանուններ ունէին, օրինակ՝ ծաղիկը կամ Վիշապը՝ Պոլիսն էր…
    Հազարաւոր վայրեր ծածկանուններ ունէին, օրինակ՝ ծաղիկը կամ Վիշապը՝ Պոլիսն էր…

    Պէտք է մօտէն ճանչնալ Երուանդ Փամպուքեանը։ Պատմաբան, ուսուցիչ, խմբագիր, ծածկագրագէտ, ապրած է մտաւորական ու կրթական բեղուն կեանք մը։ 86 տարեկան հասակին տակաւին երիտասարդի աւիւնով կ՚աշխատի, կը հետազօտէ։ 

    2017-ին լոյս ընծայեց՝ «Մեծ Եղեռնի առաջին վաւերագրողը՝ Շաւարշ Միսաքեան» հատորը, որուն առաջին բաժինը՝ «Նամակներ Պոլսոյ թաքստոցներէն», կ՚ընդգրկէ Շաւարշ Միսաքեանի նամակները, գրուած՝ 1915-ին եւ ուղղուած՝ Սոֆիա, ՀՅԴ Պալքանեան Կեդրոնական կոմիտէին։

  • Խորհրդակցական քննարկումներ՝ ազգային առաջնորդարանում
    Խորհրդակցական քննարկումներ՝ ազգային առաջնորդարանում

    Թեմական եւ Կրթական խորհուրդները նկատի ունենալով համայնքում օրըստօրէ զարգացող կրթական հարցերը եւ դժւարութիւնները, համատեղ կազմակերպել են խորհրդակցական հանդիպում, քննարկելու համար դպրոցների վերադասաւորման հեռանկարային ծրագրերը, որը կարիք ունի համայնքային-միակամ որոշումների եւ աշխատանքների, միշտ նկատի առնելով համայնքի օգտին եւ բարելաւման համար կատարւող քայլերը:

  • Գնահատանքի միջոցառում՝ ի պատիւ Սայիդ Թաղաւիի երկարատեւ աշխատանքների
    Գնահատանքի միջոցառում՝ ի պատիւ Սայիդ Թաղաւիի երկարատեւ աշխատանքների

    Աւելի քան 20 տարի է ինչ Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով պատասխանատուն էր Սայիդ Թաղաւին, որի աշխատանքային շրջանը այդ հանգամանքում իր աւարտին է հասել:

  • Գնահատանքի միջոցառում՝ ի պատիւ Սայիդ Թաղաւիի երկարատեւ աշխատանքների
    Գնահատանքի միջոցառում՝ ի պատիւ Սայիդ Թաղաւիի երկարատեւ աշխատանքների

    Աւելի քան 20 տարի է ինչ Իսլամական մշակոյթի եւ առաջնորդութեան նախարարութեան կրօնական փոքրամասնութիւնների հարցերով պատասխանատուն էր Սայիդ Թաղաւին, որի աշխատանքային շրջանը այդ հանգամանքում իր աւարտին է հասել:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։