Հա

Համայնք

10/04/2018 - 16:30

Հայոց Ցեղասպանութեան 103-րդ տարելիցին նւիրւած միջոցառումները՝ Թեհրանի հայոց թեմում

Թեհրանի հայոց թեմի Թեմական խորհրդի կողմից կեանքի կոչւած Հայոց Ցեղասպանութեան 103-րդ տարելիցի միջոցառումները կազմակերպող Կենտրոնական յանձնախմբի: Իրականացած աշխատանքները հանրութեան սեփականութիւնը դարձնելու նպատակով ներկայ գտնւելով յանձնախմբի ժողովին, հարցազրոյց ենք նախաձեռնել ատենապետ Արամ Շահնազարեանի հետ:

«ԱԼԻՔ», Կ. Դ. - Թեհրանի հայոց թեմի Թեմական խորհրդի կողմից կեանքի կոչւած Հայոց Ցեղասպանութեան 103-րդ տարելիցի միջոցառումները կազմակերպող Կենտրոնական յանձնախմբի: Իրականացած աշխատանքները հանրութեան սեփականութիւնը դարձնելու նպատակով ներկայ գտնւելով յանձնախմբի ժողովին, հարցազրոյց ենք նախաձեռնել ատենապետ Արամ Շահնազարեանի հետ: Նա ընդգծել է. «Միջոցառումների շարանում նախատեսւած են աշակերտութեան համար մի շարք ծրագրեր, համագործակցութեամբ Թ. Հ. Թ. Կրթական խորհրդի: Տարրական դպրոցի աշակերտութիւնը ըստ աւանդոյթի, իւրաքանչիւր քաղաքամասի եկեղեցու շրջափակում տեղադրւած Հայոց Ցեղասպանութեան զոհերի յուշարձանի մօտ ծաղիկներ տեղադրելով յարգանքի տուրք է մատուցելու, իսկ միջնակարգ օղակի աշակերտները ապրիլի 18-ին համատեղ ծրագրով համախմբւելու են «Արարատ» մարզաւանի «Սասունցի Դաւիթ» սրահում. այս տարի նաեւ կազմակերպւել է գիտելիքների մրցութիւն, որի ընթացքում հարցեր են տեղադրւելու «թելեգրամ»-ի էջի եւ կայքէջի վրայ, որը կը յայտարարւի, որպէսզի ստուգւի աշակերտութեան իրազեկութիւնը պատմութեան մասինե: Անդրադառնալով ապրիլի 23-ից իրականացւող ծրագրերին, յանձնախմբի ատենապետը նշեց, որ ընկալեալ սովորութեան համաձայն, ապրիլի 23-ի երեկոյեան Թեհրանի Ս. Սարգիս եկեղեցու շրջափակում կատարւելու է ծաղիկների մատուցման եւ հոգեհանգստեան արարողութիւն, որին յաջորդելու է «Ռոստոմ» երիտասարդական միութեան կողմից կազմակերպւող երիտասարդական համահաւաքը:

Ապրիլի 24-ի առաւօտեան, Ս. Սարգիս եկեղեցում հոգեհանգստեան արարողութիւնից յետոյ մեծ հաւանականութեամբ երթ դէպի Թեհրանում Թուրքիայի դեսպանատուն եւ համահաւաք, իսկ գլխաւոր գեղարւեստական միջոցառումը՝ «ՀՈՒՍԿ»-ի նախաձեռնութեամբ տեղի է ունենալու «Արարատ» մարզաւանի «Վաչիկ Ղարաբէգեան» սրահում:

Նա նշեց, որ յանձնախումբը հանդիպում է նախաձեռնել միութիւնների ներկայացուցիչների հետ, իրազեկ դառնալու միութիւնների ծրագրերին եւ կանխելու ծրագրերի խաչաձեւումը: Նա աւելացրեց, որ արդէն ընթացքի մէջ է փոստերի պատրաստումը եւ գլխաւոր կարգախօսի ընտրութիւնը: Անդրադառնալով արտաքին քարոզչութեանը, Արամ Շահնազարեանը ընդգծեց. «Այս տարի արտաքին քարոզչութեան առանցքն ընտրել ենք հետեւեալը, որի մասին իրազեկելու ենք իրանական հանրութեանը՝ Հայոց Ցեղասպանութիւնը որպէս 20-րդ դարի անպատիժ մնացած Ցեղասպանութիւն, յանգեցրել այսօրւայ աշխարհում ցեղասպանութիւնների եւ ոճրագործութիւնների շարունակման, Թուրքիան տարածաշրջանային ագրեսիւ քաղաքականութիւնների Սիրիայում քուրդերի դէմ եւ ոտնձգութիւնը այլ երկրների տարածքային ամբողջականութեան դէմ եւ առգոյ են նէոօսմանական նկրտումներ»:

Անդրադառնալով համայնքային ծրագրերի առացքին, նա նշեց, որ համայնքային ծրագրերի հիմքում կարեւորւելու է Հայաստանի Հանրապետութեան 100-ամեակը, որպէս հայ ժողովրդի ապրելու կամքի դրսեւորումը:

Նրա հաւաստմամբ նախատեսւած է իրանական լրատւամիջոցների համար մամլոյ ասուլիս եւ լուսաբանական հանդիպում, իսկ ապրիլի 22-ի երեկոյեան իրանցի մտաւորականների համար իւրայատուկ միջոցառում՝ «Արարատ» մարզաւանի «Վաչիկ Ղարաբէգեան» սրահում, նախաձեռնութեամբ «ՀՈՒՍԿ»հաստատութեան:

Ստորեւ ներկայացւում է Թ. Հ. Թ. Թեմական խորհրդի կողմից կեանքի կոչւած յանձնախմբի անւանացանկը.

Արամիկ Շանազարեան

Արփի Աբնուսեան

Արա Աւետեան

Արթին Բաբայեան

Լորիս Մինասեան

Նայիրի Յարութիւնեան

Անդրանիկ Իբրանոսեան

Սեդա Թարվերդեան

Ռոստոմ Մարգարեան

Ռէյմոնդ Շահնազարեան

Արմոնդ Մովսիսեան

Յանձնախմբի հետ կապ Թեմական խորհրդի ներկայացուցիչ փոխատենապետ Վարուժ Յովհաննիսեան:

Յարակից լուրեր

  • Ամբոխավարութիւն` իր ամենաբացարձակ ու էժան տեսքով
    Ամբոխավարութիւն` իր ամենաբացարձակ ու էժան տեսքով

    Ես չեմ էլ կասկածում, որ ոչ հեռու ապագայում Նիկոլ Փաշինեանից մէջբերումներ կանեն ոչ միայն որպէս քաղաքական գործչի, ՀՀ վարչապետի, այլեւ մի մարդու, որը մեծ աւանդ ունի Հայաստանում ամբոխավարութիւնը բոլորովին նոր «մակարդակի» բարձրացնելու գործում:

  • Սորոսի փայաբաժին կամ «Անասնաֆերմա»-ի օրինակով
    Սորոսի փայաբաժին կամ «Անասնաֆերմա»-ի օրինակով

    Մերօրեայ իրականութիւնը շատ է նման Ջորջ Օրւէլի «Անասնաֆերմա»-ին: 1917 թւականի բոլշեւիկեան յեղափոխութեան եւ դրան յաջորդած ստալինիզմի ժամանակաշրջանին վերաբերող քաղաքական սատիրայի եւ հակաուտոպիական ժանրից այս վիպակը, կարծես, ճիշտ ու ճիշտ գրւած է նաեւ մեր օրերի Հայաստանի համար: «Անասնաֆերմա»-ի պէս մեզ մօտ էլ շատ արագ ի յայտ է եկել, այսպէս կոչւած, արտօնեալների մի խաւ, որը մտել է «Անասնաֆերմա»-ի նոր տէրերի կերպարի մէջ՝ իւրացնելով նրանց կարգախօսը` «Բոլոր չորքոտանիները հաւասար են, իսկ երկոտանիները՝ աւելի հաւասար»: Նոր Հայաստանի մերօրեայ «տէրերն» իրենց թոյլ են տալիս այն բոլորը, ինչ մտքներով կանցնի. չէ՞ որ նրանք են մեր իրականութեան պարոն Ջոնզին վռնդել ֆերմայից եւ մեզ պարգեւել այնքան երազած ազատութիւնը: Նրանք հիմա ամենակարող տէր ու տնօրէններ, ամենաարդար դատաւորներն են` կարող են զրպարտել, մեղադրել ու դատապարտել ցանկացած մարդու, ով կը համարձակւի ընդդիմանալ իրենց եւ հակառակ կարծիք արտայայտել:

  • Սաստելով չի կարելի մարդկանց մղել աշխատելու
    Սաստելով չի կարելի մարդկանց մղել աշխատելու

    «Հայոց Աշխարհ»-ի հարցազրոյցը ՀՅԴ Բիւրոյի տնտեսական հետազօտութիւնների գրասենեակի ծրագրերի համակարգող, տնտեսագէտ Թադէոս Աւետիսեանի հետ:

  • Արամ Ա-ի հռչակած Վերանորոգման եւ վերականգնման տարին Հալէպում նոր թափ է ստանում
    Արամ Ա-ի հռչակած Վերանորոգման եւ վերականգնման տարին Հալէպում նոր թափ է ստանում

    Սիրիայի`եօթ տարի տեւած պատերազմից ամենաշատը տուժած քաղաքներից մէկը, անկասկած, հայաբնակ Հալէպն էր: 2016 թւականի դեկտեմբերի 12-ին սիրիական բանակի ջանքերով Հալէպի ազատագրումից անմիջապէս յետոյ սկսւեցին քաղաքի վերակերտման աշխատանքները: Քաղաքի վերականգնման աշխատանքների, վնասներ կրած ազգային կառոյցների, հայ աշակերտութեան եւ խաղաղութեան հաստատումից յետոյ Հալէպ վերադարձողների մասին «yerkir.am»-ը զրուցել է հալէպահայ գրող-վերլուծաբան Յարութ Օրտեքեանի հետ:

  • «Ջամալը երբեք այլախոհ չի եղել». սպանւած սաուդցի լրագրողի որդիները հարցազրոյց են տւել «CNN»-ին
    «Ջամալը երբեք այլախոհ չի եղել». սպանւած սաուդցի լրագրողի որդիները հարցազրոյց են տւել «CNN»-ին

    Ստամբուլում Սաուդական Արաբիայի հիւպատոսարանում սպանւած ընդդիմադիր սաուդցի լրագրող Ջամալ Խաշեղջիի որդիները «CNN» հեռուստաալիքին տւած հարցազրոյցում պատմել են, որ իրենց հայրն իրականում աջակցում էր սաուդական միապետութեանն ու հաւատում թագաւորութեան ներուժին: 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։