Հա

Համայնք

19/04/2018

Թ. Հ. Թ. Կրթական խորհրդի նախաձեռնութեամբ՝ պահանջատէր հայ աշակերտը ոգեկոչեց Հայոց Ցեղասպանութեան զոհերի յիշատակը

Հայոց Ցեղասպանութեան պահանջատիրական ոգով լիցքաւորւած հայ նոր սերունդը, իր բողոքի եւ պահանջատիրութեան ձայնը բարձրացրեց ի լուր աշխարհի:

«ԱԼԻՔ» - Հայոց Ցեղասպանութեան պահանջատիրական ոգով լիցքաւորւած հայ նոր սերունդը, իր բողոքի եւ պահանջատիրութեան ձայնը բարձրացրեց ի լուր աշխարհի:

Հայոց Ցեղասպանութեան 103-րդ տարելիցի մեծարման միջոցառումների, որպէս անդրանիկ ծրագիր, չորեքշաբթի, ապրիլի 18-ի առաւօտեան, Թեհրանի հայոց դպրոցների միջնակարգ օղակի աշակերտ-աշակերտուհիները, նաեւ Ուրբաթօրեայ դասընթացների աշակերտները համախմբւեցին «Արարատ» մարզաւանի «Սասունցի Դաւիթ» սրահում, յարգելու՝ Հայոց Ցեղասպանութեան սրբադասւած նահատակների անմեռ յիշատակը:

Թ. Հ. Թ. Կրթական խորհրդի կողմից նախաձեռնւած աշակերտական հաւաք-ծաղիկների մատուցումը իրականացաւ հէնց աշակերտ-աշակերտուհիների կողմից ներկայացւած գեղարւեստական-պահանջատիրական ծրագրի շրջանակում:

Ձեռնարկի ընթացքում ընթերցւեց Թ. Հ. Թ. առաջնորդ Սրբազան Հօր պատգամ ուղղւած աշակերտութեան:

Ելոյթով հանդէս եկան դպրոցների երգչախմբերը եւ Թ. Հ. Թ. Կրթական խորհրդի նախաձեռնութեամբ Մշակութային փառատօնի մասնակցած ասմունքողները եւ երգողները:

Ձեռնարկին մասնակցող աշակերտութեան մեծ լիցք հաղորդեց Պատանեկան կազմակերպութեան նւագախումբը:

Աշակերտները օրւայ խորհուրդը բնորոշող կարգախօսեր էին վանկարկում, որոնք էլ աւելի էին շեշտադրում եւ խորհրդանշում Հայ Դատի պահանջատիրական հոլովոյթը:

Յատկանշական է, որ այս տարւայ միջոցառումը դրսեւորում էր հայ ժողովրդի գոյատեւման ու վերածնունդի խորհուրդը եւ ներկայացնում Հայոց Ցեղասպանութիւնից երեք տարի անց Մայիսեան յաղթանակով յարութիւն առած հայ ժողովրդի անկոտրուն ոգին, որը դրսեւորւեց Մայիս 28-ով, որի 100-ամեակն է նշւելու այս տարի՝ հայ աշխարհի միջոցով:

Յարակից լուրեր

  • Վերամուտի առիթով հանդիպում
    Վերամուտի առիթով հանդիպում

    Հանդիպման հիմնական նպատակը համատեղ կերպով քննարկելն էր՝ մեր դպրոցների հետ կապւած հարցեր, յատկապէս կրօնի եւ Ադեանի դասանիւթերի եւ այդ նիւթերը դասաւանդող ուսուցիչների աշխատանքի եւ դասապահերի հետ։ Խօսւեց նաեւ դպրոցական 2018-2019 տարեշրջանի վերամուտի հետ կապւած հարցերի մասին։

  • Հաղորդագրութիւն
    Հաղորդագրութիւն

    Որախութեամբ յայտնում ենք, Թ.Հ.Թ. Կրթական խորհրդի ջանքերի շնորհիւ արտօնութիւն ենք ստացել հայոց ազգային «Մարիամեան» դպրոցում կազմել միջնակարգ Բ օղակ (ուսողական ճիւղ):

  • Ասմունքի մրցութեանը մասնակցող աշակերտները մեծ խանդավառութեամբ մեկնեցին Շուշի
    Ասմունքի մրցութեանը մասնակցող աշակերտները մեծ խանդավառութեամբ մեկնեցին Շուշի

    2018 թ. յուլիսի 31-ից մինչեւ օգոստոսի 2-ը ՀՀ Սփիւռքի նախարարութեան, ԼՂՀ Կրթութեան եւ գիտութեան նախարարութեան եւ «Աւան Շուշի Պլազա» հիւրանոցային համալիրի նախաձեռնութեամբ ու աջակցութեամբ Շուշիում կանցկացւի ասմունքի Համահայկական 7-րդ փառատօնը, որը նւիրւած է «Արցախեան շարժման» 30-ամեակին:

  • Համահայկական օլիմպիադայից յաղթանակած վերադարձան թեհրանահայ աշակերտները
    Համահայկական օլիմպիադայից յաղթանակած վերադարձան թեհրանահայ աշակերտները

    Օլիմպիադային մասնակցող 5 աշակերտներից՝ Սաթենիկ Շահիջանեանը, Մենուա Իսկանդարեանը եւ Ադենա Հայրապետեանը յաջորդաբար արժանացան առաջին, երկրորդ եւ երրորդ կարգի դիպլոմների, իսկ Մինէ Նազարեանը ինտելեկտուալ խաղում՝ յաղթող ճանաչւեց եւ ստացաւ շնորհակալոգիր: 

  • Թեհրանահայ աշակերտների մեկնումը Հայաստան՝ մասնակցելու Բնագիտական համահայկական օլիմպիադային
    Թեհրանահայ աշակերտների մեկնումը Հայաստան՝ մասնակցելու Բնագիտական համահայկական օլիմպիադային

    Հայաստանի Հանրապետութեան կրթութեան եւ գիտութեան նախարարութիւնը 2018 թւականի յուլիսի 12-ից 16-ը կազմակերպել է դպրոցականների չորրորդ համահայկական բնագիտական օլիմպիադան` ֆիզիկա եւ մաթեմատիկա առարկաներից:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։