Հա

Համայնք

29/04/2018

Դրական հանգուցալուծման ակնկալիքով

Սփիւռքում համայնքային միութիւնները իրենց գոյութեամբ հայապահպանութեան կարեւոր կռւաններից են համարւում եթէ ոչ՝ հիմնական: Այդ առումով նրանց պահպանումը մեծ նշանակութիւն ունի համայնքային օրակարգում:

«ԱԼԻՔ» - Սփիւռքում համայնքային միութիւնները իրենց գոյութեամբ հայապահպանութեան կարեւոր կռւաններից են համարւում եթէ ոչ՝ հիմնական: Այդ առումով նրանց պահպանումը մեծ նշանակութիւն ունի համայնքային օրակարգում:

Վերջերս Հ. Մ. Մ. «Րաֆֆի» համալիրի տարածքի շուրջ ծագած խնդիրը, որը տարածքային պահպանման առումով մտահոգութիւն է պատճառել բոլորիս, կարծես հանգուցալուծման նշոյլներ է ցոյց տալիս: Յուսադրող էր Թ. Հ. Թ. Թեմական խորհրդի ատենապետ Ռոբերտ Բեգլարեանի հետ երէկ մեր կարճ հեռախօսազրոյցը, ով նշեց, որ նոյն օրը (ապրիլի 28-ին) նախապէս ժամադրւածութեան համաձայն, Թեհրան նահանգի Սպորտի եւ երիտասարդութեան գերատեսչութեան գրասենեակում միութեան դատա-իրաւական խնդրի շուրջ ժողով է գումարւել, որին ներկայ են եղել յիշեալ հիմնարկի տնօրէն՝ Գոլմոհամմադին, ինչպէս նաեւ իրաւական հարցերի պատկան գրասենեակի պատասխանատուներից: Ժողովին ներկայ են եղել նաեւ հարցով շահագրգիռ Իրանի Իսլ. խորհրդարանում հիւսիսային իրանահայութեան պատգամաւոր դոկտ. Կարէն Խանլարեանը, պարոն Բեգլարեանը, վարչութեան նախագահ Վիգէն Մանդանեանը եւ փոխնախագահ Ռուբիկ Սարդարեանը:

Թեմական խորհրդի ատենապետը կարեւորութեամբ մատնանշեց այն հանգամանքը, որ շուրջ 45 րոպէ երկարող հանդիպմանը մանրամասն քննարկւեց առկայ իրավիճակը եւ դոկտ. Կարէն Խանլարեանի պնդմամբ, ինչպէս նաեւ ներկաների տւած պարզաբանումներից յետոյ, հիմնարկի տնօրէնը իր ենթականերին եւ գործընկերներին հրահանգեց եւ խստիւ յանձնարարեց, որ հապճեպ հետեւեն հարցին ու նախաձեռնեն անհրաժեշտ քայլերը այս իրողութեան հանգուցալուծման ուղղութեամբ:

Զրոյցի աւարտին պարոն Բեգլարեանը յաւելեց, որ նման զարգացումներով ակնկալւում է, որ այդ կազմակերպութեան ջանքերով եւ յատկապէս խորհրդարանի պատգամաւորի հետեւողականութեան շնորհիւ ենթադրելի է, որ ականատեսը լինենք այս հարցի դրական հանգուցալուծմանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։