Հա

Համայնք

30/04/2018 - 09:30

«Թաթուլ Ալթունեան»-ի անւան պարի-երգի անսամբլի խումբը Ազգային առաջնորդարանում

Չորեքշաբթի, ապրիլի 25-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանը, առաջնորդարանի դահլիճում ընդունեց «Թաթուլ Ալթունեան»-ի պարի- երգի անսամբլի խմբի անդամներին:

Չորեքշաբթի, ապրիլի 25-ի առաւօտեան, թեմիս առաջնորդ՝ գերշ. Տ. Սեպուհ Ս. արք. Սարգսեանը, առաջնորդարանի դահլիճում ընդունեց «Թաթուլ Ալթունեան»-ի պարի- երգի անսամբլի խմբի անդամներին:

Խմբին ուղեկցում էին նաեւ Հ.Մ.Ա.Կ.-ի Կենտրոնական վարչութեան անդամների ներկայացուցիչները: 

Նախ խմբի ղեկավար՝ Ժիրայր Ալթունեանը ներկայացնելով խմբի աշխատանքները շեշտեց՝ «Խումբը մեծ աշխատանք է տարել հայ ժողովրդի եւ աշուղական երգերի ու պարերի փրոփականդումը, ոչ միայն Հայաստանում, այլ շատ-շատ օտար երկրներում: Խումբն առաջինն է, որ ներկայացրել է հայկական երգն ու պարը սփիւռքում»: «Առաջին երկիրը, որտեղ խումբը ելոյթ է ունեցել, Իրանն է եղել, 1944 թւականին»,- յաւելեց նա: 

Առաջնորդ Սրբազան Հայրը ջերմօրէն ողջունեց խմբի ներկայութիւնն Իրանում, մասնաւորապէս Թեհրանում եւ յայտնեց, 1964 թւականին, Լիբանանում ներկայ է եղել խմբի ելոյթին եւ ականատես եղել, թէ ինչ խանդավառութիւն է ստեղծել այդ ելոյթը լիբանանահայ գաղութի մէջ: Ապա շեշտեց՝ «Մեզանից իւրաքանչիւրն իր բնագաւառում մեծ առաքելութիւն ունի անելիք: Դուք արւեստի՝ երգի ու պարի բնագաւառում, ձեր ներդրումը բերում էք մեր մշակութային հոգեւոր արժէքներին եւ միեւնոյն ժամանակ փրոփականդիստ էք լինում, արւեստի գծով, մեր ժողովրդի արժէքներին: Դուք մի մեծ առաքելութեամբ էք լծւած եւ այդ առաքելութիւնը վկայութիւնն է մեր ժողովրդի գոյութենական լինելութեան»: 

Խումբն այցելեց նաեւ Ս. Սարգիս առաջնորդանիստ եկեղեցի: 

Նշենք, որ հինգշաբթի երեկոյեան, Սրբազան Հայրը եւ Թ. Հ. Թ. Թեմական խորհրդի ներկայացուցիչները մասնակցեցին խմբի ելոյթին, որը տեղի ունեցաւ Հ.Մ.Ա.Կ.-ի «Սասունցի Դաւիթ» սրահում: 

Ազգային առաջնորդարանի Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։