Հա

Համայնք

13/05/2018 - 15:00

Դոկտ. Կարէն Խանլարեանը Սիրիա կատարած այցի եւ տարածաշրջանային խնդիրների մասին պատասխանել է «Ալիք»-ի հարցերին

Հայաստանում տեղի ունեցած իշխանափոխութեան եւ դրան յաջորդած ու փոխկապակցւած իրադարձութիւնների մասին իրանական ԶԼՄ-ներում արձագանգների պակասը փորձագէտները պայմանաւորում են միմեանց զուգադիպող եւ միաժամանակ տեղի ունեցող մի քանի այլ իրադարձութիւններով: Նոյն կտրւածքով առաջին տեղում կարելի է տեսնել ԱՄՆ-ի ԲԱՐՋԱՄ-ից դուրս գալու միակողմանի յայտարարութիւնն ու դրան յաջորդած դիւանագիտական լարւած վիճակը:

«Հայաստանում տեղի ունեցածը բեկումնային ազդեցութեամբ դասական յեղափոխութիւն էր, ամենաքաղաքակիրթ մեթոդներով»

 

«ԱԼԻՔ» - Հայաստանում տեղի ունեցած իշխանափոխութեան եւ դրան յաջորդած ու փոխկապակցւած իրադարձութիւնների մասին իրանական ԶԼՄ-ներում արձագանգների պակասը փորձագէտները պայմանաւորում են միմեանց զուգադիպող եւ միաժամանակ տեղի ունեցող մի քանի այլ իրադարձութիւններով: Նոյն կտրւածքով առաջին տեղում կարելի է տեսնել ԱՄՆ-ի ԲԱՐՋԱՄ-ից դուրս գալու միակողմանի յայտարարութիւնն ու դրան յաջորդած դիւանագիտական լարւած վիճակը:

Սակայն, որպէս տարածաշրջանային, ինչպէս նաեւ երկկողմ յարաբերութիւններում վստահելի գործընկեր Հայաստանը Իրանի համար շարունակում է մնալ ռազմավարական նշանակութեամբ բարեկամ երկիր: Այս կապակցութեամբ, արդէն իսկ երեւան է գալիս, ինչպէս սոցիալական ցանցերում, նոյնպէս էլ Հայաստանեան մամուլի էջերով հրապարակումները, կապւած ՀՀ վարչապետ՝ Նիկոլ Փաշինեանին ուղղւելիք Իրանի Իսլ. Հանրապետութեան այրերի շնորհաւորական ուղերձի ուշացումը: Այս եւ տարածաշրջանում տեղի ունեցող այլ կարեւոր իրադարձութիւնների մասին հարցերով, դիմեցինք Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանին: Յիշեցնենք, որ իրանահայ պատգամաւորը մէկ շաբաթ առաջ է վերադարձել Սիրիայից, ուր գտնւում էր պաշտօնական այցով:

Խորհրդարանում Իրան-Հայաստան բարեկամութեան խմբի անդամ պատգամաւորը պատասխանելով վերջերս Սիրիա կատարած իր այցի նպատակի մասին հարցին նշեց, որ այցի շրջանակներում Իրանի Իսլ. Հանրապետութեան Մեջլիսի յատուկ պատւիրակութիւնը հանդիպումներ է անցկացրել Սիրիայի նախագահ Բաշար Ասադի, Սիրիայի խորհրդարանի նախագահի, նոյն երկրի ազգային Անվտանգութեան խորհրդի պետի, ինչպէս նաեւ Սիրիայի խորհրդարանի արտաքին քաղաքականութեան յանձնաժողովի անդամների հետ: Այցի ընթացքում իրանական պատւիրակութիւնը հասցրել է ծանօթանալ նաեւ Դամասկոսի Ջոբար քաղաքամասին, որը 7-ամեայ հակամարտութեան բերումով գրեթէ ամբողջապէս աւերւած վիճակում է գտնւում:

Պատգամաւորը տեղեկացրեց նաեւ, որ հանդիպել է Դամասկոսի հայոց թեմի առաջնորդին ու հայ համայնքի պատասխանատուներին:

Պատւիրակութեան կազմի մասին Կարէն Խանլարեանը մեզ յայտնեց, որ այցը կատարւել է Մեջլիսում անվտանգութեան հարցերով յանձնաժողովի անդամների ընկերակցութեամբ:

Հայաստանի Հանրապետութիւնում տեղի ունեցած իրադարձութիւնների մասին Իրան-Հայաստան բարեկամութեան խմբի անդամը ընդգծում է, որ տեղի ունեցածը դասական առումով քաղաքական յեղափոխութիւն կարելի է համարել, իր բոլոր ատրիբուտներով: «Այն ստեղծւեց, ընթացաւ, եւ յաջողութեամբ պսակւեց ամենաքաղաքակիրթ մեթոդներով: Այդ յեղափոխութեանը յաջողւեց բեկումնային ու շրջադարձային ազդեցութիւնը գործել նորանկախ Հայաստանի Հանրապետութեան քաղաքական կեանքի վրայ»,- նշում է պատգամաւորը:

Իսկ այն մասին, թէ ԶԼՄ-ներում, յատկապէս հայաստանեան մամուլի էջերում, արդէն իսկ շօշափելի են դարձել ՀՀ վարչապետ Նիկոլ Փաշինեանին ուղղւելիք Իրանի շնորհաւորական ուղերձի ուշացման հարցը, պատգամաւորն այն կապակցւած է տեսնում ԲԱՐՋԱՄ-ից դուրս գալու մասին Դոնալդ Թրամփի յայտնի յայտարարութեան հետ, ինչի զուգադիպումը թերեւս մի քիչ յետաձգել է շնորհաւորանքի ուղերձը:

Դոկտ. Կարէն Խանլարեանը յաւելեց, որ հաշւի առնելով Իրանի համար բարեկամ եւ հարեւան երկրում ստեղծւած իրավիճակի կարեւորութիւնը ուղերձի ուշացման մէջ, որեւէ միտում կամ յետին նպատակ չի տեսնում:

Յարակից լուրեր

  • Ակնարկ. Ուաշինկթընի հետեւողական պահուածքը խնդրոյ խռարկայ է
    Ակնարկ. Ուաշինկթընի հետեւողական պահուածքը խնդրոյ խռարկայ է

    Հայաստանի Հանրապետութեան մէջ Միացեալ Նահանգներու դեսպանին կատարած յայտարարութիւնը թէ՛ պատմական եւ թէ՛ քաղաքական ու իրաւական տուեալներով կարելի է հակափաստարկել: Բնականաբար նաեւ շատ համոզիչ ձեւերով պարզել, թէ ինչո՛ւ այդ մասին քննարկումներ չկան հայկական դաշտին մէջ, երբ յատկապէս ի սպառ կը բացակային քննարկումները Պաքուի մէջ անցեալին վերադարձը բացառելու եւ Արցախի ժողովուրդի կամարտայայտութեան փաստին հետ հաշուի նստելու: Որուն համար զարմանք չի յայտներ ամերիկացի դիւանագէտը:

  • Մեկնարկում է Իրանի եւ Հայաստանի առողջապահական զբօսաշրջութեան ոլորտների համագործակցութիւնը
    Մեկնարկում է Իրանի եւ Հայաստանի առողջապահական զբօսաշրջութեան ոլորտների համագործակցութիւնը

    ԻԻՀ առողջապահութեան փոխնախարար Հաշեմիի Հայաստան կատարած այցի ընթացքում, քննարկւել է երկու երկրների միջեւ առողջապահական զբօսաշրջութեան զարգացման հարցը: Այդ շրջանակում, առաջին իրանական ընկերութիւնը ռադիոթերապիայի զարգացած սարքաւորումներով սկսել է Հայաստանում իր աշխատանքը:

  • Վահան Իշխանեան. «Ինչ շուտ հպարտ քաղաքացիները դարձան բեսետկեքի անբաններ»
    Վահան Իշխանեան. «Ինչ շուտ հպարտ քաղաքացիները դարձան բեսետկեքի անբաններ»

    Հրապարակախօս Վահան Իշխանեանն իր ֆէյսբուքեան էջում գրում. «Նիկոլ Փաշինեանը արդէն հակայեղափոխականներ է փնտրում հասարակութեան աւելի լայն շերտերում, ամենախոցելի խաւերում՝ գործազուրկների ու աղքատների մէջ, արդէն ամենաաղքատ խաւերին է մեղադրում երկրի տնտեսական անյաջողութիւններում, նրանց մեղադրում է թէ ծոյլ են, չեն ուզում աշխատել։ 

  • Չինաստանը Հայաստանին նւիրաբերեց շտապ բուժօգնութեան 200 աւտոմեքենայ
    Չինաստանը Հայաստանին նւիրաբերեց շտապ բուժօգնութեան 200 աւտոմեքենայ

    Չինաստանի Ժողովրդական Հանրապետութիւնը Հայաստանի Հանրապետութեանը նւիրաբերեց շտապ բուժօգնութեան 200 աւտոմեքենայ. յանձնման հանդիսաւոր արարողութիւնը տեղի ունեցաւ Երեւանում, ներկայ էին ՀՀ վարչապետի պաշտօնակատար Նիկոլ Փաշինեանը, Հայաստանում Չինաստանի արտակարգ եւ լիազօր դեսպան Թիէն Ըրլոնգը, ՀՀ առողջապահութեան նախարարի պաշտօնակատար Արսէն Թորոսեանը եւ այլք:

  • Վարդան Ոսկանեան. «Իրանը շահագրգռւած է Հայաստանի տարածքով տարանցման միջոցով դէպի Սեւ ծով ելք ապահովման հնարաւորութեամբ»
    Վարդան Ոսկանեան. «Իրանը շահագրգռւած է Հայաստանի տարածքով տարանցման միջոցով դէպի Սեւ ծով ելք ապահովման հնարաւորութեամբ»

    Իրանագէտ Վարդան Ոսկանեանն իր ֆէյսբուքեան էջում գրում է. «Բազմիցս նշել եմ, որ իրանցիների համար նշանաբանութիւնը եւ խօսքային կամ գործնական մակարդակում անուղղակի նշանների կամ ուղերձների փոխանակումը չափազանց արդիական եւ, ըստ էութեան, աշխարհայացքային կարեւորագոյն բաղադրիչ է։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։