Հա

Համայնք

17/05/2018

Առաջնորդ Սրբազան Հայրն ընդունեց Մակեդոնացի երկու հոգեւորականների

Երեքշաբթի, մայիսի 15-ի կէսօրին, Մակեդոնիայից Թեհրան ժամանած հոգեւորականներ՝ Միլան քահանայ Բորիսովը, Ս. Ստեփանոս մատրան հովիւ եւ փոխտնօրէն գիտութեան ու միջազգային համագործակցութեան բաժանմունքի Աստւածաբանութեան համալսարանում, նաեւ Դէժան քահանայ Բորիսովը քաղաքավարական այցով, այցելեցին Ազգային առաջնորդարան եւ հանդիպեցին թեմիս առաջնորդ՝ գերշ. Տ. Սեպուհ Ս. արք. Սարգսեանին:

Երեքշաբթի, մայիսի 15-ի կէսօրին, Մակեդոնիայից Թեհրան ժամանած հոգեւորականներ՝ Միլան քահանայ Բորիսովը, Ս. Ստեփանոս մատրան հովիւ եւ փոխտնօրէն գիտութեան ու միջազգային համագործակցութեան բաժանմունքի Աստւածաբանութեան համալսարանում, նաեւ Դէժան քահանայ Բորիսովը քաղաքավարական այցով, այցելեցին Ազգային առաջնորդարան եւ հանդիպեցին թեմիս առաջնորդ՝ գերշ. Տ. Սեպուհ Ս. արք. Սարգսեանին: 

Հոգեւորականներին ուղեկցում էին Իրանի Կրօնների երկխօսութեան կենտրոնի տնօրէն՝ հոջ. Մեհդի Թասխիրին, տկն. Ռաշիդբէյգին եւ նոյն կենտրոնի ներկայացուցիչները: 

Առաջնորդ Սրբազան Հայրը նախ ջերմօրէն ողջունեց իր հիւրերին, իր ուրախութիւնը յայտնեց այս առիթով եւ լուսաբանիչ բացատրութիւններ տւեց ներկաներին հայութեան մասին, իրանահայ գաղութի անցեալի եւ ներկայի կեանքի եւ յատկապէս թեհրանահայութեան մասին եւ հայ եկեղեցու ու հայ ժողովրդի իւրայատկութիւնների մասին իբրեւ քրիստոնեայ ազգ: Իր խօսքի միւս բաժնում Սրբազան Հայրը անդրադարձաւ իրանահայ գաղութի ներկայ կեանքին։ Վերջում անդրադարձաւ նաեւ հայ-մակեդոնական յարաբերութիւններին: 

Այնուհետեւ հիւրերն այցելեցին նահատակաց յուշարձան եւ ապա մտան Ս. Սարգիս մայր եկեղեցի, որտեղ իրենց աղօթքը մատուցեցին Աստծուն: 

Ազգային առաջնորդարանի Հանրային կապ

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։