Հա

Համայնք

17/05/2018

Պատգամաւորական ժողովի հերթական նիստը. Քննարկւեցին համայնքի դպրոցների կարգավիճակը եւ Թեմական խորհրդի նախահաշիւը

Թ. Հ. Թ. 16-րդ Պատգամաւորական ժողովի հերթական նիստը աւելի քան երեք տասնեակ պատգամաւորների մասնակցութեամբ երէկ, մայիսի 16-ի երեկոյեան գումարւեց ազգային առաջնորդարանի դահլիճում, քննարկելով երկու հիմնական գլուխներ կապւած համայնքի  կրթական հարցերին եւ Թ. Հ. Թ. Թեմական խորհրդի կողմից իրանական ընթացիկ տարւայ (1397-ի) նախահաշւի:

«ԱԼԻՔ», Կ. Դ. - Թ. Հ. Թ. 16-րդ Պատգամաւորական ժողովի հերթական նիստը աւելի քան երեք տասնեակ պատգամաւորների մասնակցութեամբ երէկ, մայիսի 16-ի երեկոյեան գումարւեց ազգային առաջնորդարանի դահլիճում, քննարկելով երկու հիմնական գլուխներ կապւած համայնքի  կրթական հարցերին եւ Թ. Հ. Թ. Թեմական խորհրդի կողմից իրանական ընթացիկ տարւայ (1397-ի) նախահաշւի:

Թեհրանի հայոց թեմի առաջնորդ Տ. Սեպուհ արք. Սարգսեանը նիստի սկզբում անդրադառնալով Հայաստանի վերջին իրադարձութիւններին ընդգծեց, որ տեղի ունեցած իշխանափոխութիւնը իր տեսակի մէջ աշխարհում աննախընթաց էր՝ իր խաղաղ ընթացքի եւ կողմերի ցուցաբերած ինքնազսպւածութեան առումով եւ նշեց. «Այն մեր ժողովրդի իմաստութեան յաղթանակն էր եւ այդ իմաստով մեր ժողովուրդը ինքը շնորհաւորելի է»: Թեմակալ առաջնորդը նաեւ անդրադարձաւ տարածաշրջանի եւ Մերձաւոր Արեւելքի տագնապահար իրավիճակին, որը արդիւնքն է ԱՄՆ-ի նախագահի անխոհեմ քայլի:

Ապա ժողովը, պատգամաւոր Ժոզէֆ Մեհրաբեանի ատենապետութեամբ զբաղւեց ընթացիկ օրակարգերի քննարկումով: Ատենապետը ընդգծեց, որ Պ. Ժ.-ի մշակութային եւ հասարակական յանձնաժողովը երեք գրութիւններ են յղել դիւանին, կապւած «Ա. Աւետիսեան» ազգ. բուժարանին, «Սահակեան» բարեսիրական կենտրոնին եւ գերեզմանատանը, որոնց հետամուտ է Թ. Հ. Թ. Թեմական խորհուրդը:

Ատենապետը կարեւորութեամբ անդրադարձաւ Հ. Մ. Մ. «Րաֆֆի» համալիրի կապակցութեամբ ծագած բարդութեանը եւ ընդգծեց. «Այդ հարցով՝ Իսլ. խորհրդարանի պատգամաւոր դոկտ. Կարէն Խանլարեանը, թեմակալ առաջնորդը եւ Թ. Հ. Թ. Թեմական խորհուրդը, պատկան համալիրի դիւանի հետ միասնաբար հետեւում են խնդիրներին, որպէսզի այն բարեյաջող աւարտ ունենայ»: Ատենապետը անդրադարձաւ նաեւ երկրում տիրող տնտեսական իրավիճակին եւ առաջարկեց մասնագէտներ հրաւիրելով լաւագոյն տարբերակները գտնել համայնքի մասշտաբում տնտեսական խնդիրներին դիմագրաւելու համար:

Ժողովը յաջորդ գլխի տակ անդրադարձաւ համայնքի կրթական խնդիրներին՝ դպրոցների օպտիմալացմանը, հայոց դպրոցների ուսուցիչների աշխատավարձերի յաւելմանը, դպրոցները 12-րդ դասարանով եւ նոր ճիւղերով օժտելուն եւ մի խօսքով դպրոցների կրթական որակի բարձրացման հարցերով:

 

Այս գլխի տակ Պատգամաւորական ժողովը առաջիկայում հանդէս կը գայ հաղորդագրութեամբ:

Ժողովին հրաւիրւած էր Մեծի Տանն Կիլիկիոյ կաթողիկոսութեան Ազգային Կենտրոնական վարչութեան Քաղաքական ժողովի անդամ Թովմաս Թովմասեանը: Նա կարեւորութեամբ անդրադարձաւ այն հանգամանքին, որ Ազգային ժողովի վարչութիւնը առաջարկ էր ներկայացրել, որպէսզի մինչեւ վեց ամիս համայնքները ծրագրեն իրենց տասամեայ գործունէութեան նախագիծը:

Դադարից յետոյ Վահիկ Աղաքեանի ատենապետութեամբ Պ. Ժ.-ն շարունակեց նիստը: Այս բաժնում ընթերցւեց Թեմական խորհրդի ներկայացրած բիւջէի մանրամասն նախահաշիւը, որը ծաւալուն քննարկումներից յետոյ հաստատւեց պատգամաւորների կողմից:

Յարակից լուրեր

  • Լուրջ քայլեր առնելու պարտաւորութիւնը
    Լուրջ քայլեր առնելու պարտաւորութիւնը

    Բազմաթիւ են մեր ազգային դպրոցներում առկայ մտահոգութիւնները: Այս հաղորդագրութեամբ ընթերցողի ուշադրութեանն ենք ուզում յանձնել հետեւեալ կէտերը.

  • Հաղորդագրութիւն
    Հաղորդագրութիւն

    Թ. Հ. Թ. ՊԺ-ի որոշումները՝ դպրոցների վերաբերեալ բխում են մի շարք հիմնահարցերից եւ վիճակագրութիւնից: Տւեալները վկայում են, որ դժբախտաբար, ամէն տարի աշակերտութեան թիւը դպրոցներում եւ դասարաններում պակասում են:

  • Դպրոցների համատեղման հեռանկարով
    Դպրոցների համատեղման հեռանկարով

    Հայ դպրոցի փայփայման եւ պահպանման զգացումները, որոնք հնչել եւ հնչում են մեր համայնքում, կարեւոր են եղել թէ° անցեալում, թէ° այսօր, երբ խօսելու լինենք ազգային դպրոցներից որեւէ մէկի տեղափոխման կամ աշխատանքը դադարեցնելու մասին:

  • Հաղորդագրութիւն
    Հաղորդագրութիւն

    16-րդ շրջանի Պատգամաւորական ժողովի (ՊԺ) դիւանը, անսալով «Ռոստոմ» ազգ. տղ. տարր. դպրոցի ծնողների պահանջին եւ յարգելով նրանց նախանձախնդրութիւնը, դպրոցի պահպանման եւ զարգացման վերաբերեալ, նիստեր է գումարել Թեմական խորհրդի պատասխանատուների հետ, իսկ երէկ՝ յունիսի 13-ին եւս խորհրդակցական հանդիպում է ունեցել ՊԺ-ի Կրթական եւ միւս յանձնաժողովների նախագահների հետ:

  • Թեհրանի հայոց թեմի Պատգամաւորական ժողով (16-րդ շրջան) - ՀԱՂՈՐԴԱԳՐՈՒԹԻՒՆ
    Թեհրանի հայոց թեմի Պատգամաւորական ժողով (16-րդ շրջան) - ՀԱՂՈՐԴԱԳՐՈՒԹԻՒՆ

    16-րդ շրջանի Պատգամաւորական ժողովը իր հերթական նիստում՝ կայացած 16 մայիս 2018 թ.-ին, հանգամանօրէն շարունակեց քննել նախկին նիստերից արծարծւած դպրոցների եւ կրթական ոլորտին կապւած օրակարգերը եւ հետեւեալ որոշումները կայացրեց, որոնք առ ի գիտութիւն ներկայացնում ենք մեր հայրենակիցներին.

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։