Հա

Համայնք

22/05/2018 - 15:50

Հ. Մ. Մ. «Րաֆֆի» համալիրի խնդրով խորհրդարանի պատգամաւորն ու Թեմական խորհրդի ատենապետը հանդիպել են նահանգապետին

«Րաֆֆի» համալիրի դատական հարցով հնարաւոր լուծումների առիթով՝ այսօր առաւօտեան, Թեհրանի նահանգապետին են հանդիպել Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը եւ Թ. Հ. Թ. Թեմական խորհրդի ատենապետ Ռոբերտ Բեգլարեանը:

«ԱԼԻՔ» - Հ. Մ. Մ. «Րաֆֆի» համալիրի դատական հարցով հնարաւոր լուծումների առիթով՝ այսօր առաւօտեան, Թեհրանի նահանգապետին են հանդիպել Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը եւ Թ. Հ. Թ. Թեմական խորհրդի ատենապետ Ռոբերտ Բեգլարեանը:

Այս մասին հանդիպումից առաջ պրն. Բեգլարեանի հետ հեռախօսազրոյցի ընթացքում տեղեկացանք, որ հանդիպմանը համայնքի ներկայացուցիչները պատրաստւում են ներկայացնելու մինչ այս կատարւած հանդիպումների մանրամասներն ու առաջարկւող տարբերակները:

Նա յաւելեց, որ վերջերս տեղի է ունեցել հանդիպում հոջ. Իւնեսիի հետ, ում եւս տեղեակ է պահւել գործին լուծում տալու առանցքների ու կարեւորութեան մասին: Իւնեսին, իր հերթին փորձել է համապատասխան օղակներին տեղեակ պահելով աջակցել գործին, միեւնոյն ժամանակ շօշափելով քաղաքապետարանին դիմելու հնարաւորութեան հարցը՝ որպէս այլընտրանք:

Պրն. Բեգլարեանը նշեց նաեւ, որ Սպորտի եւ երիտասարդութեան նախարարութեան, ինչպէս նաեւ նախարարութեան դատական գործերով բաժնի վարիչի հետ հանդիպմանը քննարկւել են հնարաւոր լուծումների առանցքները:

Թեմական խորհրդի ատենապետի համոզմամբ, հարցի լուծումը պէտք է գտնել հէնց համապատասխան նախարարութեան հարթակում, քանի որ «Րաֆֆի» համալիրի զբաղեցրած տարածքի վրայ ընթացքում կատարւել են շինարարական ահռելի արժողութեամբ աշխատանքներ, որոնց առաջինը հէնց տէր պիտի կանգնի նախարարութիւնը:

Բեգլարեանը յաւելեց, որ հանդիպումների ընթացքում շօշափւել է նաեւ Թեհրանի քաղաքապետարանի հնարաւոր դրական դերի մասին, որն այս պահի դրութեամբ կարող է տրամադրել միջոցներ՝ հայցւորների պահանջներին լուծում տալու, միեւնոյն ժամանակ համարւելով տւեալ կառոյցի կալւածատէրը: «Սակայն, սա կարող է ստեղծել որոշակի հարցեր, որոնց լուծումը երկու պետական կառոյցների ձեռքերում է լինելու: Մի կողմից՝ քաղաքապետարանը, իսկ միւս կողմից՝ Սպորտի եւ երիտասարդութեան նախարարութիւնը, որոնք համարւելով շահախնդիր կողմ, պէտք է կարողանան տարածքի եւ հնարաւորութիւնների սեփականութեան հարցերը կարգաւորել միմեանց հետ»,- նշեց Թեմական խորհրդի ատենապետը:

Յարակից լուրեր

  • Այցելութիւն Հայ ակումբ
    Այցելութիւն Հայ ակումբ

    Հինգշաբթի, 14 մարտ 2019 թ.-ի կէսօրին թեմիս առաջնորդ գերշ. Տ. Սեպուհ Ս. արք. Սարգսեան ընկերակցութեամբ Թեմական խորհրդի ատենապետ պրն. Ռոբերտ Բեգլարեանի եւ Հայ ակումբի վերականգնումի շտապի ատենապետ պրն. Նորայր Արամեանի այցելեց Հայ ակումբ վերահասու լինելու, մինչ այդ կատարւած աշխատանքներին։

  • Կրօնական փոքրամասնութիւնների պատգամաւորները դատապարտել են Քրայսթչերչի հրաձգութիւնը
    Կրօնական փոքրամասնութիւնների պատգամաւորները դատապարտել են Քրայսթչերչի հրաձգութիւնը

    Իսլ. խորհրդարանում կրօնական փոքրամասնութիւնների պատգամաւորները, այդ թւում՝ Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանն ու Սպահանի եւ հարաւային իրանահայութեան պատգամաւոր Ժորժիկ Աբրահամեանը, հանդէս են եկել համատեղ յայտարարութեամբ՝ դատապարտելով Նոր Զելանդիայի Քրայսթչերչ քաղաքի երկու մզկիթում իրականացւած հրաձգութիւնը:

  • Փաշինեանը հանդիպել է ԵԱՀԿ գործող նախագահի հետ
    Փաշինեանը հանդիպել է ԵԱՀԿ գործող նախագահի հետ

    Վարչապետ Նիկոլ Փաշինեանն ընդունել է ԵԱՀԿ գործող նախագահ, Սլովակիայի արտաքին գործերի նախարար Միրոսլաւ Լայչակին: Հանդիպմանը մասնակցել են նաեւ ՀՀ արտաքին գործերի նախարար Զոհրաբ Մնացականեանը եւ ԵԱՀԿ գործող նախագահի անձնական ներկայացուցիչ Անջէյ Կասպրչիկը:

  • Հանդիպում-ընդունելութիւն` ՀՅԴ Բիւրոյի նորընտիր ներկայացուցիչ Յակոբ Տէր-Խաչատուրեանի հետ
    Հանդիպում-ընդունելութիւն` ՀՅԴ Բիւրոյի նորընտիր ներկայացուցիչ Յակոբ Տէր-Խաչատուրեանի հետ

    ՀՅԴ Լիբանանի Կեդրոնական կոմիտէին հրաւէրով, երէկ` երեքշաբթի, 12 մարտ 2019-ին, երեկոյեան ժամը 8:00-ին, Մարաշի հայրենակցական միութեան «Գերմանիկ» սրահին մէջ տեղի ունեցաւ հանդիպում-ընդունելութիւն` ՀՅԴ Բիւրոյի նորընտիր ներկայացուցիչ Յակոբ Տէր-Խաչատուրեանի հետ:

  • Հանդիպում ազգային առաջնորդարանում
    Հանդիպում ազգային առաջնորդարանում

    Երկուշաբթի, մարտի 11-ի երեկնապահին, թեմիս առաջնորդ գերշ. Տ. Սեպուհ Ս. արք. Սարգսեանը, առաջնորդարանի իր գրասենեակում ընդունեց Թ. Հ. Թ. Հայոց Ցեղասպանութեան 104-րդ տարելիցը ոգեկոչող կենտրոնական յանձնախմբի անդամներին:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։