Հա

Համայնք

22/05/2018

Իսլ. խորհրդարանում իրանահայ պատգամաւորների զրոյց-հանդիպումը

Իրանի ներքին ու արտաքին քաղաքականութիւնները, տնտեսական խնդիրները, ներհամայնքային հարցերը, Հայաստանի վերջին իրադարձութիւնները, Իրան-Հայաստան յարաբերութիւնները այն թեմաներն էին, որոնք շօշափւեցին երէկ՝ Իրանի Իսլ. խորհրդարանում Թեհրանի եւ հիւսիսային իրանահայութեան, նաեւ Սպահանի եւ հարաւային իրանահայութեան պատգամաւորներ դոկտ. Կարէն Խանլարեանի եւ Ժորժիկ Աբրահամեանի կողմից:

«ԱԼԻՔ», Կ. Դ. - Իրանի ներքին ու արտաքին քաղաքականութիւնները, տնտեսական խնդիրները, ներհամայնքային հարցերը, Հայաստանի վերջին իրադարձութիւնները, Իրան-Հայաստան յարաբերութիւնները այն թեմաներն էին, որոնք շօշափւեցին երէկ՝ Իրանի Իսլ. խորհրդարանում Թեհրանի եւ հիւսիսային իրանահայութեան, նաեւ Սպահանի եւ հարաւային իրանահայութեան պատգամաւորներ դոկտ. Կարէն Խանլարեանի եւ Ժորժիկ Աբրահամեանի կողմից:

Հայկական հարցերի ուսումնասիրութեան կենտրոն «ՀՈՒՍԿ»-ի նախաձեռնութեամբ եւ Հայ Համալսարանականների ընդհ. միութեան համագործակցութեամբ, երէկ՝ մայիսի 21-ի երեկոյեան, ՀՀԸ միութեան «Նիկոլ Աղբալեան» սրահում կազմակերպւել էր զրոյց-հանդիպում՝ պատգամաւորների եւ ժողովրդի հետ: Զրոյց -հանդիպումը «ՀՈՒՍԿ»-ի կողմից վարում էին Գրիգոր Ղազարեանը եւ Սարինէ Յարութիւնեանը:

Հանդիպում-զրոյցը վարողները անդրադառնալով նախաձեռնութեան նպատակի մասին, հակիրճ բացատրութիւններ փոխանցեցին պատգամաւորների կենսագրական տւեալների եւ խորհրդարանում նրանց զբաղեցրած յանձնաժողովների աշխատանքների մասին:

Ապա լսարանը նախ ունկնդրեց պատգամաւորներին: Իր ելոյթի ընթացքում դոկտ. Խանլարեանը անդրադառնալով Իրանի միջուկային գործարքի համաձայնագրից ԱՄՆ-ի հրաժարւելու ոչ-հաւասարակշռւած եւ արկածախնդրական քայլի մասին, ընդգծեց, որ այդ քայլը նպաստաւոր է Իսրայէլի քաղաքականութիւնների առաջտարման համար եւ դրանից յետոյ, ԱՄՆ-ը իր դեսպանատունը փոխադրեց Թել Աւիւ: Նա Իրանի որդեգրած քայլերը այս հարցով շատ հաւասարակշռւած բնութագրեց եւ յոյս յայտնեց, որ ԱՄՆ-ն այսուհետեւ աւելի խելամիտ քայլեր ձեռնարկի:

Ժորժիկ Աբրահամեանը յետդարձ հայեացք նետելով ԱՄՆ-ի կողմից Իրանի նկատմամբ թշնամանքի արմատներին, անդրադարձաւ տարածաշրջանում Իրանի կողմից ռազմավարական շահերի պահպանման անհրաժեշտութեանը եւ Իրանի դէմ ԱՄՆ-ի կիրառւած պատժամիջոցներին: Պատգամաւորը անդրադարձաւ Միջուկային համաձայնագրի հարցով Իրանի տարած ջանքերին:

Դոկտ. Խանլարեանը ի պատասխան Սիրիա պաշտօնական այցին, անդրադարձաւ Իրանական խորհրդարանական պատւիրակութեան շրջագծում վերջերս Սիրիա կատարած պաշտօնական այցին եւ Սիրիայի պետական շրջանակների, նաեւ հայկական համայնքի հետ հանդիպումներին:

Պատգամաւորները անդրադարձան նաեւ Հայաստանի վերջին իրադարձութիւններին եւ Իրան-Հայաստան բարի դրացիական կապերին:

Անդրադառնալով «Րաֆֆի» մարզահամալիրի խնդրին, դոկտ. Խանլարեանը ընդգծեց, որ Իրանի Սպորտի նախարարութեան եւ պատկան մարմինների հետ ընթացել են բանակցութիւններ եւ յոյս յայտնեց, որ հարցը բարեյաջող աւարտ ունենայ: Նա անդրադարձաւ նաեւ Հայ Հասարակական միութիւն Հայ ակումբի շինարարական աշխատանքներին եւ ընդգծեց մօտ ապագայում այն շահագործելու հնարաւորութեան մասին: Հարցերի մէջ անդրադարձ կար այն մասին, որ արդեօք հնարաւոր է Իրանի նախարարները հայ կամ այլ փոքրամասնութիւնների խորհրդատուներ ունենան, կամ հայ պատգամաւորների խորհրդարանում ունեցած ելոյթները ապրիլեան օրերին նաեւ ընդհանուր հարցերի մասին ինչպէս են արձագանգւում, նաեւ համայնքային հարցեր:

Նշենք որ հանդիպմանը ներկայ էին՝ Թ. Հ. Թ. Թեմական խորհրդի, ազգային մարմինների, «Ալիք» հաստատութեան ներկայացուցիչներ, երիտասարդներ եւ հայրենակիցներ:

Յարակից լուրեր

  • Դոկտ. Կարէն Խանլարեան. «Հայերը լաւ են հասկանում Պաղեստինի ժողովրդի տառապանքները»
    Դոկտ. Կարէն Խանլարեան. «Հայերը լաւ են հասկանում Պաղեստինի ժողովրդի տառապանքները»

    Հայերը լաւ են հասկանում Պաղեստինի ժողովրդի տառապանքները: Ինչպէս տեղեկացնում է ԻՌՆԱ-ն՝ այս մասին երէկ՝ յունիսի 8-ին, մայարքաղաքում տեղի ունեցած Ղոդսի օրւայ ցոյցի ժամանակ յայտարարել է Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը՝ յաւելելով, որ սիոնիստական վարչակարգը նպատակ ունի ցեղասպանութեան ենթարկել պաղեստինցիներին:

  • Դոկտ. Կարէն Խանլարեանի եւ Թեմական խորհրդի հանդիպումը՝ ոստիկանութեան յատուկ բաժնի պետի հետ
    Դոկտ. Կարէն Խանլարեանի եւ Թեմական խորհրդի հանդիպումը՝ ոստիկանութեան յատուկ բաժնի պետի հետ

    Վերջին ժամանակներում Թեհրանի Մաջիդիէ (Զէյթուն) քաղաքամասում տեղի ունեցած սերիական գողութիւնների հետեւանքով՝ տուժել էին մեր համայնքի մի շարք հայրենակիցներ եւս, կորցնելով իրենց ունեցւածքի մի մասը: Առաջին օրւանից հարցին հետամուտ է եղել Իսլ. խորհրդարանում Թեհրանի եւ հիւսիսային իրանահայութեան պատգամաւորը եւ Թ. Հ. Թ. Թեմական խորհուրդը: Ոստիկանութեան հետեւողական ջանքերի շնորհիւ ձերբակալւել են գողերը եւ այդ մասին իրազեկւել է ազգային իշխանութեանը:

  • Դոկտ. Կարէն Խանլարեան. «Կը յաղթենք, եթէ միակամ լինենք»
    Դոկտ. Կարէն Խանլարեան. «Կը յաղթենք, եթէ միակամ լինենք»

    Կը յաղթանեք, եթէ պարտադրեալ պատերազմի տարիների պէս պահպանենք միակամութիւնը: Այս մասին, ԻՌՆԱ-ի հետ զրոյցում ասել է Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը:

  • Հ. Մ. Մ. «Րաֆֆի» համալիրի խնդրով խորհրդարանի պատգամաւորն ու Թեմական խորհրդի ատենապետը հանդիպել են նահանգապետին
    Հ. Մ. Մ. «Րաֆֆի» համալիրի խնդրով խորհրդարանի պատգամաւորն ու Թեմական խորհրդի ատենապետը հանդիպել են նահանգապետին

    «Րաֆֆի» համալիրի դատական հարցով հնարաւոր լուծումների առիթով՝ այսօր առաւօտեան, Թեհրանի նահանգապետին են հանդիպել Իրանի Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը եւ Թ. Հ. Թ. Թեմական խորհրդի ատենապետ Ռոբերտ Բեգլարեանը:

  • Թեհրանի Պետական համալսարանում դասախօսութիւն՝ Հայաստանի վերջին իրադարձութիւնները
    Թեհրանի Պետական համալսարանում դասախօսութիւն՝ Հայաստանի վերջին իրադարձութիւնները

    Հայաստանի վերջին իրադարձութիւնների կապակցութեամբ երէկ երեկոյեան կազմակերպւել էր դասախօսութիւն, Թեհրանի Պետական համալսարանի իրաւաբանական եւ քաղաքական գիտութիւնների ֆակուլտետում: Թեհրանի Պետական համալսարանի Կենտրոնական Եւրասիայի հետազօտութիւնների գիտա-հետազօտական խումբը եւ Կովկասի հետազօտութիւնների հիմնադրամը, հետեւեալ խորագրով էին կազմակերպել դասախօսութիւնը՝ «Հայաստանում 2018-ի բողոքները, ակունքները, դրդապատճառները եւ հեռանկարները»:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։