Հա

Համայնք

29/05/2018 - 14:50

Հայաստանի Հանրապետութեան 100-ամեակը՝ Հ. Մ. «Սիփան» միութեան յարկի ներքոյ

Հայաստանի Առաջին Հանրապետութեան հիմնադրման 100-ամեակին նւիրւած միջոցառումների շարանում երէկ մայիսի 28-ին, Հ. Մ. «Սիփան» միութեան նախաձեռնութեամբ, միութեան «Նորայր Էլսայեան» սրահում կազմակերպւել էր տօնակատարութիւն: Դասախօսական-գեղարւեստական յայտագրով համեմւած միջոցառումը մեկնարկեց «Մեր Հայրենիք» հիմներգով, որը իրականացրեց միութեան երգչախումբը Լուսինէ Միքայէլեանի ղեկավարութեամբ, կատարելով յեղափոխական երգեր եւս:

«ԱԼԻՔ», Կ. Դ. - Հայաստանի Առաջին Հանրապետութեան հիմնադրման 100-ամեակին նւիրւած միջոցառումների շարանում երէկ մայիսի 28-ին, Հ. Մ. «Սիփան» միութեան նախաձեռնութեամբ, միութեան «Նորայր Էլսայեան» սրահում կազմակերպւել էր տօնակատարութիւն: Դասախօսական-գեղարւեստական յայտագրով համեմւած միջոցառումը մեկնարկեց «Մեր Հայրենիք» հիմներգով, որը իրականացրեց միութեան երգչախումբը Լուսինէ Միքայէլեանի ղեկավարութեամբ, կատարելով յեղափոխական երգեր եւս:

Օրւայ խօսքը վերապահւած էր «Ալիք» հաստատութեան ներկայացուցիչ Սուրիկ Աբնուսեանին, ով շնորհաւորելով Տօների տօնը՝ Մայիսի 28-ը, այն համարեց միջազգային բեմում աննախընթաց պայմաններում կերտւած Հանրապետութիւն, որը այն ժամանակւայ տարածաշրջանային պայմաններում եղաւ ամենաժողովրդավարը իր էութեամբ: Բանախօսը ապա անդրադարձաւ Սարդարապատեան յաղթանակի կարեւորութեանը ընդգծելով, որ այն վերականգնեց մեր ժողովրդի տոկունութիւնը, ինքնավստահութիւնը, իրաւունքների պաշտպանութեան կարողականութիւնը: Նա կարեւորութեամբ անդրադարձաւ Հայաստանի Առաջին Հանրապետութեան կերտման գործում Արամ Մանուկեանի անզուգական դերակատարութեանը եւ անհատականութեանը:

Նա անդրադարձաւ հայ ժողովրդի վրայ թողած Մայիսեան յաղթանակի ունեցած հետագայ ազդեցութիւններին:

Միջոցառումը զուգորդւած էր գեղարւեստական կատարումներով. ասմունքներով հանդէս եկան Թանիա Մինասեանը, Ալինա Տէր-Սուքիասեանը եւ Լեռնիկ Ծատուրեանը, Նոր Ջուղայի Հ. Մ. Մ. «Արարատ» միութեան Մշակութային միաւորի «Կռունկ» ասմունքի խմբից. Նոր Ջուղայի «Կոմիտաս» երիտասարդական երգչախմբից մեներգեց Վանայ Շիրւանեանը, ելոյթներով հանդէս եկան Հ. Մ. «Սիփան» միութեան էստրադային նւագախումբը՝ մեներգիչներ Նորիկ Ղարաբէգեանը եւ Ռոմիկ Ազիզեանը, իսկ պարային կատարումներով ելոյթ ունեցան Հ. Մ. «Սիփան» միութեան պարախումբը, Լոռեթա Աւետիսեանի ղեկավարութեամբ, օրւայ հաղորդավարն էր Արգին Արիստակէսեանը:

Միջոցառումը եզրափակւեց Թ. Հ. Թ. առաջնորդական փոխանորդ Տ. Մակար եպս. Աշգարեանի ելոյթով:

Սրբազան Հայրը կարեւորելով իւրաքանչիւրի մօտ Մայիսեան յաղթանակի ոգու դրսեւորումը եւ գոյատեւումը, ընդգծեց, որ Մայիսեան յաղթանակը հայ ժողովրդի ազատատենչ ոգու դրսեւորումն էր:

Միջոցառմանը ներկայ էին՝ Թ. Հ. Թ. Պատգամաւորական ժողովի, Թեմական խորհրդի, ազգային մարմինների եւ միութիւնների ներկայացուցիչներ:

Յարակից լուրեր

  • ՀՅԴ 128-ամեակի ժողովրդային տօնակատարութիւն` Այնճարի մէջ
    ՀՅԴ 128-ամեակի ժողովրդային տօնակատարութիւն` Այնճարի մէջ

    Շաբաթ, 12 յունուարի երեկոյեան ժամը 7:00-ին, Այնճարի հայութիւնը արժանաւոր կերպով նշեց ՀՅ Դաշնակցութեան 128-ամեակը` ժողովրդային տօնակատարութեամբ մը, որ տեղի ունեցաւ Այնճարի «Գալուստ Կիւլպէնկեան» սրահին մէջ, կազմակերպութեամբ` ՀՅԴ «Կարմիր Լեռ» կոմիտէի քարոզչական յանձնախումբին:

  • Արթուր Խաչատրեան. «Իշխանութիւնը մեզ համար երբեք ինքնանպատակ չի եղել»
    Արթուր Խաչատրեան. «Իշխանութիւնը մեզ համար երբեք ինքնանպատակ չի եղել»

    128-ամեայ սակայն երիտասարդ աւիւնով իր ազգանւէր աշխատանքը շարունակող Հայ Յեղափոխական Դաշնակցութիւնը, թեւակոխեց եւս մէկ ամեակ: Ամեակներ, որոնք շաղկապւած են եղել ու կը լինեն հայ ժողովրդի վերիվայրումներով լի պատմութեամբ: Հայ ժողովրդի ազգային-ազատագրական շարժումից ակունքաւորւած դաշնակցութեան 128-ամեակի հանդիսութիւնը նշանաւորւեց դեկտ. 20-ին Հ.Մ.Ա.Կ.-ի կենտրոնատեղի «Կոմիտաս» սրահում: 

  • Իրանի Հայ արհեստաւորների եւ Հ. Մ. Մ. «Նայիրի» միութիւնների համատեղ միջոցառում՝ նւիրւած ՀՀ Անկախութեան 100-ամեակին
    Իրանի Հայ արհեստաւորների եւ Հ. Մ. Մ. «Նայիրի» միութիւնների համատեղ միջոցառում՝ նւիրւած ՀՀ Անկախութեան 100-ամեակին

    Եթէ չլինէր 100 տարիներ առաջ ի գին ահռելի զոհողութիւնների հիմնադրւած Հայաստանի Առաջին Հանրապետութիւնը, այսօր չէինք կարող նշել երկրորդ Անկախ Հանրապետութեան 27-ամեակը: ՀՀ Անկախութեան 100-ամեայ յոբելեանի նշումը, որը իրականացաւ հայաշխարհում այս տարւայ ամբողջ կտրւածքով, բազմազան միջոցառումներով նշանաւորւեց նաեւ Թեհրանի հայկական համայնքում:

  • Մայիսեան յաղթանակի 100-ամեակին նւիրւած եզրափակիչ ծրագիր
    Մայիսեան յաղթանակի 100-ամեակին նւիրւած եզրափակիչ ծրագիր

    1918 թւականին մարմնաւորւած Հայաստանի Առաջին Հանրապետութիւնը, որը այս տարի բոլորեց իր 100-ամեակը, թէ՛ Հայաստանում, եւ թէ՛ Սփիւռքում նշանաւորւեց բազմաթիւ միջոցառումներով եւ մի խօսքով հայաշխարհը նշանաւորեց յաղթանակների յաղթանակ Մայիսի 28-ը:

  • Հ.Յ.Դաշնակցութեան հիմնադրման 128-ամեակի տօնակատարութիւնը՝ Նոր Ջուղայում
    Հ.Յ.Դաշնակցութեան հիմնադրման 128-ամեակի տօնակատարութիւնը՝ Նոր Ջուղայում

    Շրջանի Հայ Դատի «Արձագանգ» քարոզչական յանձնախմբի նախաձեռնութեամբ, Հայ Յեղափոխական Դաշնակցութեան հիմնադրման 128-ամեակը հանդիսաւոր տօնակատարութեամբ նշւեց ուրբաթ՝ 2018 թւականի նոյեմբերի 2-ի երեկոյեան, Նոր Ջուղայի Հայ Մ. Մ. «Արարատ» միութեան սրահում։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։