Հա

Համայնք

02/06/2018 - 15:00

Հայաստանի Առաջին Հանրապետութեան 100-ամեակի առիթով՝ Հանրապետական մաղթանք, դրօշի օրհնութիւն եւ հոգեհանգստեան արարողութիւն

Հայաստանի Առաջին Հանրապետութեան հարիւրամեակի առիթով, թւականիս՝ յունիսի 1-ի առաւօտեան, Թեհրանի հայոց թեմի բոլոր եկեղեցիներում ս. պատարագի ընթացքում, տեղի ունեցաւ Հանրապետական մաղթանք, դրօշի օրհնութիւն եւ յաւարտ ս. պատարագի հոգեհանգստեան արարողութիւն:

«ԱԼԻՔ», Կ. Դ. - Հայաստանի Առաջին Հանրապետութեան հարիւրամեակի առիթով, թւականիս՝ յունիսի 1-ի առաւօտեան, Թեհրանի հայոց թեմի բոլոր եկեղեցիներում ս. պատարագի ընթացքում, տեղի ունեցաւ Հանրապետական մաղթանք, դրօշի օրհնութիւն եւ յաւարտ ս. պատարագի հոգեհանգստեան արարողութիւն:

Ս. Սարգիս առաջնորդանիստ մայր եկեղեցում կրօնական արարողութիւնը նախագահեց Թ. Հ. թեմի առաջնորդ Տ. Սեպուհ արք. Սարգսեանը: Եկեղեցում Հ. Բ. Ը. միութեան պատւի կանգնած սկաուտների շարքերից, ՀՀ Եռագոյն դրօշը եկեղեցի բերւեց ՀՀ դեսպանութեան մշակութային կցորդ Սահակ Եղիազարեանի ձեռամբ եւ Հանրապետական մաղթանքի ընթացքում օրհնւեց թեմակալ առաջնորդի միջոցով ս. պատարագի ընթացքում եւ երգչախումբը հնչեցրեց «Մեր Հայրենիք» օրհներգը: Ընթացքում թեմակալ առաջնորդը քարոզելով, ընդգծեց, որ սրանից 100 տարի առաջ հրի ու սրի մատնւած Արարատեան դաշտում հայ ժողովուրդը Սարդարապատում, Ղարաքիլիսայում ու Բաշ Ապարանում կենաց ու մահու պայքարով եւ իր հաւատքով նոր կեանքի հեռանկար բացեց եւ այսօր Արարատեան դաշտը յոյսի կենտրոն է: Թեմակալ առաջնորդը անդրադառնալով Հայաստանի վերջին իրադարձութիւններին, նշեց. «Այսօր մենք որպէս ազգ, ուր որ կանք, որեւէ մէկ ժամանակահատւածից առաւել հպարտանալու առիթ ունենք: Մենք Հայաստանում արար աշխարհին ապացուցեցինք, որ կարելի է իշխանափոխութիւն եւ հոգեփոխութիւն ստեղծել առանց բռնութեան եւ արիւնի եւ պատիւ մեր ժողովրդին ու ղեկավարութեանը»: Թեմակալ առաջնորդը անդրադառնալով Հայաստանի Առաջին Հանրապետութեան հիմնադրման 100-ամեակին, նշեց. «100-ամեակի այս տարւայ ընթացքում մեզանից իւրաքանչիւրի նւիրական պարտականութիւնն է ճանաչել մեր պատմութիւնը եւ յատկապէս վերջին 200 տարւայ պատմութիւնը եւ այն ժամանակ կը համոզւենք, որ Եռագոյնը իսկապէս արիւնի եւ սարսափի միջից յառած դրօշ է»:

Ս. պատարագի աւարտին թեմակալ առաջնորդը կատարեց հոգեհանգստեան յատուկ արարողութիւն՝ Ղարաքիլիսայի, Բաշ Ապարանի, Սարդարապատի եւ միւս վայրերում տեղի ունեցած ճակատամարտերում զոհւած հայ նահատակների հոգու խաղաղութեան համար:

Կրօնական արարողութեանը ներկայ էին՝ Իրանում ՀՀ արտակարգ եւ լիազօր դեսպան Արտաշէս Թումանեանը եւ դեսպանութեան դիւանագիտական ներկայացուցիչները, Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, Թ. Հ. Թ. Պատգամաւորական ժողովի, Թեմական խորհրդի, «Ալիք» հաստատութեան ներկայացուցիչը, «Ալիք» օրաթերթի գլխաւոր խմբագիրը, ազգային մարմինների ու միութիւնների ներկայացուցիչներ եւ մեծ թւով ժողովուրդ:

Վերջում Սրբազան Հայրը օրհնւած դրօշը յանձնեց դեսպանին:

Յարակից լուրեր

  • Ողջոյն քառասնամեայ յեղափոխութեան
    Ողջոյն քառասնամեայ յեղափոխութեան

    Մարդկային կեանքը յատկանշող եւ միաժամանակ բնորոշող երեւոյթներից մին շարժումն է, յարատեւ շարժը, որ յառաջ է բերում կեանքի փոփոխութիւն, նոր մտածելակերպի ձեւաւորում եւ կեանքի նոր ապրելակերպ ու գործելաոճ. ընկերային թէ քաղաքական, մշակութային թէ հոգեւոր ասպարէզներում յաջողութիւն, ժողովուրդները նոր հեռանկարով ու յոյսով պարուրող շարժումը դառնում է իրական ու իրաւական կեանք ունեցող երեւոյթ երբ իր մեկնակէտն ու վախճանակէտը ժողովուրդն է, հարազատ ժողովուրդը իր անցեալով, ներկայով ու ապագայով։ 

  • Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում
    Առաջնորդ Սրբազանը մասնակցում է Միջին Արեւելքի եկեղեցիների խորհրդի Գործադիր վարչութեան ժողովին, 21-24 յունւար 2019 Աթշանէ ասորիների պատրիարքարանում

    Ինչպէս նախօրօք յայտնած էինք թեմիս առաջնորդ գերշ. Տ. Սեպուհ Ս. արք. Սարգսեան յունւարի 21-24 2019-ին Լիբանանում մասնակցեց Միջին Արեւելքի եկեղեցիների խորհրդի Գործադիր վարչութեան տարեկան ժողովին, որը գումարւեց Ասորի Ուղղափառ եկեղեցու պատրիարքարանում Աթշանէ հիւրընկալութեամբ Ասորի եկեղեցու հոգեւոր պետ նորին սրբութիւն Մար Աֆրամ Բ. Պատրիարքի։

  • Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը
    Իրանում ՀՀ դեսպանութեան նախաձեռնութեամբ նշւեց ՀՀ Բանակի 27-ամեակը

    Հայաստանի Հանրապետութեան Բանակի օրը՝ յունւարի 28-ը նշւում է ոչ միայն Հայաստանում, այլեւ իւրաքանչիւր երկրում, ուր ՀՀ-ն ունի դեսպանատուն եւ պաշտօնական ներկայացուցչութիւն:

    Իրանում ՀՀ դեսպանութեան նախաձեռնութեամբ, երէկ յունւարի 28-ի երեկոյեան «Արարատ» մարզաւանի «Վաչիկ Ղարաբէգեան» սրահում կազմակերպւել էր իւրայատուկ միջոցառում նւիրւած ՀՀ Բանակի կազմաւորման 27-ամեակին:

  • Մշակոյթի նախարարութեան մշակութային հարցերի տեղակալի այցն ազգային առաջնորդարան
    Մշակոյթի նախարարութեան մշակութային հարցերի տեղակալի այցն ազգային առաջնորդարան

    Կիրակի, յունւարի 27-ին, Նոր տարւայ եւ Ս. Ծննդեան տօների առիթով Իրանի Իսլամական լուսաւորութեան եւ մշակոյթի նախարարութեան մշակութային հարցերի տեղակալը՝ պրն. Մոհսէն Ջաւադին եւ նրա գլխաւորած պատւիրակութիւնը, այցելեցին Ազգային առաջնորդարան, ուր հանդիպեցին Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսեանի հետ:

  • Այցելութիւն ազգային առաջնորդարան
    Այցելութիւն ազգային առաջնորդարան

    Կիրակի 27 յունւարին, գաղութիս ազգային գործիչ եւ գործարար՝ պրն. Յովսէփ Ղուկասեանը, Էսթոնիայի Հանրապետութեան պատւոյ հիւպատոս՝ պրն. Արմէն Մութաֆեանը եւ իր եղբայր՝ պրն. Ալբերտ Մութաֆեանը քաղաքավարական այցելութիւն տւին թեմիս առաջնորդ՝ գերշ. Տ. Սեպուհ Ս. արք. Սարգսեանին:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։