Հա

Համայնք

18/06/2018 - 14:40

Դպրոցների համատեղման հեռանկարով

Հայ դպրոցի փայփայման եւ պահպանման զգացումները, որոնք հնչել եւ հնչում են մեր համայնքում, կարեւոր են եղել թէ° անցեալում, թէ° այսօր, երբ խօսելու լինենք ազգային դպրոցներից որեւէ մէկի տեղափոխման կամ աշխատանքը դադարեցնելու մասին:

Հաղորդագրութիւն

 

Հայ դպրոցի փայփայման եւ պահպանման զգացումները, որոնք հնչել եւ հնչում են մեր համայնքում, կարեւոր են եղել թէ° անցեալում, թէ° այսօր, երբ խօսելու լինենք ազգային դպրոցներից որեւէ մէկի տեղափոխման կամ աշխատանքը դադարեցնելու մասին:

Սակայն, գեղեցիկ զգացումներին զուգահեռ, պէտք է առաջնորդւենք իրականութիւնների լոյսի տակ եւ փորձենք լաւագոյնս տնօրինել մեր համայնքը:

Իրականութիւնները ինչքան էլ որ դառը կը հնչեն, պէտք է գերակշռեն զգացումներին:

Գաղտնիք չէ բոլորիս համար, որ Թեհրանի հայկական դպրոցների աշակերտների թիւը ժամանակի 17.000-ից իջել եւ այսօր հազիւ 2.000-ի է հասնում:

Այդ իսկ պատճառով անցնող 20 տարիների ընթացքում մի քանի դպրոցների աշակերտութեան թւի պատճառով անհնար է եղել շարունակել աշխատանքը եւ փակւել են:

Իսկ հազիւ 2-3 դպրոցներ աշակերտ ունենալով հանդերձ, տեղափոխւել եւ մէկտեղւել են միւս դպրոցների հետ:

Դժբախտաբար, այսօր եւս կանգնած ենք նոյն կացութեան առաջ եւ հարկադրաբար անհրաժեշտ է վերատեսման ենթարկել մեր բոլոր դպրոցները եւ ապագայի հեռանկարի լոյսի տակ վերադասաւորում կատարել:

Ահա ՊԺ-ն իր վերջին նիստում որոշում ընդունեց Սասուն քաղաքամասում գտնւող «Սողոմոնեան-Նայիրի» միջնակարգ դպրոցը, առաջիկայ երկու տարիների ընթացքում անհրաժեշտ բոլոր քայլերը առնելուց յետոյ, տեղափոխել նոյն քաղաքամասի «Նայիրի» տարր. դպրոց, որտեղ ժամանակին 2.000 աշակերտ է ունեցել, իսկ այսօր ընդամենը 95:

Այս որոշման հեռանկարը՝ ապագայում մէկ շէնքում, առաջինից՝ շրջանաւարտ համատեղ դպրոց ունենալն է:

Թ. Հ. Թ. ՊԺ-ի դիւան

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։