Հա

Համայնք

20/06/2018 - 14:20

Հաղորդագրութիւն

Թ. Հ. Թ. ՊԺ-ի որոշումները՝ դպրոցների վերաբերեալ բխում են մի շարք հիմնահարցերից եւ վիճակագրութիւնից: Տւեալները վկայում են, որ դժբախտաբար, ամէն տարի աշակերտութեան թիւը դպրոցներում եւ դասարաններում պակասում են:

Փաստեր եւ իրողութիւններ «Ռոստոմ» դպրոցի մասին

 

Թ. Հ. Թ. ՊԺ-ի որոշումները՝ դպրոցների վերաբերեալ բխում են մի շարք հիմնահարցերից եւ վիճակագրութիւնից: Տւեալները վկայում են, որ դժբախտաբար, ամէն տարի աշակերտութեան թիւը դպրոցներում եւ դասարաններում պակասում են:

Պատճառները բազմաթիւ են: Փաստ է նաեւ, որ աշակերտութեան առկայ թւերը բացարձակապէս չեն համապատասխանում Կրթադաստիարակչութեան նախարարութեան ընկալեալ պահանջներին եւ դաստիարակչական անհրաժեշտ սկզբունքներին: Ու թէեւ պատասխանատուները փորձում են բարեացակամ լինել մեր իրականութեան հետ, սակայն, զգուշացնում են, որ դասարաններում աշակերտութեան նւազագոյն թւի՝ «17»-ից պակասը վնասելու է երեխաների դաստիարակութեանը: Պատասխանատուները չեն թաքցնում, որ ցայսօր տրամաբանական չեն գտել թւաքանակով քիչ աշակերտ ունեցող դասարաններին որակեալ ուսուցիչ-ուսուցչուհիներով օժտել:

Իսկ ինչ վերաբերում է ազգ. «Ռոստոմ» տղ. տարր. դպրոցի աշխատանքների դադարեցման պատճառներին, պէտք է շեշտել.

1- Տարրական առաջին դասարանները հիմնականում սնւում են իրենց մօտակայքում գտնւող մանկապարտէզներից, այս դէպքում՝ «Ռոստոմ» դպրոցը՝ «Էլպիս Ֆերահեան» մանկապարտէզից: Բայց, ոչ միայն անցեալ տարի չի պատահել դա, այս տարի եւս մինչեւ ՊԺ-ի որոշումը ոչ մի աշակերտ «Էլպիս Ֆերահեան» մանկապարտէզից չի դիմել «Ռոստոմ» դպրոց՝ առաջին դասարան արձանագրւելու նախնական քայլեր վերցնելու համար:

Մեր համար յստակ է եղել նաեւ, որ «Էլպիս Ֆերահեան» մանկապարտէզ-նախակրթարանի 13 տղայ աշակերտներից 10-ը դիմել են «Գիւլբենգեան» դպրոց, իսկ մնացած 3-ը՝ կողմնորոշւած չեն եղել:

2- «Ռոստոմ» դպրոցի աշակերտութեան 50 տոկոսը բնակւում են Զէյթուն եւ Սասուն քաղաքամասերում:

3- Բոլոր տւեալներն ու փաստերը վկայում են, որ 2018-2019 ուսումնական տարեշրջանի «Ռոստոմ» դպրոցի աշակերտութեան թիւը անկում է ապրելու եւ ունենալու է հետեւեալ պատկերը՝ հաւանական 1 կամ 2 աշակերտի տարբերութեամբ՝

Առաջին դասարան՝ 4

Երկրորդ դասարան՝ 6

Երրորդ դասարան՝ 15

Չորրորդ դասարան՝ 14

Հինգերորդ դասարան՝ 7

Վեցերորդ դասարան՝ 13

Ահաւասիկ.-

Մեր փայփայած 65-ամեայ դպրոցի աշխատանքների դադարեցման դրդապատճառներն, ահա, վերոնշեալ իրականութիւններն են եղել, որի գործադրումը, անսալով դպրոցի ծնողների պահանջին, յետաձգեցինք:

Թ. Հ. Թ. ՊԺ-ի դիւան

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։