Հա

Համայնք

24/06/2018 - 14:00

Լուրջ քայլեր առնելու պարտաւորութիւնը

Բազմաթիւ են մեր ազգային դպրոցներում առկայ մտահոգութիւնները: Այս հաղորդագրութեամբ ընթերցողի ուշադրութեանն ենք ուզում յանձնել հետեւեալ կէտերը.

Հաղորդագրութիւն

 

Բազմաթիւ են մեր ազգային դպրոցներում առկայ մտահոգութիւնները: Այս հաղորդագրութեամբ ընթերցողի ուշադրութեանն ենք ուզում յանձնել հետեւեալ կէտերը.

Ա- Տարրական դպրոցների աշակերտութեան դպրոցից՝ դպրոց տեղափոխութիւնները.

Բ- Դէպի ոչ-հայկական դպրոցներ գնալու հոսքի առկայութիւնը.

Գ- Դպրոցների նիւթականի հետ կապւած իրավիճակը.

Եթէ ժամանակին աշակերտութեան քանակական բարձր թւի պատճառով ազդեցիկ չի թւացել նման տեղափոխութիւնները, ապա այսօր, երբ այդ թիւը նահանջ է ապրել ու նւազագոյնի է հասել, կարող է անվերականգնելի վիճակ առաջացնել, յատկապէս, տարրական օղակում:

Առաջին դասարանցիների թւային պատկերից, արդէն իսկ, կանխատեսելի է դառնում վաղւայ օրը:

2018-19 ուսումնական տարեշրջանի կապակցութեամբ կարելի է կանխատեսումների գնալ եւ արձանագրել, որ ընթացիկ տարւայ նախակրթարանաւարտ 66 տղաների ծնողները արձանագրութեան համար դիմել են տարբեր դպրոցների, ինչից գոյացել է հետեւեալ պատկերը.

«Շանթ» դպրոց՝ 14 առաջին դասարանցի,

«Նայիրի» դպրոց՝ 16,

«Ռոստոմ» դպրոց՝ 4,

«Գիւլբենգեան» դպրոց՝ 26,

Եւ «Մարիամ» հաստատութիւն՝ 4:

Տւեալ թւերին պէտք է աւելացնել նաեւ Հայաստան ներգաղթած 2 աշակերտի:

Հարկ ենք համարում նշել, որ կրթօջախների ֆինանսաւորման, ինչպէս նաեւ կրթամակարդակը տնօրինելու համար օր առաջ պէտք է հաւասարակշռութեան բերել ստացւած պատկերն ու իրավիճակը:

Ա - Ծնողներին տեղեակ պահելով՝ խնդրել եւ մղել է պէտք աշակերտին արձանագրելու՝ բնակութիւն հաստատած քաղաքամասում գործող դպրոցներում:

Աւելորդ կը լինի ասել, որ պէտք է մտածել եւ քայլել նկատւող թերութիւնների վերացման ուղղութեամբ: Նոր լիցք ու թափ հաղորդել տարրական օղակի մեր դպրոցներին, որպէսզի մեր հայրենակիցները պատճառներ չունենան լաւ դպրոցի երազանքով երեխաներին թաղից-թաղ տեղափոխելուն:

Համոզւած ենք, որ պատշաճ տնօրինումն չկատարւելու դէպքում, շատ մօտ ապագայում կանգնելու ենք անցանկալի իրավիճակների առջեւ, որից տուժելու են գործող դպրոցներից եւս մի քանիսը:

Բ- Արձանագրւած տւեալների համաձայն, վերջին մի քանի տարւայ կտրւածքով (նախկին) միջնակարգ համակարգի (9-ից 12 դասարանցիները) հայոց դպրոցը՝ ոչ- հայկականում կրթւելու նպատակով թողել է շուրջ 400 աշակերտ-աշակերտուհի: Պատճառները բազմաթիւ են, սկսած որակից, վերջացրած՝ հնարաւորութիւնների պակասով:

Յատկանշական է, որ մեր կրթական համակարգը 2017-2018 ուսում. տարեշրջանում ցաւալիօրէն կանգնեց վարակի վերածւող վերոնշեալ հոսքի տարածման առջեւ:

Հինգերորդից վեցերորդ տեղափոխւող աշակերտներից շուրջ 36-ն, իսկ 9-րդից՝ 10-րդ շուրջ 90 աշակերտներ թողեցին հայոց կրթօջախները՝ այլ հասցէներ որոնելով:

Սրանք տագնապ հնչեցնող փաստեր են:

Վիճակագրական այսօրինակ տւեալները մեզ պարտաւորեցնում են լուրջ քայլեր ձեռնարկելով, մի կողմ թողնել լուսանցքային հարցերը եւ յստակ որոշումների գնալ եղածը փրկելու, ինչպէս նաեւ հեռացած աշակերտներին վերադարձնելու ուղղութեամբ:

Պէտք է խոստովանել, որ կամ չենք փորձում անդրադառնալ, թէ՞ ինչ է կատարւում, կամ էլ իմանալով հանդերձ՝ չենք կարողանում որեւէ քայլ ձեռնարկել, ինչի մասին միայն այսքանը պակաս մտահոգիչ չէ:

Գ- Հարկ է գիտակցել, որ ազգային իշխանութեան նիւթական սկզբնաղբիւրներն ու հնարաւորութիւնները սահմանափակ են: Ծախսերը յաճախ են գերակշռում մուտքերին ու եկամուտին:

Հարկ ենք համարում նշել, որ ստեղծւած բացը տասնամեակների ընթացքում մեր բարերարների նւիրատւութեամբ է, որ հնարաւոր է դարձել ծածկել: Բարերարներ, ովքեր ժամանակի թելադրանքով օրը-օրին սպառւում են:

Աւելորդ կը լինի ասել, որ մեր դպրոցները տասնեակ տարիներ սուբսիդաւորւել են: Գիտակցում ենք նաեւ, որ իրաւունք չունենք անհեռանկարային սուբսիդների յատկացման ծանրութիւնը բարդել համայնքի սեփականութիւնը համարւող ազգային իշխանութեան գլխին:

Բաւական է միայն կենտրոնանալ թւարկւող դպրոցներում առկայ բացերին, որոնք անընդունելի սահմաններում գտնւելով, յստակ որոշումների եւ տնօրինման կարիքն ունեն.

«Սողոմոնեան-Նայիրի» դպրոց՝ 100 մլն. թուման

«Նայիրի» տարր. դպրոց՝ 100 մլն. թուման

«Ռոստոմ» տարր. դպրոց՝ 75 մլն. թուման

«Յ. Թովմասեան» դպրոց՝ 50 մլն. թուման:

Թ. Հ. Թ. ՊԺ-ի դիւան

Յարակից լուրեր

  • Հաղորդագրութիւն
    Հաղորդագրութիւն

    Առ ի գիտութիւն յայտնում ենք, Թեհրանի թեմի մեր սիրելի ժողովրդի զաւակներին, որ հրաւէրով թեմիս առաջնորդ գերշ. Տ. Սեպուհ Ս. արք. Սարգսեանի եւ ներկայութեամբ Պատգամաւորական ժողովի դիւանի ամբողջական կազմի, Պատգամաւորական ժողովի կողմից ընտրւած թեմիս գործադիր իշխանութեան կազմերը՝ Կրօնական, Թեմական խորհուրդներն ու Հաշւեքննիչ մարմինը իրենց անդրանիկ նիստերը առանձնաբար գումարեցին 2019 թւականի  մայիսի 29-ին, ազգային առաջնորդարանում եւ ընտրեցին իրենց դիւանները հետեւեալ կազմերով.-

  • Թեհրանի հայոց թեմի Պատգամաւորական ժողովի (16-րդ շրջան) հաղորդագրութիւն
    Թեհրանի հայոց թեմի Պատգամաւորական ժողովի (16-րդ շրջան) հաղորդագրութիւն

    Ս. թ. չորեքշաբթի, մայիսի 22-ին, Թ. Հ. Թ. Պատգամաւորական ժողովը նախագահութեամբ հայոց թեմի առաջնորդ Տ. Սեպուհ արք. Սարգսեանի, ատենապետութեամբ Ժոզէֆ Մեհրաբեանի եւ Ներքին գործերի նախարարութեան կողմից լիազօրւած տկն. Սէյէդիի ներկայութեամբ, կայացրեց Կրօնական, Թեմական խորհուրդների եւ ապա Հաշւեքննիչ մարմնի ընտրութիւնները, որոնց արդիւնքում՝ առաջիկայ երկու տարիների համար թեմի բարձրագոյն գործադիր մարմիններն ընտրւեցին հետեւեալ անձնակազմերով.

  • Պատգամաւորական ժողովը ընտրեց գործադիր նոր մարմիններ
    Պատգամաւորական ժողովը ընտրեց գործադիր նոր մարմիններ

    Թ. Հ. Թ. 16-րդ Պատգամաւորական ժողովը սոյն թւականի ապրիլի 30-ին եւ մայիսի 1-ին իր  հերթական նիստերում ունկնդրեց շրջանաւարտ Թ. Հ. Թ. Թեմական խորհրդի, Կրօնական խորհրդի եւ Հաշւեքննիչ մարմնի աշխատանքային զեկոյցները եւ թէժ քննարկումների աւարտին ժողովի կողմից կեանքի կոչւած Բանաձեւային յանձնախումբը ի մի բերեց երկու խորհուրդների եւ մարմնի գործունէութեան շուրջ քննարկումները:

  • Թ. Հ. Թ. Պատգամաւորական ժողովը ունկնդրեց շրջանաւարտ Թեմական խորհրդին, Կրօնական խորհրդին եւ Հաշւեքննիչ մարմնին
    Թ. Հ. Թ. Պատգամաւորական ժողովը ունկնդրեց շրջանաւարտ Թեմական խորհրդին, Կրօնական խորհրդին եւ Հաշւեքննիչ մարմնին

    Թւականիս ապրիլի 30-ից մեկնարկել է Թ. Հ. Թ. Պատգամաւորական ժողովի 16-րդ շրջանի հերթական նիստը, որը շարունակւեց նաեւ երէկ մայիսի 1-ին մինչեւ ուշ երեկոյ:

    Այս անգամ Պ. Ժ.-ի նիստերը՝ իրենց բնոյթով, տարբերւում էին նախորդներից, քանզի գործող Թ. Հ. Թ. Թեմական խորհուրդը, Կրօնական խորհուրդը եւ Հաշւեքննիչ մարմինը աւարտում էին իրենց երկամեայ աշխատանքային շրջանը եւ համայնքը օժտւելու է նորընտիր գործադիր իշխանութեամբ:

  • ՀՀ Մանկական զարգացման հիմնադրամի (ՄԶՀ) տնօրէնի այցը
    ՀՀ Մանկական զարգացման հիմնադրամի (ՄԶՀ) տնօրէնի այցը

    Ապրիլի 23-ին, ՀՀ Մանկական զարգացման հիմնադրամի (ՄԶՀ) տնօրէն՝ Լուսինէ Սիմոնեանը, Թ.Հ.Թ.-ի Կրթական խորհրդի անդամ՝ Մելինէ Բադալի ուղեկցութեամբ այցելել է Թեհրանի հայոց ազգային դպրոցներ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։